Жер көчкү. Архив

Ош, Жалал-Абаддын кооптуу аймактарында түшүндүрүү иштери жүрүүдө

54
Жалпы жонунан аймактык кафедранын окутуучулары түштүк аймактагы 1456 адамды окуткан.

БИШКЕК, 23-мар. — Sputnik. Жалал-Абад жана Ош облустарынын табият кырсыктары көп катталган аймактагы жергиликтүү элге түшүндүрүү сабактары өтүлүүдө. Бул тууралуу ӨКМ маалымат кызматы кабарлады.

Билдирүүгө караганда, окуу учурунда айыл элине өзгөчө кырдаал жаралган учурда өзүн алып жүрүү жана коргонуу эрежелери айтылган.

"Жалал-Абад облусунун Сузак районуна караштуу Кара-Алма айыл аймагынын Орток айылында, Ош облусунун Өзгөн районунун Зергер жана Чангет айыл аймактарынын жана Жалал-Абад облусунун Кызыл-Туу жана Көк-Арт айыл аймактарында окутуу иштери уюштурулду. Бул аймактар кооптуу деп эсептелет", — деп жазылат маалыматта.

Жалпысынан 2017-жылдын 14-мартынан тартып 18-мартына чейин аймактык кафедранын окутуучулары түштүк аймактагы 1456 адамды окуткан.

54
Белгилер:
жаратылыш кырсыгы, окуу, ӨКМ, Жалал-Абад, Ош
Тема боюнча
Ош менен Бишкектин дарыгерлери өзгөчө кырдаалда иштөөнү үйрөнүштү
Ош — Бишкек жолунда көчкү түшүп унаалар өтө албай турат
Pfizer вакцинасы. Архив

Министр: КР Pfizer вакцинасын албай калды, Россиядан 500 миң доза күтүп жатабыз

0
Саламаттык сактоо министри Алымкадыр Бейшеналиев Кыргызстанга учурда эч бир вакцина алып келине электигин билдирди.

БИШКЕК, 19-янв. — Sputnik. Кыргызстан сактоо шарттарынын оордугунан улам Pfizer вакцинасын ала албай жатат. Учурда Россиядан алуу боюнча сүйлөшүүлөр жүрүп жатат. Бул тууралуу cаламаттык сактоо министри Алымкадыр Бейшеналиев Биринчи радионун эфиринде билдирди.

Министрдин айтымында, Pfizer препаратын сактоо шарттары Кыргызстанда түзүлгөн эмес.

"Глобалдуу альянс (сегиз вакцинанын ичинен) Pfizer вакцинасынан 1 млн. 200 миң дозаны акысыз берген. Америкалык бул вакцинаны элге алып келип, жеткиргенге чейин -70 градуста кармап туруш керек экен. Болбосо жараксыз болуп калат. Сактай турган атайын муздаткычтардын баасы 4 миң доллар болуп чыкты. Азыр бул маселе менен Финансы министрлигине кайрылдык. Шаар, облус борборлоруна муздаткычты коюш үчүн 2 млн. доллар керек экен. Андай акча бюджетте жок", — деди Бейшеналиев.

Эфир учурунда угармандан россиялык "Спутник V" вакцинасы эл арасында ишеним жаратып жатканы тууралуу жана аны алып келүү боюнча суроо берилди.

"Россия президенти Владимир Путинге КР президентинин милдетин аткаруучунун жана төраганын атынан 500 миң доза вакцина сурап кат жөнөттүк. Россиянын саламаттык сактоо министри Михаил Мурашко менен сүйлөшкөндө макул болгон. Бул маселе жакын арада чечилет. Россиялык вакциналардын артыкчылыгы -2 градустан -20 градуска чейин сактала турганы бар экен. Аларды 2-3 айдын ичинде алып келип калабыз", — деди министр.

Ал ошондой эле Кыргызстанга учурда эч бир вакцина алып келине электигин белгиледи.

Кыргызстандын коңшусу Казакстан 1-февралдан тарта коронавируска каршы россиялык "Спутник V" вакцинасы менен элди эмдей тургандыгын айтты.

0
Белгилер:
эмдөө, вакцина, коронавирус, Кыргызстан
Тема:
Коронавируска байланыштуу Кыргызстандагы кырдаал
Стамбул аэропортундагы учактар. Архив

Эртеңден тарта Стамбул Бишкек Стамбул авиакаттамынын саны көбөйтүлөт

17
(жаңыланган 14:46 19.01.2021)
Жаңы чечимге ылайык, эртеңден тарта Стамбулга жумасына жети рейс аткарылат. Буга чейин авиакомпания жумасына беш рейс жасап турган.

БИШКЕК, 19-янв. — Sputnik. "Манас" эл аралык аэропорту Стамбул — Бишкек — Стамбул авиакаттамынын санын көбөйтмөй болду. Бул тууралуу аталган аба майдандан билдиришти.

Ага ылайык, эртең, 20-январдан тарта, Стамбул — Бишкек — Стамбул авиакаттамы боюнча жумасына жети рейс аткарылат.

Жүргүнчүлөрдү Turkish Airlines авиакомпаниясы ташыйт. Буга чейин авиакомпания жумасына беш рейс жасап турган.

17
Белгилер:
рейс, каттам, Бишкек, Стамбул, "Манас" эл аралык аэропорту
Тема боюнча
Кийинки жумадан тарта Бишкектен Лейлекке учак каттай баштайт