Бириккен Араб Эмирлигинин FlyDubai компаниясында борт коштоочу болуп иштеген Наргиза Мукамбетова

Дубайда стюардесса болуп иштеген Наргиза: азыр жашоомду учаксыз элестете албайм

9041
(жаңыланган 15:48 11.04.2017)
Дүйнө жүзүндөгү аты чыккан компанияларда кадырлуу кесиптерди аркалаган мекендештер арбын. Алардын арасында Бириккен Араб Эмирлигинин FlyDubai компаниясында борт коштоочу болуп иштеген Наргиза Мукамбетова бар.

Наргиза мектепти бүтүп эле борт коштоочу курсуна тапшырган эмес. Алгач ал Бишкекте кызыл диплом менен соцкызматкер адистигине ээ болуп, жолун Эмгек министрлигинде баштаган. Бишкектик соцкызматкер кандайча Дубайга барып стюардесса болуп калганын Sputnik Кыргызстан агенттигинин кабарчысы Бегимай Бакашевага сурап билди.

Стюардесса авиакомпании FlyDubai Наргиза Мукамбетова. Архивное фото
© Фото / предоставлено Наргизой Мукамбетовой
Наргиза Мукамбетова: бир күнү Бишкектеги Араб өлкөлөрүнө жумушка орноштуруу менен алектенген Араб борборуна барып катталып койдум. Көп өтпөй эле Бириккен Араб Эмирлигинде мага ылайыктуу жумуш бар экенин айтып, маектешүүгө чакырышты. Андан өтүп кеттим

— Наргиза, Дубайга кетип калышыңызга эмне себеп болду эле?

— Кичине кезимде эле чет өлкөдө билим алып, иштөө тилегим күч болчу. Жашоо-шартка байланыштуу мектепти бүтөрүм менен эле башка өлкөдө окууга мүмкүнчүлүк болбоду. Бишкекте окуп, атүгүл билимдүү адис болгондон кийин деле баягы каалоом оюмдан кетпей койду. Эмнегедир жүрөгүмдө өзүмдү таппай жаткандай сезим менен жүрдүм. Акыры бир күнү кетип каларымды билдимби, айтор, анлгис тилин калтырбай өздөштүрүп жүрдүм. Бир күнү Бишкектеги Араб өлкөлөрүнө жумушка орноштуруу менен алектенген Араб борборуна барып катталып койдум. Көп өтпөй эле Бириккен Араб Эмирлигинде мага ылайыктуу жумуш бар экенин айтып, маектешүүгө чакырышты. Андан өтүп кеттим.

— Өз кесибиңиз боюнча ким элеңиз?

— Бишкек гуманитардык университетинен социалдык кызматкер адистигине ээ болгом, болгондо да окууну кызыл диплом менен бүтүргөм. Алгач Эмгек жана социалдык коргоо министрлигине жумушка орношуп, андан кийин Социалдык фондуда эмгектенип жүрдүм.

Стюардесса авиакомпании FlyDubai Наргиза Мукамбетова. Архивное фото
© Фото / Наргиза Мукамбетова
Наргиза Мукамбетова: көпчүлүк ата-энелер кыз кишини чет өлкөгө кетиргиси келбесе керек. Ошол үчүн мен кетем деп так кесе чечкенимди эч кимге айтпай жүрдүм. Качан гана маектешүүдөн өтүп, Дубайдагы жумушум даяр болгондо үйдөгүлөргө айткам

— Анан социалдык кызматкер кандайча стюардесса болуп калды?

— О-оой, анын тарых-таржымалы узун (күлүп). Алгач Араб Эмирлигине барганда Дубайдагы "Jumeirah beach hotel" мейманканасында ресепшнде иштедим. Ал жерден дагы үч жыл англис тилин жакшылап өздөштүрүп алып, анан FlyDubai компаниясына экзамен тапшырдым. Бирок биринчи жолкусунда өткөн жокмун. Стюардесса болом деп катуу ишенип алсам керек, болбой эле кайра барып, алты айдан кийин болгон сынакта өтүп кеттим.

— Араб өлкөлөрү менен Кыргызстандын айырмасы асман менен жердей да. Алгач барганда кыйналсаңыз керек?

— Албетте, кыйналдым. Аба ырайы, тил жагынан бир топ кыйынчылыктар болду. Англис тилин жакшыртыш үчүн үйгө китептерди алып келип алып, таң аткыча которуп, окуп чыкчумун.

— Чет өлкөгө кетишиңизге ата-энеңиз каршы болгон жок беле?

— Алар башынан эле каршы болчу. Көпчүлүк ата-энелер кыз кишини чет өлкөгө кетиргиси келбесе керек. Ошол үчүн мен кетем деп так кесе чечкенимди эч кимге айтпай жүрдүм. Качан гана маектешүүдөн өтүп, Дубайдагы жумушум даяр болгондо үйдөгүлөргө айткам. Ошондо ата-энем мени кыйнап алып калуу туура болбосун түшүндү окшойт, кыйылып жатып макул болушту.

— Учкуч, борт коштоочулардын жашоосу романтикалуу сезилет эмеспи. Чынында эле жумушка майрамга баргандай барасыңарбы?

— Менимче биздин жумушту романтикалуу деп айтууга болбойт. Жоопкерчилик өтө эле оор. Албетте, милдетиңди кынтыксыз аткарсаң, жумуштун баары эле ырахат тартууласа керек. Мактангандай болбоюн, бирок өз ишиме тыңмын. Жумушта мен үчүн кыйынчылык жараткан нерсе — бул уктоо режиминин бузулушу. Бир күнү таңкы алтыда, экинчи күнкү түнкү экиде абага көтөрүлүшүң мүмкүн. Бирок буга деле кайылмын. Анткени, жумушумду абдан сүйөм. Азыр жашоомду учаксыз элестете албайм. Жадагалса, эмгек өргүүсү учурунда деле ишке чыккым келе берет.

Стюардесса авиакомпании FlyDubai Наргиза Мукамбетова. Архивное фото
© Фото / предоставлено Наргизой Мукамбетовой
Наргиза Мукамбетова: айрым учурда учакта бир нерсеге нааразы болгондор чыгат. Биздин негизги милдет — бардык маселени жайгарып, ар бир жүргүнчүнүн тилин табуу. Кыскасы, учактын ичиндеги гармонияны сактоо

— Сиз кызмат кылган учактарда мекендештерди кезиктирип калган учурлар болобу?

— Ооба, болот. Андайда эски тааныштардай сүйлөшүп, кадимкидей сагынычың таркай түшкөндөй болосуң. Негизи эле чет жерден кезиккенде мекендештер менен бир туугандай болуп калат эмессиңби. Дубайдагы кыргыздар абдан ынтымактуу. Майрамдарда кезигип турабыз.

— Иш учурунда кооптуу жагдайларга кезиктиңиз беле?

— Чоң кырсыктардан кудай сактасын, бирок учактын ичинде жүргүнчүлөргө байланыштуу маселелер жаралып калат. Бирөө ооруп калат дегендей. Андайда колдон келген жардамыбызды кылабыз. Айрым учурда учакта бир нерсеге нааразы болгондор чыгат. Биздин негизги милдет — бардык маселени жайгарып, ар бир жүргүнчүнүн тилин табуу. Кыскасы, учактын ичиндеги гармонияны сактоо.

9041
Белгилер:
стюардесса, каалоо, кыял, кызмат, Дубай
Тема боюнча
Стюардесса: учак кулап баратканда кыйналбай өлсөм экен деп тиледим
Араб Эмирлигинде стюардессаны өөп жиберген кишини түрмөгө отургузушту
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

74
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

74
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

22
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

22
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет