Чач тарач. Архивдик сүрөт

Ала жипти аттаганын досторуна айтсын! Чач тарачтын айласын кетирген 8 көрүнүш

3391
(жаңыланган 16:20 16.04.2017)
Мыкты тегизделген, көз кубанткан чач жасалгасын кааласаңыз, чач тарачтын жинине тийбей эле койгонуңуз жакшы. Ал эми анын кыжырын эмнелер келтирет? Sputnik Кыргызстан агенттиги сураштырып көрдү.

Кой оозунан чөп албаган чач тарачтын жинине кандай кардарлар тиерин бишкектик чач кыркып иштеген мекендешибиз айтып берди.

Төмөндө кечигүүлөр жөнүндө жазган жокпуз. Бул кызмат көрсөтүү жаатындагы ар бир кызматкердин ачуусун келтирээри айтпаса дагы белгилүү.

1. Айтканынан кайтпагандар. Мен адис катары кардарга анын чачын эмнеге карэ кылып кесүүгө же кызылга боёого болбостугун түшүндүрүп берем. Бирок, айрымдарга өзү каалагандай кесилген чач ага жарашпай калаарын айта берип, эч бир жеткире албайсың. Жыйынтыгында өзүн күзгүдөн көргөн аялдын маанайы чөгөт, ыйлап да алгандар болот.

2. Интимдик жашоосун жар салгандар. Аялы менен балдары ай сайын биздин салонго келип чач кестирээри менен иши жок айрым эркектер "жеке" жашоосун айтып, мактанганды жакшы көрүшөт. Урматтуу мырзалар, уялсаңар боло! Ала жипти аттаганыңарды жүз граммдап ууртап-татып, досторуңар менен отурганда сүйлөшкүлө да.

3. Сизде эле телефон болсо да. Дагы бир сураныч — сулуулук салонуна кирген соң, чөнтөк телефонду алысыраак коюп коюңузчу. Чач тегиздөө, жасалгалоо дагы өзүнчө эргүүнү, берилүүнү талап кылат. А сиз орто жерден чалгандар жооп берем деп берилип иштеп жаткан чач тарачтын ишин үзгүлтүккө учуратасыз. Убактысын да аласыз.

4. Ишке кийлигишкендер. Апа, эже-сиңди, курбу сыяктуу кеңешчилер тобун чууртуп ээрчитип албай, үйдө эле калтырганыңыз жакшы. "Бул жагын оңдоп коюңуз," "тигил жагын кыскартыңыз", "жарашпай калды" деген сыяктуу акылдуу сөздөргө чач тарач муктаж эмес.

5. Чач тарач психолог эмес. Бир нече күн бою үйдөн чыкпай, буулуккан үй кожойкелеринин эсине! Жолдошуңуз түндө саат канчада келеринен баштап, ымыркайыңыздын шымын булгап коёору тууралуу сүйлөшүүгө курбулар бар. Мунун баарын өтө сырдаш эмес же сый мамиледе болбогон адамга айтып берүүнүн зарылдыгы жок.

6. Голливудду эңсегендер. Чач тарач бир эле кайчы менен сизди Анжелина Жоли же Брэд Питтке айланта албайт. Атактуунун сүрөтүн көрсөтүп, мастерден дал ошондой чач жасалгасын талап кылуу дагы жаңылыштык. Анткени дүйнөлүк атактуулардын кызыл, саргыч, ал  тургай күлгүн кызылга боелгон тармал чачтары баарына эле жараша бербейт. Чачты кестирип же боёотууда өзүңүздүн жашоо образыңызга жакыныраак болгон оң деген кеңеш берээр элек.

7. Чач тарачтар көп сүйлөйт деген жаңылыштык. Биз көп жылдан бери иштеп жүрүп, кардардын ички абалын алыстан көрүүгө үйрөнгөнбүз. Сүйлөшүп, көңүлүн көтөрүүгө ким муктаж болуп жатканын жакшы билебиз. Андыктан өзүңүз кааламайынча, сизди эч ким кыстап кепке тартпайт.

8. Ордунда тынч отура албагандар. Албетте өз келбетиңизге катуу көңүл бурасыз, ашыкча чач кесилип кетпеши сиз үчүн абдан маанилүү, мунун баарын жакшы түнүшөм. Бирок, баарын көзөмөлдөп турууга аракет кылып, ары-бери көп каранган адамдар чач кесүү процессине абдан тоскоол болот. Күтүүсүз кыймыл учурунда кайчы капысынан чачтын көбүрөөк жерин, андан да жаманы моюн, кежигеңизди кесип кетиши мүмкүн.

Эң жакшы жолу — атайын келген соң, чач тарачка ишенип, тыпырайып отуруп бериңиз. Баары ойдогудай болот!

3391
Белгилер:
чач тарач, мамиле, кызмат, кардар
Тема боюнча
Бишкектик таксисттин кыжырын кайнаткан 6 нерсе
Көчө шыпыргычтардын жанын кашайткан 6 көрүнүш
Тоодогу жамгыр. Архивдик сүрөт

Жекшембиге карата аба ырайы

26
Синоптиктер жекшемби күнү Кыргызстанда күн 33 градуска чейин ысый турганын маалымдашты.  Ал эми Чүйдө абанын өзгөрүп турары айтылды.

БИШКЕК, 6-июн. — Sputnik. Жекшемби күнү, 7-июнда, күндүз Чүй облусунун тоолуу райондорунда жамгыр жаап, күн күркүрөшү, бийик тоолуу райондордо кар түшүшү күтүлөт. Бул тууралуу Кыргызгидромет маалымдады.

Абанын температурасы Чүй, Талас аймактарында +23...+28, Ош, Жалал-Абад, Баткен облустарында +28...+33, Ысык-Көлдө +19...+24, ал эми Нарын жергесинде +18...+23 градус болот. 

Күндүн табы борборубуз Бишкекте +26...+28, Ошто +30...+32 градус болору айтылды. 

26
Белгилер:
Кыргызстан, аба ырайы
Тема боюнча
Беш күн катары менен жамгыр жаайт. ӨКМ шашылыш билдирүү таратты
Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.

60 жыл электр жарыгы жетпеген айылга электр мамылары коюлууда

82
(жаңыланган 20:59 06.06.2020)
Жазыкечүүлүктөрдүн сентябрдын башында башка кыргызстандыктар сыяктуу эле электр энергиясын кадимкидей пайдаланып калышары айтылды.

БИШКЕК, 6-июн. — Sputnik. Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду. Бул тууралуу "Жалал-Абад электр" ишканасынын маалымат кызматы билдирди.

1960-жылы уюштурулган Жазы-Кечүү айылында жергиликтүү жашоочулар электр жарыгы жок жашап келген.

  • Проводка электричества в селе Жазы-Кечуу Базар-Коргонского района
    Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.
    © Фото / Зульфия Тургунова
  • Проводка электричества в селе Жазы-Кечуу Базар-Коргонского района
    1960-жылы уюштурулган Жазы-Кечүү айылында жергиликтүү жашоочулар электр жарыгы жок жашап келген.
    © Фото / Зульфия Тургунова
1 / 2
© Фото / Зульфия Тургунова
Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.
"Жалал-Абад электр" ишканасы Сузак районунун Кыз-Көл айылы тараптан Жазы-Кечүү айылына 18 чакырым аралыктан аба чубалгыларын тартуу иштерин баштады. 25 миллион сомдук долбоор аталган мекеменин өз каражатынын эсебинен жүргүзүп жатат", —  деп айтылган маалыматта.

Аталган ишканадан электр мамычаларды орнотуу жана башка иштер август айынын соңунда аяктап, 1-сентябрда айылга жарык берилип каларын билдиришти.

Жазы-Кечүү айылы Базар-Коргон районунун борборунан 110 чакырым алыста жайгашкан. Айылда 140 түтүн, тагыраагы, 600дөй адам жашайт. 100 орундуу мектеп жана ФАП бар.

Кышында кар калың жаап, кыш алты айга созулат. Эң алыскы тоолуу аймакта жайгашкан Жазы-Кечүү айылында 1960-жылдардан бери электр жарыгы жок.

82
Белгилер:
электр жарыгы, Базар-Коргон, Кыргызстан
Тема боюнча
Кар жаткан ашууда электриктер үч күн иштеп, бузулган линияны оңдоду. Сүрөт
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

0
(жаңыланган 23:29 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстандын президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап жатат, сактануу талаптары күчөтүлгөн", — деген Уали.

Ал жалпы казакстандыктарды сактануунун жана карантиндин талаптарын сактоого чакырды.

0
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты