Ала-Тоо 24 маалымат телеканалынын директору Жылдыз Жумабекова маек учурунда

Жылдыз Жумабекова: сабайбыз дегенине карабай Саруудагы митингге барып алгам

2014
(жаңыланган 12:51 09.04.2017)
Бир жолу Мэри деген кыз менен таанышып калдым эле. Ишенсеңер, ошол кызды такыр унутпайм. Тележылдыз болом деп катуу кыялданып алган. Өзүнүн жаза албасын билсе дагы, мыкты сүйлөйм деген ишеними күч болчу.

Менимче "Ала-Тоо 24" маалымат телеканалынын директору Жылдыз Жумабекова аны эч качан жумушка алмак эмес. Анткени ал теледеги жумуш жөн гана тил менен буудай кууруу эмес, талыкпаган эмгек экенин жакшы билет.

Өзү карьерасын кадр сыртындагы тексттерди окуу менен баштаган теледеги жумуштун түйшүгү тууралуу Жылдыз Жумабекова менен Sputnik Кыргызстан агенттигинин кабарчысы Асел Минбаева маектешти.

— Эл арасында эфирге чыгыш үчүн сөзсүз тааныш-билиштер болушу керек деген түшүнүк калыптанган…

— Мен буга кошулбайм. Өзүңөр элестетип көрсөңөр, телеканалдын башкы директорунун баласынын таланты, шыгы болсо, эмнеге ал мыкты журналист боло албасын? Биз аны атасынын аркасы менен жүрөт деп айта беребиз.

Өзүм тууралуу айтсам, мен жумушка кирип жатканда КТРКнын жетекчилик кызматтарында алыскы туугандарым иштесе да жардам сураган эмесмин. Уялгам.

— Негизи эле карьераңызды кантип жасадыңыз?

— Алгач кадр сыртындагы тексттерди окуйм деп жумушка киргем. Андан соң диктор болдум. Кийин жетекчилик алмашып, диктор кыздардын ордуна жигиттерди алабыз деп чечишкен. Ал кезде мен кабарчы болуп иштеп жүрдүм. Менимче, жетекчи бардык этаптан өтүшү керек. Мен тележурналистикадан аттап кеткен тепкичим болгон жок.

Директор новостного канала Ала-Тоо 24 Жылдыз Жумабекова во время интервью Sputnik Кыргызстан
© Sputnik / Табылды Кадырбеков
Жылдыз Жумабекова: адам журналистиканы кесип катары тандап атканда, тобокелчиликтер көп экенин билет. Кандай болгон күндө дагы иштеш керек. Бирок жетекчи ар бир кызматкерге жооп берет, ошондуктан кабарчынын өмүрүн тобокелчиликке сала албайт

— Журналисттердин кайсы бир сюжети боюнча сиз менен пикири келишпей калса эмне болот?

— Мен муну жакшы көрүнүш деп эсептейм. Адамдын өз пикири, позициясы болгону жакшы. Журналист жумушка эч кызыгуусу жок эле келип-кетип тургандан көрөкчө, талашып-тартышып иш кылганы жакшы. Бир консенсуска келип алса болот.

— Кабарчы кайсы бир тема боюнча сюжет тартам деп келди дейли, сиз бул анын жашоосуна коркунуч алып келерин билесиз. Уруксат бересизби?

— Адам журналистиканы кесип катары тандап атканда, тобокелчиликтер көп экенин билет. Кандай болгон күндө дагы иштеш керек. Бирок жетекчи ар бир кызматкерге жооп берет, ошондуктан кабарчынын өмүрүн тобокелчиликке сала албайт. 2013-жылкы Саруудагы окуялар эсиңерде болсо керек. Митингчилер "Кумтөрдү" улутташтырууну талап кылышкан. Ошондо алар "КТРКнын бир кабарчысы жакындаса, таарынбасын" деп айтышкан. Редакциябыздын эркек балдары бошобой калып, мен барам деп чыккам. Телеканалдын логотиптери жок барсак дагы, жергиликтүү эл мени таанып койгон. Бирок мен ал жакка элдин пикирин чагылдырууга барганымды түшүндүрүп бергем. Мага эч кимдин колу тийген жок. Негизи эле бизде кыздарга тийишпейт.

— Төрт жыл мурунку окуячы? Эсиңиздеби, электр энергиясына акы төлөбөгөн үйдүн ээлери тууралуу сюжет тартуу маалында КТРКнын кабарчы кыздарына айрымдар кол көтөрүшпөдү беле?

— Ооба, анда аябай чуу жараткан окуя болгон. Бирок көбүнчө эркек балдарга, өзгөчө операторлорго кол салышат. Мындайда алар кымбат балуу камераларды сактап калууга аракет кылышат.

Директор новостного канала Ала-Тоо 24 Жылдыз Жумабекова во время интервью Sputnik Кыргызстан
© Sputnik / Табылды Кадырбеков
Жылдыз Жумабекова: диплому бар адамды табуу оңой эле, ал эми чыныгы кесипкөйдү ит менен издеп калган учур. Азыр кадрдык жетишсиздик бир эле Кыргызстанда эмес, Казакстан, Россияда дагы байкалууда

— Сынды кандай кабыл аласыз?

— Негиздүү сынды жакшы көрөм. Биздин көрүүчүлөр өздөрүнө жакпаган нерселерди айтууга укуктуу.

Экинчи жагынан биз ар бир адамдын каалоо-тилегин ишке ашыра албайбыз. Мисалы, көпчүлүк расмий кабарларды арбын бергенибизге нааразы болушат. Бирок биз жалаң эле жеңил-желпи нерсе менен чектеле албайбыз да. Эл президенттин эмне иш кылып жатканын, өкмөттүн иш пландарын билиши керек. Кыскасы көрүүчүлөрдүн тилин табуу оңой эмес.

— Жаңы журналисттерди табуу жеңилби? Бизде журналисттерди даярдаган ЖОЖдор көп эмеспи?

— Диплому бар адамды табуу оңой эле, ал эми чыныгы кесипкөйдү ит менен издеп калган учур. Азыр кадрдык жетишсиздик бир эле Кыргызстанда эмес, Казакстан, Россияда дагы байкалууда.

Кыргызстан кичинекей өлкө болгондуктан, журналисттер алаканга салгандай көрүнүп турат. Азыр журналисттерди талашып жаткан мезгилибиз, биздикилерди тартып кетишет, биз тартып алабыз дегендей. Тилекке каршы, учурда негизги стимул акча болуп калды.

— Беш жылдан кийинки кыргыз телесин кандай элестетесиз?

— Менимче, телеканалдарда өнүгүүгө жетише турган акча каражаты болуп, жаңы технологиялар жагынан тартыштык жоюлат.

Айлык акы тууралуу айтып, маанайды түшүрбөй эле коеюн. Негизинен журналистикада өз кесибин чындап сүйгөндөр гана жүрөт. Алар үчүн акча экинчи планга өтүп кеткен.

2014
Белгилер:
журналистика, кесип, КТРК, Жылдыз Жумабекова
Тема боюнча
Отурбай койчу болсоң, "апа" дебе! Баткендик журналист кыздын окуясы
Салтанат Саматова: жакшы жигит болсо кыздар деле биринчи кадам жасашы керек
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

68
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

68
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео