Сотрудники МЧС около типографии на северо-востоке Москвы, где в одном из зданий произошел крупный пожар, в результате которого погибло 17 человек.

Москвадагы өрт: басмакана жана анын жетекчисине 6,6 млн. рубль айып салынды

(жаңыланган 23:44 22.03.2017)
“Печатный экспресс” басмаканасында 2016-жылдын август айында өрт чыгып, андан 17 адам — 14 кыргызстандык жана үч россиялык кыз-келин каза болгон.

БИШКЕК, 22-мар. — Sputnik. Прокурордук иликтөөдөн кийин “Печатный экспресс” басмаканасы менен анын жетекчисине 6,6 миллион рубль өлчөмүндө айып салынды. Бул тууралуу Москва шаарынын прокуратурасы билдирди.

Буга чейин 17 адамдын өмүрүн алган өрт кырсыгы иликтенип жатканы маалымдалган. Кырсыктан набыт кеткендердин көбү кыргызстандык кыз-келиндер болгон.

“Текшерүүнүн жүрүшүндө мекеменин жетекчилиги кыргызстандык жумушчуларды эмгек келишими жок жумушка алганы белгилүү болду”, — деп айтылат билдирүүдө. 

Аталган факт боюнча ишкананын башкы директоруна карата кылмыш иши козголгон. 

Эскерте кетсек, “Печатный экспресс” басмаканасында 2016-жылдын август айында өрт чыгып, андан 17 адам — 14 кыргызстандык жана үч россиялык кыз-келин каза болгон. Набыт болгондордун көбү 25 жашка чейинкилер эле.

Каза болгондор чыгууга мүмкүнчүлүгү жок жайда калып, иске ууланып калышкан. Басмакананын калган 12 жумушчусун өрт өчүрүүчүлөр сактап калган. Россиянын тергөө комитети бул боюнча иш козгогон.

Белгилер:
басмакана, өрт, Москва
Тема:
Москва: басмаканадагы кыргызстандыктардын өмүрүн алган өрт (82)
Тема боюнча
Москвадагы өрттө элди сактап калган жигиттер сыйланды
Өкмөт Москвада өрттөнгөн басмаканадан элди куткаргандарды грамота менен сыйлайт
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр