БИШКЕК, 6-фев. — Sputnik. Эл аралык "Манас" аэропортуна жакын жердеги Дача айылына кулаган учактан жабыркагандарга жардам берүү үчүн ачылган ӨКМдин атайын эсебине 1 миллион доллар чогулду (69 млн. сом). Бул тууралуу министрликтен кабарлашты.
Эске салсак, 16-январда Дача айылына кулаган учактан 39 киши каза болгон. Учурда үй-жайсыз калган жарандар "Семетей" мейманканасына убактылуу жайгаштырылган.
Маалыматка ылайык, 6-февралда 15.00гө карата атайын эсепке 69 миллион сом (1 миллион доллар) түшкөн.
"Атайын эсеп ачык. Каалаган жеке жана юридикалык тараптар каражат которо алат", — деп айтылат маалыматта.
Акча которууну каалагандар үчүн:
- Эсеп номери 4407012100007868 КР Финансы министрлигинин борбордук казыналык банкы
- БИК 440001,
- Эсеп коду 14238900.
- Ош шаары Моминов көчөсү,
- 11 ОКПО 22710535 ИНН 00103200110150
- Код УГНС 032
Акча ар кыл валютада — сом, рубль, теңге, доллар, евро, юань түрүндө кабыл алынат.
