Аравандык Анвар аттуу дыйкан көп жылдан бери күнөскана тармагын мыкты өздөштүргөн адис, жеке ишкер Бакай Алиев

Кыргызстанда биринчи жолу күнөсканада дарбыз бышты. Адис менен маек

1640
(жаңыланган 17:43 16.03.2017)
Ушул кышта Кыргызстанда биринчи жолу Ош облусунун Араван районунда күнөсканада дарбыз бышып, килограммы 100-120 сомдон сатылды. Өткөн жылдын сентябрь айынын аягында отургузулган дарбыздар жаңы жыл алдында түшүм берди.

Аравандык Рахим аттуу дыйкан көп жылдан бери күнөскана тармагын мыкты өздөштүргөн адис, жеке ишкер Бакай Алиевге дарбыз өстүргүсү келип жүргөнүн айтып, андан кеңеш сураган.

Бүгүн Алиев иш жаңы башталганда күнөсканада дарбыз бышарына өзү дагы ишенбегенин Sputnik Кыргызстан агенттигине айтып берди.

— Бакай, күнөсканада дарбыз өстүрүү ишине кандайча аралашып калдыңыз?

— Рахим менен кесиптешпиз десем болот. Экөөбүз тең көп жылдан бери күнөскана иштетип келебиз. Бирок буга чейин жалаң эле бадыраң, помидор, көк-сактарды өстүргөнбүз. Бир күнү күнөсканачылардын семинарынан Рахимге жолугуп калып, ал дарбыз өстүрүү идеясын айтты. Менден кеңеш сурады, бирок мен анын бышарына ишене берген жокмун. Анүстүнө сентябрь айы аяктап калган. Дарбыздай ысыкты сүйгөн жемиштин кыш мезгилинде бышышы өтө эле күмөн негизи.

  • Ушул кышта Кыргызстанда биринчи жолу Ош облусунун Араван районунда күнөсканада дарбыз бышып, килограммы 100-120 сомдон сатылды
    Ушул кышта Кыргызстанда биринчи жолу Ош облусунун Араван районунда күнөсканада дарбыз бышып, килограммы 100-120 сомдон сатылды
    © Фото / Алишер Жакыпов
  • Өткөн жылдын сентябрь айынын аягында отургузулган дарбыздар жаңы жыл алдында түшүм берди.
    Өткөн жылдын сентябрь айынын аягында отургузулган дарбыздар жаңы жыл алдында түшүм берди.
    © Фото / Алишер Жакыпов
1 / 2
© Фото / Алишер Жакыпов
Ушул кышта Кыргызстанда биринчи жолу Ош облусунун Араван районунда күнөсканада дарбыз бышып, килограммы 100-120 сомдон сатылды

— Дарбыз канча аянтка эгилди эле?

— Биринчи жолу болгондуктан, эксперимент катары эле бир сотых жерге өзүнчө күнөскана жасап, ошол аянтка экти.

— Бир сотых жерден канча дарбыз алса болот экен?

— Дарбыз үчүн бул өтө кичинекей, ошондуктан 60ка чукул эле дарбыз бышыптыр.

— Жемиштин толугу менен бышышына канча убакыт кетти?

— Үч ай. Сентябдын аягында отургузуп, жаңы жыл алдында бардыгын үзүп алды. Жаңы жыл майрамдарына карата сатам деп тилек кылса керек, бирок башында 3-4 гана дарбыз өттү. Калганы бир айдын ичинде сатылып бүтүптүр.

— Кышында бышкан дарбыздын баасы өтө эле кымбат болсо керек?

— Албетте, анткени эмгек акталышы керек да. Бир колограммын 100-120 сомдон сатты. Ал эми бир дарбыз 10-12 килограммга чейин жетти. Ошондо бир дарбыздын баасы бир миң сомдон ашып кетет.

— 12 килограммдык дарбызды күздүн күнү аз жолуктурасың. Дары берилсе керек?

— Жок, дары берилген жок. Болгону топуракты мал кыгы менен семирткен.

— Эмки кышта дагы дарбыз өстүрөт бекен?

— Аны чече элек. Анткени, бул жолкусу өтө кыйынчылык менен жетилди. "Мунун ордуна помидор менен бадыраң өстүрсөм, эки эсе көп тапмакмын" деп сүйлөндү. Ал эми дарбызды өстүрүүгө сегиз миң сом чыгым кетирип, 30 миңдей гана киреше тапты.

1640
Белгилер:
дыйкан, кыш, дарбыз, күнөскана, Ош
Тема боюнча
Кыргызстандагы алгачкы биофабрика апрелде ишке берилет
Жаз — жарыш. Көчөт менен өсүмдүктөрдү качан жана кантип тигүү керек
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

357
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

357
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда
Лыжа базасында эс алуучу. Архив

Дүйшөмбүгө карата аба ырайы

66
30-ноябрга караган түнү өлкө аймагында абанын температурасы төмөндөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 29-ноя. — Sputnik. 30-ноябрь, дүйшөмбүдө, күндүз республиканын кээ бир райондорунда кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас, Нарын облустарында -3…-8, Ош, Жалал-Абад, Баткен аймактарында -4 …-9, Ысык-Көлдө -4…+1 градус болот.

Ош жана Бишкек шаарларында жаан-чачын жаабайт. Күндүн табы борбор калаада -4…-6, Ош шаарында -1…+1 градуска жетет.

66
Белгилер:
Кыргызстан, ноябрь, аба ырайы
Тема боюнча
Декабрга карата аба ырайы. Тоолуу жерлерде суук 34 градуска жетет