Москвадагы басмаканадагы өрттүн кесепети. Архивдик сүрөт

Москвадагы өрт: кыргызстандык 14 кыз-келиндин эмнеден көз жумганы белгилүү болду

(жаңыланган 10:45 08.04.2017)
Москванын түндүк аймагында жайгашкан “Печатный экспресс” басмаканасы 2016-жылдын августунда өрттөнүп кеткен. Андан 17 киши каза болсо, 14ү — кыргызстандык кыз-келин экени аныкталган. Имараттан чыга албай калгандардын көбү 25 жаштын ар жак-бер жагында эле.

БИШКЕК, 7-апр. — Sputnik. 17 адамдын өмүрүн алган өрт кырсыгы боюнча кылмыш ишин иликтөө соңуна чыкканы Россиянын Тергөө комитетинин сайтына жарыяланды.

Маалыматка ылайык, “Печатный экспресс” басмаканасынын директору Сергей Москвин менен башкы инженер Антон Яцковго карата козголгон кылмыш ишин иликтөө аягына чыкты. Белгилей кетсек, аларга Россиянын Кылмыш жаза кодексинин 219-беренесинин 3-бөлүгү (Өрт коопсуздугу боюнча эреже-талаптарды бузуу) боюнча кылмыш иши козголгон.

“Тергөө 2016-жылдын 27-августунда Москва шаарынын Алтуфьев шоссесинин боюнда жайгашкан кампа жана өнөр жай имараттарында 4-кабатка жайылып кеткен өрт чыккан. Жалынды өчүрүүдө16 адамдын сөөгү табылган, дагы бир киши ооруканадан каза болгон”, — деп айтылат маалыматта.

Иликтөө иштеринен улам 30дан ашуун соттук экспертиза дайындалган. 

“Натыйжада өрткө жарык берүүчү жабдуунун иштебей калышы сыяктуу техногендик фактор таасир эткени, ал эми анын жайылышына имарат ичиндеги ири көлөмдөгү уулуу нерселер, буюмдар себеп болгон. Мындан тышкары, өзүм билемдик менен имарат конструкциясынын өзгөртүлүшү адамдардын сыртка чыгуусуна тоскоол болгон”, — деп айтылат билдирүүдө.

Тергөө 7 ай жүрүп, кылмыш ишинин көлөмү 27 томдон ашкан. Тийиштүү деңгээлде чогултулган далилдер ишти сотко жөнөтүүгө мүмкүнчүлүк түздү. 

Эскерте кетсек, “Печатный экспресс” басмаканасында былтыр август айында өрт чыгып, жалпы жонунан 17 киши набыт болгон, анын 14ү — кыргызстандык кыз-келин экени аныкталган. Имараттан чыга албай калгандардын көбү 25 жаштын ар жак-бер жагындагы кыз-келиндер эле. Кырсыктан кийин алардын иске ууланып каза болгону аныкталды. Россиянын Тергөө комитети өрт коопсуздугу боюнча эрежелердин бузулушу беренесинин негизинде кылмыш ишин козгогон.

Белгилер:
басмакана, сот, өрт, кылмыш иши, Москва
Тема:
Москва: басмаканадагы кыргызстандыктардын өмүрүн алган өрт (82)
Тема боюнча
Москвадагы өрттөн каза болгон кыз-келиндерге арналып тигилген бактар бүчүр байлады
Чекирова: Москвадагы өрттөн каза болгон кыз-келиндер аллеясына эми гүл отургузулат
Археологиялык казуулар. Архив

Бишкектен анча алыс эмес жерде балбал таш табылды. Сүрөт

(жаңыланган 22:16 14.04.2021)
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

БИШКЕК, 14-апр. — Sputnik. Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган. Бул тууралуу Sputnik Кыргызстан агенттигине өзү билдирди.

Обнаруженный в грунте балбал в селе Интернациональном недалеко от Бишкека
© Фото / предоставлено Павлом Камаевым
Бишкектен анча алыс эмес жерде Интернациональный айылынан экскаватор айдоочусу Павел Камаев балбал таш таап алган

Балбал — бул адамдын сөлөкөтү чегерилген таш эстелик. Камаев аны кантип таап калганын айтып берди.

"Ал күнү мен жумушта болчумун, жер казып атып бир маалда катуу бир нерсеге тийгендей болдум. Карап, көргөн көзүмө ишенген жокмун. Топурак алдында анча чоң эмес таш эстелиги жатыптыр. Бийиктиги болжол менен бир метрди түзөт. Анын бир колунда чөйчөк тартылган. Табылга жакшы жышаан экенин, мындай жерлерде белгилүү аскер адамы да көмүлгөнүн окугам", — деди ал.

Ал табылгасын адистерге берүү үчүн Маданият, маалымат жана спорт министрлигине барган.

"Балбал ташты өзүмө алып калайын деп эч ойлонгон жокмун. Министрликтегилер айтканымды угуп, анын мынча тереңдикте жатканына таң калышты. Себеби мен аны үч метр тереңдиктен таап чыккам да. Ал жакта бул таш кандайча жатып калганы табышмак", — деди Камаев.

Вид на Государственный исторический музей в центре Бишкека во время реконструкции
© Sputnik / Табылды Кадырбеков
Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады

Маданият министрлиги балбал таш тууралуу маалыматты тастыктап, аны Тарых музейинин алдына орнотушканын кошумчалады.

Белгилер:
табылга, эстелик, таш, балбал, Чүй облусу, Бишкек
Тема боюнча
Енисейди бойлой Барсбектин мүрзөсүн издегенде... Юлий Худяков менен маек
Бишкектеги Курманжан Датка эстелиги. Архивдик сүрөт

Бейшембиге карата аба ырайы

Күндүн ысышына жана күтүлүп жаткан жаан-чачынга байланыштуу өлкөнүн бийик тоолуу райондорунда кар көчкү түшүүсү ыктымал.

БИШКЕК, 14-апр. — Sputnik. Бейшембиде күндүз республиканын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +21…+26, Талас жергесинде +20…+25, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +15…+20 градуска чейин көтөрүлөт.

Күндүн табы Бишкекте +23…+25, Ош шаарында +24…+26 градус жылуу болот.

Белгилер:
Кыргызстан, апрель, аба ырайы
Тема боюнча
Бишкекте түркүн түстүү жоогазындар гүл ачты. Ажайып сүрөттөр

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 22:56 14.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актер, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.