Кыздын силуэти. Архивдик сүрөт

Түркияда мууздалды деген кыз: аман-эсен, жакшынакай эле жүрөм

(жаңыланган 19:51 14.02.2017)
Кыргызстандагы айрым жалпыга маалымдоо каражаттары Түркияда жүргөн Жаркынай аттуу кыргыз жаранын мууздап кетишкендигин жана ал кыздын өздүгү, жашаган жери тактала электигин жазышкан.

БИШКЕК, 14-фев. — Sputnik. Түркияда мууздалды деген Жаркынай аттуу кыз аман-эсен экенин Sputnik Кыргызстан агенттигине берген маегинде билдирди.

Буга чейин Кыргызстандагы айрым жалпыга маалымдоо каражаттары Түркияда жүргөн Жаркынай аттуу кыргыз жаранын мууздап кетишкендигин жана ал кыздын өздүгү, жашаган жери тактала электигин жазышкан.

"Маалыматты алгач көргөндө аябай таң калып, эмне кыларымды билбей калдым. Кыргызстандан апам, байке-жеңелерим чалып ыйлашты. Аларга бардыгы жакшы экенин айтып, көңүлдөрүн жай кылдым. Мен дагы деле өзүмө келе элекмин. Тирүү жүрүп эле интернеттен өзүңдүн өлгөнүңдү уксаң жаман болот экенсиң", — деди ал.

Жаркынай азыр 24 жашта. Учурда Түркиянын Анкара шаарында иштейт. Ал жакка ноябрь айынын аягында келген. Буга чейин бир жылдай иштеп кеткен.

Ал ошондой эле мындай жалган маалымат тараткан ЖМКларды жоопко тартуу керектигин баса белгиледи.

"Замандаш" ассоциациясы дагы Түркиядагы мекендештерге чалганда алар сүрөттөгү кызды издеп табышып, анын абалы жакшы экенин айтышкан.

Кыргызстандын Түркиядагы элчилиги ЖМКга чыгып кеткен маалыматты тактоо үчүн Анкара шаарынан Чанкая районунун полиция башкармалыгынын өкүлдөрү менен жолуккан. Бирок полиция бул күндөрү Анкарада Кыргызстандын же Борбор Азия мамлекеттеринин жарандары киши колдуу болуп өлтүрүлбөгөнүн билдирген.

Белгилер:
элчилик, Тышкы иштер министрлиги, Түркия
Тема боюнча
Яхье Машрапов: Стамбулда эмес, Кыргызстанда да түнкү клубга барып көргөн эмесмин
Ооруканада палатадагы капельница. Архив

Бишкекте уу коргошунга ууланып төртүнчү бейтап ооруканага түштү

(жаңыланган 22:48 20.04.2021)
Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.

БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.

Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.

Кыргызстандын президенти Садыр Жапаров
© Пресс-служба президента КР / Султан Досалиев
Ушуну менен борбор калаада уу коргошунга ууланган төртүнчү бейтап катталганы маалым болду. Бүгүн аталган ооруканага 71 жана 67 жаштагы жубайлар түшүп, алдын ала диагнозу "аконитке уулануу, аритмогендик шок" деп коюлган.

Андан мурдараак Тез жардам кызматы уу коргошунга ууланган киши ооруканага жеткирилгенин билдирген. Министрлик ал белгисиз затка ууланганын айтып, каны менен заарасы экспертизага жиберилгенин маалымдады. 

Уу коргошун чуусу

Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду

Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.

Белгилер:
Бишкек, уулануу, бейтап, оорукана, Ысык-Көл тамыры, уу коргошун
Тема:
Уу коргошун чуусу
Тема боюнча
Уу коргошун ичкендерден кагаз жүзүндө уруксат алган эмеспиз. Министрдин маеги
Милиция кызматкерлерин фуражкалары. Архив

Айзада киши колдуу болгон жердин сүрөтүн жарыялаган 3 милиционер жазаланды

(жаңыланган 22:52 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.

БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.

Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.

Ким кандай жаза алды:

  • Аламүдүн РИИБдин жоруктар бөлүмүнүн кызматкери, милициянын лейтенанты А. Экеевге катуу сөгүш;
  • Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
  • Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.

Айзаданын өлүмү

5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

Белгилер:
Айзада Канатбекова, жаза, сүрөт, өлүм, кызматкер, милиция, кылмыш
Тема:
Бишкекте 27 жаштагы кыздын уурдалып, өлтүрүлүшү
Тема боюнча
Кабар алып туралычы! Эже-карындашына кайдыгер ага-инилерге кайрылуу
ИИМ: митингчилерди милиция кызматкерлери кууган эмес