БИШКЕК, 14-мар. — Sputnik. Прокуратура органдары "Манас" эл аралык аэропортунун учуп-конуу тилкесине видео каттагычтарды орнотууга милдеттендирди. Бул тууралуу Башкы прокуратуранын маалымат кызматынан кабарлашты.
Транспорттук прокуратура Транспорт жана жолдор министрлигинин алдындагы Жарандык авиация агенттигин текшерип чыккан. Натыйжада учуп-конуу тилкесинде видео каттагычтар жок экени маалым болгон.
"Видео көзөмөлдүн мааниси зор. Ал аркылуу кырсыктын келип чыгуу себептерин аныктаса болот. Көпчүлүк учурда авариялык абалдар тилкеге конгондо же андан учканда катталат", — деп Башкы прокуратурадан билдиришти.
Текшерүү иштери жүргүзүлгөндөн кийин "Манас" аба бекетинин учуп-конуу тилкесине видео каттагычтар орнотулду.
