Боомдогу кафеден жоголгон беш жашар кыз дагы деле табыла элек

© Фото / пресс-служба ГУВД Чуйской областиБоом капчыгайынан жоголуп кеткен беш жашар Лидия Кашкарова
Боом капчыгайынан жоголуп кеткен беш жашар Лидия Кашкарова - Sputnik Кыргызстан
Жазылуу
Кыз 7-март күнү Бишкек — Торугарт жолунун жээгиндеги "Рахат" аттуу кафеден чыгып кеткен.

БИШКЕК, 13-мар. — Sputnik. Боом капчыгайынан жоголуп кеткен беш жашар кыз дагы деле табыла электигин Чүй облустук ИИББдан кабарлашты.

Буга чейин 7-март күнү беш жашар кыз жоголуп кеткени маалым болгон. Ведомствонун маалыматына караганда, апасы кызын каза болуп калган жолдошунун инисине таштап кеткен.

ОИИББдин маалыматына караганда, кичинекей кыз 7-март күнү эртең мененки саат 08:00дөрдө байкесинин үйүнөн чыгып кеткен.

"Ошол эле күнү түшкө маал Ивановкадагы нөөмөт бөлүмүнө кыздын 32 жаштагы энеси кайрылган. Апасынын айтымында, ал кызын каза болуп калган жолдошунун инисине таштап кеткен. Ал Бишкек — Торугарт жолунун боюндагы "Рахат" деген кафеде кароолчу болуп иштеп, жашайт экен. Кыз ошол жактан жоголгон", — деп милициядан билдиришти.

Кичине кызды издөөгө куткаруу кызматынын өкүлдөрү тартылган, бирок натыйжа чыккан эмес. Издөө иштери уланууда.

Жоголгон Лидиянын белгилери:

Бою 110-115 сантиметр, арык чырай, чачы сары, кыска, көзү көк, бакырайган.

Кийип жүргөн кийимдери:

Боз шапке, кара куртка, спорттук боз түстөгү кофта, гүлгүн түстөгү шым, кара көк түстөгү өтүк. Эгер бул кызды көргөн-билгендер болуп калса, нөөмөт бөлүмүнө төмөнкү номерлер аркылуу байланышуу сунушталат:

  • 03132 61-69-07
  • 0701 01-76-08
  • 0702 44-44-88
  • 0700 05-06-90.

Бала жоголуп кетсе кандай кадамдарды жасаш керек экендигин Sputnik Кыргызстан агенттиги даярдаган материалдан окуңуздар>>

Жаңылыктар түрмөгү
0