НТС телеканалында чыккан ТВ Кайгуул берүүсүнүн алып баруучусу Наргиза Бекназарова маек учурунда

Диктор Бекназарова: ажатканадагы баланын киндигин эч нерсени ойлонбой туруп кестим

3053
(жаңыланган 17:51 14.04.2017)
Жергиликтүү каналдардын биринде жаңылыктар бөлүмүндө диктор болуп иштеген Наргиза Бекназарова жакында эле кичинекей ымыркайдын киндик энеси болуп, бир эненин өмүрүн сактап калды.

Наргиза НТС телеканалында чыккан ТВ Кайгуул берүүсүнүн алып баруучусу Азият Жекшеевдин келинчеги. Жубайынын үй шартында төрөлгөн ымыркайдын киндигин кесип, эки өмүрдү сактап калган жакшы ишин жолдошу жашыра албай Facebook баракчасына жарыялап, аялы менен сыймыктанарын айткан.

Sputnik Кыргызстан агенттигинин кабарчысы Таалайгүл Усенбаева диктор менен баарлашып, анын киндик эне болушу жана үй-бүлөсү тууралуу маек курду.

— Наргиза, бул окуяга кандайча туш болуп калдыңыз? Же буга чейин төрөт кабыл алып көрдүңүз беле?

— Жок, буга чейин мындай окуяга кабылмак тургай, күбөсү да болгон эмесмин. Үйдө болчумун, кыздарым сыртта ойноп жүрүшкөнүнөн карап коеюн деп сыртка чыгып баратсам колунда он айлык баласы бар келин чуркап келип "эже, эже" деп көзүн алайтып "үйдө кайын сиңдим бар эле, төрөп койду" деп калды. Барсак жаткырып коюптур, баласынын киндиги кесиле элек. Көрсө, биринчи баласы экен, дааратканага барса бала чыгып кетиптир. Эмне кыларымды билбей дароо Тез жардамга чалдым, алар мага киндикти кесе бер деп айтышып, кеңештерин беришти. Кайчыны медициналык спирт менен тазалап, киндигин бууп туруп кесип койдум.

— Корккон жоксузбу?

— Жок, корккон деле жокмун. Оюма дароо ымыркайды сактап калуу келди, экинчиден өзүм боюмда барда төрөткө даярданып интернеттен видеолорду көргөм.

— Сиздер баргыча бала эч нерсе болбоптурбу?

— Жок, мен киндигин кесип, энесинин үстүнө жаткырып коерум менен Тез жардам келип калды.

Диктор телеканала НТС Наргиза Бекназарова во время интервью Sputnik Кыргызстан
© Фото / Жоомарт Ураимов
Диктор Наргиза Бекназарова: баланын абалы жакшы экенин айтып энеси экөөнү ооруканага алып кетишти. Ал эми менин жасаганымды баалап, баарын туура кылыптырсыңар, ымыркайды өзүңөр эле багып албайсыңарбы деп тамашага салышты

— Алар эмне дешти?

— Баланын абалы жакшы экенин айтып энеси экөөнү ооруканага алып кетишти. Ал эми менин жасаганымды баалап, баарын туура кылыптырсыңар, ымыркайды өзүңөр эле багып албайсыңарбы деп тамашага салышты. Тиги кыз өзү жаш экен, анан биринчи төрөтү болсо, айына жетпей төрөлсө дагы бактылуу ымыракай экен (күлүп).

— Колуңузду майлап бериштиби?

— Байке-жеңелери абдан ыраазы болуп, ошол эле күнү кечинде үйүнө чакырып, ыраазычылыгын билдирип, белек-бечкектерин беришти.

— Өзүңүздүн канча балаңыз бар?

— Үч баланын энесимин. Эки кызым, бир уулум бар.

— Биз билгенден жолдошуңуздун жумушу өтө оор жана кооптуу. "ТВ Кайгуулдун" алып баруучусунун жубайы болуу андан да оор болсо керек? Анткени аны коркуткандар көп да…

— Ооба, жумушу абдан кооптуу. Ар кандай адамдарды тартат, кимиси эмне кылып жиберет деп жүрөгүң түшөт. Мурда бул долбоор жаңы башталганда түнү менен уктабай чыкчумун. Балдарды уктатып коюп, оюм онго бөлүнүп күтүп отурчумун. Азыр кичине жүрөгүм тынч, мен да көндүм окшойт. Бирок баары бир эки-үч жолу чалып сурап турбасам, уктай албайм. Азыр деле башка тармакка өтчү деп айта берем.

— Сиз дагы өзүңүздү милиционердин аялындай элестетип кетесизби?

— Ооба (күлүп), тартип сакчыларынын жубайларын эми түшүнүп жатам. Аял киши баары бир сарсанаа боло берет экен.

— Жолдошуңуз үй жумуштарына жардам береби?

— Азият балдарга абдан жакын, баласаак. Көп убактысы жумушта, күндүз келип уктап, кечкисин жумушка кетет. Бирок убактысы табылса эле аларды балдары менен өткөргөнгө аракет кылат.

3053
Белгилер:
акушер, ымыркай, оорукана, Наргиза Бекназаров, Азият Жекшеев
Тема боюнча
Бизди дегеле жакшы деген адам жок... Маршрутка айдоочулары менен маек
Ымыркайы менен вагондо жашаган келин Москвадан Кыргызстанга келе албай жатат
Медициналык кызматкер COVID-19га каршы эмдөө жүргүзүп жатат

АКШда COVID-19га каршы эмделген киши эки сааттан кийин көз жумду

13
Көз жумган киши Moderna же Pfizer вакцинасыбы, кайсынысы менен эмделгени азырынча белгисиз. Буга карата жергиликтүү, штаттык жана федералдык деңгээлде иликтөө жүргүзүлүп жатат.

БИШКЕК, 24-янв. — Sputnik. АКШда коронавируска каршы эмделген киши бир нече саат өткөндөн кийин көз жумганын РИА Новости жазды.

Калифорниядагы Плейзер округунун шерифинин кеңсеси өзүнүн Facebook баракчасына каза болгон адам өткөн айда COVID-19 илдети менен ооругандыгын билдирген. 

"Плейсер округунун Саламаттык сактоо кызматы жана шерифтин кеңсесинин коронавирус боюнча бөлүмү адам көз жумгандыгы жөнүндө маалымат алышты. Ал кишиге декабрь айынын аягында COVID илдети жуккандыгы аныкталган. 21-январда эмделип, бир канча саат өткөндөн кийин каза болгон", — деп айтылат билдүүдө.

Маркум округдун Саламаттык сактоо департаментинен башка жактан эмделгени айтылат. Буга карата жергиликтүү, штаттык жана федералдык деңгээлде иликтөө жүргүзүлүп жатат. Көз жумган киши Moderna же Pfizer вакцинасыбы, кайсынысы менен эмделгени азырынча белгисиз.

13
Белгилер:
эмдөө, вакцина, АКШ, өлүм, коронавирус
Тема:
Дүйнөгө жайылган коронавирус
Тема боюнча
Кыргызстанда коронавируска каршы эмдөө үч этап менен жүрөт
Коронавирустун жаңы түрүндө өлүм көп катталары айтылды. ДССУ эмне дейт
Ырчы Анжелика. Архив

Жол кырсыгына кабылган Анжелика Кайратовага шашылыш операция жасалды

111
(жаңыланган 15:04 24.01.2021)
Ырчы өзүнүн кыздары менен чогуу келе жатып, Ысык-Көл облусунда жол кырсыгына кабылган. Окуя болгон жерде анын 5 жаштагы кызы жабыркап, ооруканага түшкөнү айтылган.

БИШКЕК, 24-янв. — Sputnik. Жол кырсыгына кабылган ырчы Анжелика Кайратовага Бишкектеги Травматология жана ортопедия илим-изилдөө борборунда операция жасалды. Бул тууралуу мекеменин маалымат кызматынан билдиришти.

“Бүгүн эртең менен академик Сабыр Жумабеков ырчыга шашылыш түрдө операция жасады. Анын жабыркаган омурткалары калыбына  келтирилди. Азыр бейтаптын абалы туруктуу. Наркоздон акырындык менен ойгонуп, эсине келип жатат”, — дешти маалымат кызматтан.

Эске салсак, ырчы 23-январдын таңында кыздары менен чогуу келе жатып, Ысык-Көл облусунда жол кырсыгына кабылган. Окуя болгон жерде анын 5 жаштагы кызы жабыркаганы айтылган.

111
Белгилер:
жол кырсык, ден соолук, операция, Анжелика Кайратова, Бишкек
Тема боюнча
Эки тараптуу пневмония. Балдар хирургу Талант Өмүрбеков ооруканага түштү