Кара-Кулжа районуна караштуу Алайкуу айыл өкмөтүнүн Көк-Арт айылында элдин өз ара чечими менен спирт ичимдиктерин сатууга тыюу салынды

Алайкууда спирт ичимдиктери таштандыга ыргытылып, сатууга тыюу салынды

394
(жаңыланган 15:24 21.02.2017)
Айылдагы дүкөндөрдөн спирт ичимдиктерин сатып алууга жергиликтүү кеңештин депуттары, айыл өкмөт кызматкерлери жана ыктыярдуу мугалимдер өз эсебинен 20 миң сом чогулткан.

БИШКЕК, 21-фев. — Sputnik. Кара-Кулжа районуна караштуу Алайкуу айыл өкмөтүнүн Көк-Арт айылында элдин өз ара чечими менен спирт ичимдиктерин сатууга тыюу салынды. Бул туурасында Sputnik Кыргызстан агенттигине аталган айылдык кеңештин депутаты Алымкул Айтмаарек уулу билдирди.

Анын айтымында, айылдагы дүкөндөрдөн 20 миң сомду түзгөн спирт ичимдиктери сатып алынып, таштанды таштоочу жайга төгүлгөн. 

Жители села Кок-Арт Кара-Кульжинского района уничтожают спиртные напитки
© Фото / Алымкул Айтмаарек уулу
Алайкууда спирт ичимдиктери таштандыга ыргытылды

"Бул жөрөлгөнү жагымсыз окуяларга жол бербөө максатында демилгелеп чыктык. Маселени элдик жыйынга салсак, баары колдоп беришти. Дүкөн ээлери да түшүнүү менен кабыл алып, коомчулуктун чечимин сыйларын айтышты. Соңунда депуттардан, мечит жамаатынан, калк арасынан комиссия түзүлүп, дүкөндөрдү көзөмөлгө ала турган болду. Баш ийбегендерге 10 миң сом өлчөмүндө айып пул салынат. Ичимдиктерди сатып алууга каражатты жергиликтүү кеңештин депуттары, айыл өкмөт кызматкерлери жана ыктыярдуу мугалимдер өз эсебинен чогулткан. Айылда жалпы жонунан 500дөй түтүн жашайт," — деди депутат.

Ошондой эле ал элдик жыйын "Биз спирт иичимдиктерине каршыбыз" аттуу акция менен коштолгонун кошумчалады.

  • Кара-Кулжа районуна караштуу Алайкуу айыл өкмөтүнүн Көк-Арт айылында элдин өз ара чечими менен спирт ичимдиктерин сатууга тыюу салынды
    Кара-Кулжа районуна караштуу Алайкуу айыл өкмөтүнүн Көк-Арт айылында элдин өз ара чечими менен спирт ичимдиктерин сатууга тыюу салынды
    © Фото / Алымкул Айтмаарек уулу
  • Айылдагы дүкөндөрдөн 20 миң сомду түзгөн спирт ичимдиктери сатып алынып, таштанды таштоочу жайга төгүлгөн.
    Айылдагы дүкөндөрдөн 20 миң сомду түзгөн спирт ичимдиктери сатып алынып, таштанды таштоочу жайга төгүлгөн.
    © Фото / Алымкул Айтмаарек уулу
1 / 2
© Фото / Алымкул Айтмаарек уулу
Кара-Кулжа районуна караштуу Алайкуу айыл өкмөтүнүн Көк-Арт айылында элдин өз ара чечими менен спирт ичимдиктерин сатууга тыюу салынды

Аталган айылда 10 жылдан бери дүкөн иштеткен жана жергиликтүү кеңештин депутаты Бактыбек Эргешбаев элдин чечимине каршы эместигин атат.

"Мындан эки-үч жыл мурда да ушундай демилге көтөрүлүп ар кандай себептер менен ишке ашпай калган. Айылда эки чоң, үч чакан дүкөн иштейт. Андагы спирт ичимдиктердин баарын сатып алып таштандыга ыргытышты. Айыл эли кылмыш-кырсыктардан оолак болушу үчүн бул демилгени баарыбыз колдошубуз керек. Бир чети бизге да жакшы болду. Анткени ичимдик сурагандар түн бир оокумда дагы тынчыбызды алып, эшикти каккылап келе беришчү", — деди Эргешбаев.

Эскерте кетсек, буга чейин да Алай, Ноокат, Ноокен, Ыссык-Көл жана Лейлек райондорунун бир нече айылдарында эч кандай мыйзамы жок эле коомчулуктун жалпы чечими менен спирт ичимдиктерин сатууга тыюу салынган.

Спирт ичимдиктерин сатууга тыюу салынган кыргыз айылдарын Sputnik Кыргызстан материалынан окуңуздар>>

394
Белгилер:
спирт ичимдиктери, тыюу салуу, Алайкуу
Тема боюнча
Спирт ичимдиктерин сатууга тыюу салынган кыргыз айылдары
Ноокаттын жети айылында спирт ичимдиктерин сатууга тыюу салынды