Караоке кызматкеринин айласын алты кетирген кардарлар

© Sputnik / Илья Питалев / Медиабанкка өтүүЫрдап жаткан кыз. Архив
Ырдап жаткан кыз. Архив - Sputnik Кыргызстан
Жазылуу
Кыргыз ыр жандуу эл деп мактанабыз. Атургай тойлордо тамаданын азыраак сүйлөгүлө дегенине карабай, тостторду дагы ыр менен кошумчалап коебуз. Ошол жерден сөзсүз түрдө өзүнүн мыкты ырдаарына ишенген таяке же кудача болот эмеспи.

Ал эми мындайларды күндө көргөн караоке кызматкерлери кандай ойдо болду экен? Бизге жылмаюу менен суусундук алып келип берген кыз-жигиттердин кыжырына эмнелер тиет?

1.Микрофонго ашыккандар. Караокеге келгендердин баары ырдагысы келет. Барда отургандар дагы, столдогулар дагы, айтор баары эле микрофонду күткөндөр. Ал эми микрофон бирөө гана. Алдын-ала акча төлөп, кезегин күтүп жаткандарга микрофон убагында жетпей калса, өз дарегине "жаман" сөздөрдү баягы эле караоке кызматкерлери угушат.

Свадебная пара в парке в Праге - Sputnik Кыргызстан
Фотографтын жанын кашайткан 7 учур
2. Кеченин чүрөгү. Өзүн кеченин ханышасы элестетип, кумарлуу көз караштарды оңго-солго ыргытып турган бир аял болот. Учуру келди деп эсептегенде өз маанайына жараша ырды тандап, болгон-толгон "талантын" залдагыларга тартуулоого аракет кылат. Анын каарына калбаш үчүн кол чаап кубаттап, аныкындай керемет үндү өмүрүңүздө биринчи жолу угуп аткандай түр көрсөтпөсөңүз болбойт.

3. Сахна жылдызы. Эл арасында чындап эле катылып жаткан таланттар көп. Мындайлар караокеден Бейонсенин ырын өзүнөн айырмасы жок созолонтуп коюшу мүмкүн. Жаман жери ал ырдагандан кийин көпчүлүктүн өзүнө болгон ишеними кетип калат. Уялганынан ырдабай да койгондор жок эмес.

4. Уялчаактар. Караокеге баргандардын арасында эң таң калтыргандар ушулар. Акчасын төлөшөт, ырды заказ кылышат, сахнага чыгышат да, уялганынан ырдабай тура беришет. Бир маалда сен ырдачы деп сахнага досун чакырып алат.

5. Сүйүүдөн көңүлү калгандар. Буларды алыстан эле тааныса болот. Көз карашы муңдуу, колунда жүрөктөгү арманды болушунча тезирээк сүрүп чыкчу күчтүү ичимдик. Мындай кыздар Земфиранын же "ВИАгра" тобунун ырларын ыйлай-сыктай ырдаса, эркектер жинденгенинен аялдардын начар сапаттарын болушунча төгүп бере турган ырларды тандашат.

Жаңылыктар түрмөгү
0