БИШКЕК, 23-фев. — Sputnik. Ата мекенди коргоо күнүнө карата Бишкек шаарынын окуучулары Улуттук гвардияга экскурсия жасашканын мэриядан кабарлашты.
Билдирмеге караганда, ачык эшик күнү Улуттук гвардиянын 714-аскер бөлүгүндө өткөн.
"Иш-чарага 25тен ашык мектеп окуучулары катышкан. Алар заманбап курал-жарактарга күбө болуп, казармаларды, музейлерди жана аскер ашканаларын кыдырышты", — деп айтылат маалыматта.
Ошондой эле окуучулар "Пантера" отрядынын "Антитеррор" аттуу машыгуусуна күбө болушкан.
