Бишкекте туулуп өскөн Биктисагүл Алымбаева жубайы жаңы зеландиялык Даллас Мэтисон Верн менен

Бактысын Жаңы Зеландиядан тапкан Биктисагүл: кыргыздын көйнөгүнө таңыркагандар көп

3012
(жаңыланган 18:07 21.03.2017)
Бишкекте туулуп өскөн Биктисагүл Алымбекова океандын ары жагындагы Жаңы Зеландия өлкөсүнө келин болгон. Учурда алар Нельсон шаарында жашашат. Жакында эле өзү менен кошо кайненесине, жолдошуна кыргыздын улуттук кийимдерин кийгизип ар улут катышкан фестивалга чыгып өлкөнүн атын таанытты.

Биктисагүл айым мындан беш жыл мурун жаңы зеландиялык Даллас Мэтисон Верн аттуу адамга турмушка чыккан. Анын жолдошу ислам динин кабыл алган.

Кыргызстанга Биктисагул Алымбаева и новозеландец Даллас Мэтисон Верн во время свадьбы в Бишкеке
© Фото / Азамат Нуралиев
Биктисагүл Алымбаева: жолдошум менен Түркияда иштеп жүргөндө таанышып калдым. Мамиле түзүп бири-бирибизди жакындан билгенден кийин баш кошууну чечтик. 2012-жылы Бишкекке келип, кыргызча салт менен туугандарды чакырып той өткөрдүк

— Алгач эле сиздин атыңыз кызыктырып жатат. Жолдошуңузга ыңгайлуу болушу үчүн ушундай ысымга өтүп алдыңызбы?

— Жок, мага бул ысымды өзүмдүн атам бир нече сөздөрдүн баш тамгасынан алып койгон. Биктисагүл — бакыт, илим, күрөш, таалай, ийгилик, сүйүүгө арналган гүл деп чечмеленет.

— Кыргызстандын кайсы аймагында туулуп өскөнсүз?

— Бишкекте чоңойдум, атам Таластан, апам Нарындын кызы болчу. Тилекке каршы ата-энем беш жашымда унаа кырсыгына кабылып, дүйнөдөн өтүп кетишти. Ошондуктан мектепти бүткөндөн кийин жогорку окуу жайга тапшырууга мүмкүнчүлүк болгон жок. Ага карабай курстарга барып чет тил менен компьютерде иштөөнү үйрөнүп алдым. Бишкектен турмушка чыгып бир кыздуу болгондон кийин жолдошум каза болуп калды. Андан калган кызымды жалгыз өстүрдүм. Бир топ жыл интернет клубдарда иштеп кийин Түркияга барып ишке орноштум.

  • Бишкекте туулуп өскөн Биктисагүл Алымбаева океандын ары жагындагы Жаңы Зеландия өлкөсүнө келин болгон
    Бишкекте туулуп өскөн Биктисагүл Алымбаева океандын ары жагындагы Жаңы Зеландия өлкөсүнө келин болгон
    © Фото / Азамат Нуралиев
  • Учурда алар Нельсон шаарында жашашат
    Учурда алар Нельсон шаарында жашашат
    © Фото / Окан Мухаммед
  • Жакында эле өзү менен кошо кайненесине, жолдошуна кыргыздын улуттук кийимдерин кийгизип ар улут катышкан фестивалга чыгып өлкөнүн атын таанытты
    Жакында эле өзү менен кошо кайненесине, жолдошуна кыргыздын улуттук кийимдерин кийгизип ар улут катышкан фестивалга чыгып өлкөнүн атын таанытты
    © Фото / Даллас Мэтисон Верн
  • Биктисагүл айым мындан беш жыл мурун жаңы зеландиялык Даллас Мэтисон Верн аттуу адамга турмушка чыккан
    Биктисагүл айым мындан беш жыл мурун жаңы зеландиялык Даллас Мэтисон Верн аттуу адамга турмушка чыккан
    © Фото / Окан Мухаммед
  • Анын жолдошу ислам динин кабыл алган.
    Анын жолдошу ислам динин кабыл алган.
    © Фото / Окан Мухаммед
1 / 5
© Фото / Азамат Нуралиев
Бишкекте туулуп өскөн Биктисагүл Алымбаева океандын ары жагындагы Жаңы Зеландия өлкөсүнө келин болгон

— Кыргыз кызы кантип океандын ары жагына келин болуп калды?

— Жолдошум менен Түркияда иштеп жүргөндө таанышып калдым. Мамиле түзүп бири-бирибизди жакындан билгенден кийин баш кошууну чечтик. 2012-жылы Бишкекке келип, кыргызча салт менен туугандарды чакырып той өткөрдүк. Жаңы Зеландияга барганда жолдошумдун ата-энеси менен алты ай жашадым. Кийин күйөөмдүн жумушуна байланыштуу башка өлкөгө кеткенбиз.

— Башка улуттун өкүлүнө турмушка чыгарыңызды укканда үй-бүлөңүз кандай кабыл алды?

— Туугандарым жакшы эле кабыл алышты. Каршы чыккан эч ким болгон жок. Бирок өзүм намаз окуп дин жолунда жүргөндүктөн "сен мусулман эмессиң башка диндегилерге турмушка чыга албайм" десем ойлонуп көрүп ал да ислам динин кабыл алды. Учурда намаз жаттап жатат.

Кыргызстанга Биктисагул Алымбаева с родственниками мужа в Новой Зеландии
© Фото / Окан Мухаммед
Биктисагүл Алымбаева: кайнатам менен кайненем пенсия курагында. Алар аябай жакшы адамдар. Кайненем экөөбүз кечке бошпуз. Ал мени унаасына отургузуп алып шаардын кооз жерлерин көрсөтүп келет

— Жолдошуңуз эмне жумуш кылат?

— Ал кесиби боюнча инженер, кемелерди курат. Анын жумушуна байланыштуу үч-төрт жыл ар кайсы мамлекеттерде жүрдүк. Жаңы Зеландияга келгенибизге аз эле болду. Азыр ушул шаарда иштеп жатат. А мен виза менен келгендиктен азырынча жумушка орношо албайм.

— Учурда кызыңыз да сиз мененби?

— Кызым 22 жашта, турмушка чыккан. Күйөө балам экөө Бишкекте жашайт. Былтыр күздө неберелүү болгом. Аны көрүү үчүн атайын барып кыш мезгилин Кыргызстанда өткөрүп келдим.

— Башка өлкөгө көнүп кетүү кыйын болгон жокпу?

— Бул жакта Кыргызстандагыдай төрт мезгил ирети менен болбойт экен. Азыр бизге күз келди. Кайнатам менен кайненем пенсия курагында. Алар аябай жакшы адамдар. Кайненем экөөбүз кечке бошпуз. Ал мени унаасына отургузуп алып шаардын кооз жерлерин көрсөтүп келет. Экөөбүз жетелешип алып сейилдеп, ар кандай көргөзмөлөргө, майрамдык иш-чараларга барып турабыз. Кайненем сүрөтчү, тарткан эмгектерин көрсөтүп мени да аябай шыктандырып жатат.

— Социалдык тармактардан кыргыз көйнөктөрүн кийип фестивалда жүргөнүңүздү көрүп калдык…

— Жаңы Зеландия көп улуттуу өлкө болгондуктан жыл сайын ар улуттун каада-салтын, кийим-кечесин, тамак-ашын даңазалаган фестиваль өтүп турат экен. Кайненем мени да "улуттук кийимиңди кийип өз өлкөңдүн атынан чык" деди. Өзүмдү жалгыз эле жөнөтүп койбой, жолдошум менен кайненем да кыргызча кийинип мени коштоп жүрүштү. Ал жерде көбү кийимибизге таң калып сүрөткө түшүп "каяктан келдиң?" деп сурап жатышты. Көйнөгүмдүн оймо-чиймелерине кызыккандар аябай көп болду. Кудай буюрса кийинки жылы мындан да жакшы даярдык менен катышууга ниет кылып жатам.

— Кыргызстандан Жаңы Зеландияга жетүү үчүн канча убакыт жол жүрөсүз?

— Эгер картадан карасак, эки өлкөнүн аралыгы 13690 чакырымды түзөт. Кыргызстандан Жаңы Зеландияга түз учкан аба каттамдары жок. Бишкек — Стамбул (6 саат), Стамбул — Сингапур (10 саат), Сингапур — Окленд (10 саат) аркылуу келдим. Оклендден жолдошум тосуп алып унаа менен Гамильтон, Таупо, Веллингтон шаарларын кыдырып бир жума дегенде Нельсон шаарына келдик.

—Маек соңунда Кыргызстанга салам жолдоп алсаңыз.

— Кыргызстандан келгениме аз убакыт болгонуна карбай сагына баштадым. Мекеним ар дайым жүрөгүмдө. Жалпы мекендештеримди Нооруз майрамы менен куттуктайм!

3012
Белгилер:
келин, фестиваль, Биктисагүл Алымбаева, Жаңы Зеландия
Тема боюнча
АКШ менен Канадада ат ойноткон "Карахан": кыргыз каскадерлорго эч ким жетпейт
Вандык кыргыздар: жергиликтүү түрк эли менен куда-сөөк болуп калдык
Чехияда окуган Айгерим: 1000 евро стипендия алып, бай чехтердин катарындамын
Сборка автобусов и электробусов в Камском автомобильном заводе (КамАЗ)

Министрлик: КамАЗ Кыргызстанда автобус чогултуу мүмкүнчүлүгүн карап жатат

19
(жаңыланган 18:36 24.06.2021)
Үч тараптуу келишимге россиялык ишкананын жетекчиси, кыргызстандык компания, энергетика жана өнөр жай министри кол койду.

БИШКЕК, 24-июн. — Sputnik. Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт. Бул тууралуу Энергетика жана өнөр жай министрлигинен билдиришти.

Министр Доскул Бекмурзаев башында турган делегация россиялык компаниянын ишмердүүлүгү менен таанышкан. Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.

  • Сборка автобусов и электробусов в Камском автомобильном заводе (КамАЗ)
    Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт.
    © Фото / пресс-служба Минэнергопром
  • Делегация во главе с министром энергетики и промышленности Кыргызской Республики Доскулом Бекмурзаевым ознакомилась с деятельностью российской компании «КамАЗ»
    Министр Доскул Бекмурзаев башында турган делегация россиялык компаниянын ишмердүүлүгү менен таанышкан.
    © Фото / пресс-служба Минэнергопром
  • Сборка автобусов и электробусов в Камском автомобильном заводе (КамАЗ)
    Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.
    © Фото / пресс-служба Минэнергопром
  • Автобусы и электробусы в Камском автомобильном заводе (КамАЗ)
    Кийин тараптар келишип калса автобустарды чогултуу боюнча келишимге кол коюлат.
    © Фото / пресс-служба Минэнергопром
1 / 4
© Фото / пресс-служба Минэнергопром
Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт.
"Келишимге ылайык тараптар Кыргызстандын аймагында эл ташый турган газ менен жүргөн автобус жана электробустарды чыгаруу боюнча изилдөөлөрдү биргеликте жүргүзүшөт", — дешти министрликтен.

Кийин тараптар келишип калса автобустарды чогултуу боюнча келишимге кол коюлат.

19
Белгилер:
келишим, Кыргызстан, автобус, "КамАЗ"
Тема боюнча
Бишкекке жаңы алып келинген автобустар кайсы жактарга каттайт? Маршрут
Лампа. Архив

Эртең Бишкектин 39 жеринде электр кубаты өчүрүлөт. Тизме