Демир Банктын картасы жана акча. Архив

"Демир Банк" Visa картасынан акчанын уурдалышы боюнча расмий түшүндүрмө берди

514
(жаңыланган 16:17 25.04.2017)
Буга чейин аталган банктын бир нече кардары алардын Visa картасынан башка бирөөлөр акча уурдаганын кабарлашкан.

БИШКЕК, 25-апр. — Sputnik. "Демир Кыргыз Интернэшнл Банк" жабык акционердик коому Sputnik Кыргызстан агенттигине банктык карталардан уурдалган каражат боюнча маселеге түшүндүрмө берди.

Буга чейин аталган банктын бир нече кардары алардын Visa картасынан башка бирөөлөр акча уурдаганын кабарлашкан. 

Төмөндө финансылык мекеме жөнөткөн жооптун толук тексти келтирилди.

"Демир Кыргыз Интернэшнл Банк" ЖЧКсы эл аралык VISA төлөм системасынын алгачкы мүчөсү болуп, процессинг борборуна ээлик кылат. Буга байланыштуу банк кардарларды аталган системага кошуп, кызмат көрсөтөт. Мындай иштер Улуттук банк тарабынан берилген лицензиянын негизинде ишке ашырылып келет.

Эл аралык VISA төлөм системасы бардык катышуучуларга тиешелүү бирдиктүү эрежелерди иштеп чыккан. Ал эрежелер Кыргызстандын аймагында катталган жана чет элдик банктарга дагы тиешелүү.

Аталган системанын эрежелерине ылайык, бардык мүчө болгон тараптар магниттик же чип менен корголгон банктык карталарды чыгара алат. Ал эми Кыргызстандын мыйзамдары банктын тандоосуна чектөө койгон эмес.

Белгилей кетчү жагдай, интернет төлөмдөрдү жүргүзүү үчүн банктык картанын номерин билүү гана жетиштүү. Буга картанын магниттик же чиптик экени таасир этпейт.

Мындан улам банктын эрежеси боюнча каражат уурдалбашы үчүн банктык картаны үчүнчү адамдардын колуна карматууга тыюу салынат. Эгер карта үчүнчү адамдардын колуна түшүп калса, банк ал үчүн жоопкерчилик ала албайт. Мындай учурда кардар банк менен байланышып, картага блок коюу керектигин эскертүүсү керек.

Карта уурдалганда, жоголгондо кардар жардам сурап кайрылуусу үчүн атайын кызматкерлердин штаты түзүлгөн. Алар 24 саат бою кардарлардын кызматында.

Мындан тышкары, банктык картадагы номерлердин башка адамдардын колуна түшүп калуу мүмкүндүгүн (айрыкча чет өлкөдө жасалган соода учурунда) эске алуу менен кардарлардын каражатынын коопсуздугу үчүн СМС системасы ишке кирген. Тагыраагы, банктык операция жасалгандан кийин кардардын уюлдук аппаратына каражат чыгаргандыгы тууралуу СМС билдирүү келип түшөт. Мындай кызмат бекер көрсөтүлөт.

Ал эми Харсанова Х. аттуу кардарга ар кайсы талаштуу кырдаалда смс билдирме жөнөтүлүп турган. Бирок кардар тарабынан банкка кайрылуу келип түшкөн эмес. Буга карабастан банктын кызматкерлери кардар менен өздөрү байланышып, жүргүзүлгөн интернет-төлөмдөр тууралуу маалымат берген. Ушуга байланыштуу андан дагы көп сумманын жоголушуна бөгөт коюлган. Тагыраагы, банк өз тарабынан кардардын каражатын сактап калуу үчүн бардык аракетин жумшады.

Белгилей кетчү жагдай, жогоруда жасалган аракеттер өлкөнүн мыйзамы менен бекемделген эмес. Банк кардарларынын эсебиндеги каражаттарды сактоо үчүн кошумча коргоо системасын өз алдынча киргизип жатат.

Учурда банк кардарлардын интернет төлөмдөрүн коопсуздандыруу максатында кошумча 3D-secure системасын ишке киргизди. Аталган коргоо системасы кардар интернет аркылуу төлөм жасаганда анын уюлдук аппаратына бир жолку колдонулчу пароль жөнөтөт. Интернет төлөмдү ишке ашыруу үчүн ошол сыр сандарды жазуу керек болот. Кардарлар сайттардын коргоо системасына дагы көңүл буруусу зарыл.

Ошондой эле учурда банк магниттик карталарды чип менен корголгон карталарга бекер алмаштырып, алдамчылар байырлаган кооптуу өлкөлөрдө жүргөн кардардын картасына автоматтык түрдө айрым чектөөлөрдү киргизет. Чип менен корголгон банктык карталардын маалыматтары бекем сакталган, аны чечмелөө кыйынга турат.

"Демир Кыргыз Интернэшнл Банк" ЖЧКсы e-mail аркылуу дагы каражат чыгарылгандыгы тууралуу кардарларга маалымат жиберип турат (кызмат бекер).

Белгилей кетсек, кардарлар үчүнчү тараптардын курмандыгы болбошу үчүн банкка жумушчу уюлдук номерлери менен электрондук почталарын берүүлөрү керек. Мындан тышкары, картаны башка адамдарга карматпаш керек, айрыкча ПОС-терминалдардан төлөм жүргүзүү сунушталбайт (ири дүкөндөр менен ресторандардан дагы). Себеби интернет төлөм жүргүзүү үчүн ПИН-код талап кылынбайт. Буга картанын сыртындагы номерди билүү жетиштүү.

P.S. Банктын расмий жообу орус тилинде болгондуктан, текст редакция тарабынан кыргызчаланды. Банктын расмий тилде жазылган жообу менен да таанышсаңыз болот.

514
Белгилер:
Демир Банк, алдамчылык, банк, Visa карта
Тема боюнча
Улуттук банк валюта рыногунан дагы 3,5 миллион доллар сатып алды
Банк кыргызстандыктардын картасынан акча уурдалышы боюнча үн катты
Парктагы белка. Архив

Ишембиге карата аба ырайы

59
16-октябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 15-окт. — Sputnik. Ишембиде күндүз республика боюнча күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +13...+18, Талас менен Нарын аймагында +14...+19, Ош, Жалал-Абад жана Баткен облустарында +19...+24, Ысык-Көл жергесинде +12...+17 градус болору айтылды.

Күндүн табы Бишкекте +15...+17, Ош калаасында +22...+24 градуска көтөрүлөт.

59
Белгилер:
аба ырайы, октябрь, Кыргызстан
Тема боюнча
Күн жылуу болот! Дем алышка карата аба ырайы
Окуучулар мектепте сабак учурунда. Архив

Лавров: Россия союздаш мамлекеттерге орус тилдүү мектептерди ачууга кызыкдар

60
(жаңыланган 19:25 15.10.2021)
Тышкы иштер министри чет мамлекетте жашаган мекендештери менен жолугушууда Тажикстанда орус тилдүү мектептер ачылганы жатканын айтып, башка мамлекеттерге дагы программа иштелип жатканын белгилеген.

БИШКЕК, 15-окт. — Sputnik. Россия бардык союздаш жана өнөктөш өлкөлөрдө мектептерди ачууга даяр. Бул тууралуу РФ тышкы иштер министри Сергей Лавров чет мамлекеттеги мекендештердин конгрессинде билдиргенин РИА Новости жазды.

"Тажикстанда биздин методология боюнча билим берген беш орус тилдүү мектеп ачылат. Учурда ушундай эле программа Өзбекстан үчүн иштелип жатат. Акыркы кезде Армениянын жаңы жетекчилиги ушундай эле программаны Арменияда дагы ишке ашырууга кызыгуусун билдирүүдө", — деген Лавров.

Анын айтымына караганда, Москва союздаштар менен стратегиялык өнөктөш мамиледеги мамлекеттердин бардыгына бул долбоордун үлгү болушуна кызыкдар.

60
Белгилер:
Россия, ТИМ, Сергей Лавров, мектеп, өнөктөштөр, Өзбекстан, Тажикстан, Армения
Тема боюнча
Лавров Россия Европанын кээ бир мамлекеттери менен алакага даяр экенин айтты
Россиялык Су-25

Россиялык Су-25тер Тажикстанда: кол салгандын катыгын берүүгө даярдык

0
Афганистанга Ирак жана Сириядан келген террорчулардын топтолушу Көз карандысыз мамлекеттердин шериктештигине, айрыкча Борбор Азия өлкөлөрү үчүн коркунуч туудурат.

Мындай кырдаал афган чек араларынын түндүк жактагы аймактардын баарында атайын кызматтардын активдешүүсүн жана аскердик күчтөрдүн даярдыгын күчөтүүнү талап кылууда.

13-октябрда Азербайжан, Армения, Беларусь, Казакстан, Кыргызстан, Тажикстан, Түркмөнстан жана Өзбекстандын атайын кызматтарынын башчылары менен жолугушууда РФ президенти Владимир Путин КМШ өлкөлөрүнө Афганистандан ирактык жана сириялык тажрыйбасы бар террорчулардын келиши, "түз экспансиянын башталышы" толук ыктымал экенин билдирди. Ошону менен катар биргелешкен атайын операцияларга күч түзүмдөрүнүн алдын ала камылгасынын маанисин баса белгиледи. Аскерий баяндамачы Александр Хроленко алдыдагы атайын операциялардын даярдыгына токтолду.

Жолугушуу өткөн күнү эле россиялык чалгындоо кызматы Афганистандагы азыркы кырдаалды мурдатан болжогону да белгилүү болду. Тажикстандын Улуттук коопсуздук мамлекеттик комитети афган территориясынан баңгизат, курал, ок-дарынын агымы күч алганын маалымдады. Бул жакшы жышаан эмес.

Андан мурун РФ тышкы иштер министринин орун басары Андрей Руденко талибдер Афганистан провинциясын көзөмөлдөөгө чамасы келбей, Борбор Азия өлкөлөрүнүн коопсуздугуна кепилдик бере албай турганын айткан эле. "Талибан"* кыймылынын айрым куралдуу топтору Тажикстанга басып кирүүгө да даяр. Ушундай кооптуулуктардан улам ЖККУ (Жамааттык коопсуздук келишими уюмунун) күчтөрүнүн афган чек арасына жакын жерге белгиленген "Аскердик боордоштук – 2021" биргелешкен ыкчам-стратегиялык окуулары зарыл жана жетиштүүдөй көрүнөт.

Тажикстандагы Харб-Майдон жана Момирак полигондорунда 18–23-октябрь аралыгына белгиленген машыгууларга Беларусь, Казакстан, Кыргызстан, Россия жана Тажикстандан 5 000дин тегерегинде аскер кызматкери катышмакчы.

Окуунун алкагындагы операцияларга курал жана аскердик техниканын 700 бирдиги, анын ичинде 40тан ашуун учак жана тик учак (Су-24МР, Су-25, Ми-8МТВ, Ми-24), ошондой эле ар кыл багыттагы 15 учкучсуз аппарат да бар. Эске салсак, "Аскердик боордоштук – 2021" машыгууларынын жүрүшүндө "Өз ара аракеттешүү", "Издөө", "Эшелон" атайын операциялары өткөрүлөт, бул тууралуу биз да кабарлаган элек.

ЖККУнун Бириккен штабынын жетекчиси Анатолий Сидоров кечээ аскердик күчтөрдүн биргелешкен тобунун күч жана каражаттары көбөйтүлгөнүн кабарлап, окууларда тажик-афган чек арасындагы окуялардын ар кыл нугун, абдан курчуп кеткен вариантына дейре эске аларын белгиледи.

Чабуулчулардын кезеги

ЖККУ боюнча союздаштар Афганистан менен чектешкен аймактарда атайын окууларга даярдыгын аяктап калды. Тажикстанга РФтин Борбордук аскердик округунун фронттук Су-24МР бомбалоочулары, Кыргызстанда жайгашкан "Кант" россиялык авиабазасынын Су-25 чабуулчулары да жеткирилген. Биргелешкен окуулар эң кызып калган убакта учкучтар шарттуу душманды издөө, анын объектилерин жок кылуу, мотоаткычтар бөлүгү жана танкисттердин чабуулуна көктөн ок атуу менен көмөк көрсөтүүгө машыгышат.

Чабуулчу Су-25 жердеги чакан көлөмдөгү кыймылдуу жана кыймылсыз объектилерин жок кылууга багытталган. Бул – буталар так көрүнгөн шарттарда же 30 метрден 5 чакырымга чейинки бийиктикте Кургактагы күчтөрдү күнү-түнү түздөн-түз колдоодо алмашкыс аскердик бирдик. Су-25тин бурулушунун чакан радиусу (500 метр) чабуул коюучу учкучтарына чабуулду майнаптуу уюштурууга, аскердик запасты (30 миллиметрлик замбирек снаряддары, тескелүүчү жана башкарылбаган ракеталар, түзөтүлчү жана кассеталык аба бомбалары, күчтүү көлөмдүү-жардыруучу аба бомбалары жана күйүүчү май аралашмасы толтурулган челектер) сарамжалдуу пайдаланууга мүмкүндүк берет. Су-25 чабуул коюучу учагынын максималдык аскердик жүгү – 4 тоннадан ашуун. Күчтүү жана универсалдык бул аба бирдиги Афганистанда 1980-жылдардын башында эле өзүн көрсөтө алган. Андан бери бир нече ирет заманга ылайыкташтырылганы да маалым.

Алдыдагы машыгууларга даярдык абдан кызуу жана олуттуу жүрүүдө. Россиялык Борбордук аскердик округунун командачысынын орун басары Алексей Лемякин сириялык тажрыйбаны эске алуу менен Тажикстанда ЖККУнун Ыкчам чара көрүү жамааттык күчтөрүн материалдык-техникалык камсыздоо милдеттеринин кеңири түрлөрү аткарыларын айткан.

Айтмакчы, "Аскердик боордоштук – 2021" ыкчам-стратегиялык окууларында ЖККУга мүчө болбогон Өзбекстандын күчтөрү келбегени менен буга чейинки биргелешкен контртеррордук машыгууларга катышканын да белгилей кетели.

Ыкчам жагдай

Талибдердин бул айдагы тышкы саясий активдешүү аракеттери, Дохадагы бир катар маанилүү жолугушуулары, чет элдик гуманитардык жана каржылык жардам алууга, кыймылды эл аралык деңгээлде мыйзамдуу саясий күч катары таанытууга кадамдары деле өлкөнүн мындан аркы экономикалык жана ички саясий бүлгүнүн токтото албачудай. Коңшу мамлекеттер жана Бириккен Улуттар Уюму талибдер инклюзивдик өкмөт куруу жана аялдардын укугун коргоо боюнча убадаларын аткарбаганын белгилеп жатышат.

"Талибандын"* өз "атаандаштарына" каршы туруу далалаттарына карабастан Афганистандын ири шаарларында жана түндүк провинцияларындагы электр чубалгылар линияларын жардыруулар дале токтой элек.

Талибдер өлкө бийлигин кайрадан ээлегенден бери афган жалпыга маалымдоо каражаттарында 17 теракт тууралуу маалыматтар чыкты. Аларга таянсак, көпчүлүгүнүн артында "Ислам мамлекети"* уюму турат. Кабул, Нангархар, Парван, Кунар, Кундуздагы жардырууларда 600 киши жабыр тартты. Терактылардын баары эле коомго ачыктала калган жок.

Тажикстан менен чектеш Кундуз провинциясына караштуу Ханабад уездиндеги шииттердин мечитиндеги 8-октябрдагы теракт 120 кишинин өмүрүн алып, 160тан ашуун адамды жарадар кылды. 14-октябрда Кунар провинциясында талибдердин уезддик полициясынын начальниги олтурган автомобиль жардырылды. АКШ жана НАТОнун аскердик интервенциялары менен болгон күрөштө "Талибан"* жеңишке жетишкенден бери Афганистанга Ирак жана Сирияда согуштук аракеттерди жүргүзүүдө тажрыйба топтогон ИМ* террорчулары чогула баштады. Бул "баары баарына каршы" согушунун уланышынан коңгуроо кагат.

Калган көйгөйлөрү аз келгенсип, ушул тапта афган калкынын жүрөгүн өйүтүп турган нерсе – өлкөдө бийлик үчүн күрөшкө улам жаңы, мурдагылардан да радикалдуу топтордун жаралышы. Ошондой эле этникалык тажик – кенже Ахмат Масуддун жетекчилигиндеги Улуттук каршылык көрсөтүү фронту да талибдер менен "эзелки" партизандык күрөшүн улантууда.

ЖККУ Афганистандагы абалды эске алып Тажикстандагы аскердик окууларын, ал эми Россия Душанбеге россиялык аскердик жана аскердик-техникалык жардамын, жакынкы айларда тажик-афган чек арасын материалдык-техникалык жактан бекемдөөгө көмөктөшүүнү уланта берери ажеп эмес.

* – Кыргызстан, Россия жана бир катар мамлекеттерде тыюу салынган террордук уюмдар.

Аскерий баяндамачы Александр Хроленконун Telegram каналына жазылыңыздар.

0
Белгилер:
Тажикстан, Россия, Афганистан, Сирия, согушкер, 'Талибан' кыймылы, чек ара, машыгуу, курал
Тема боюнча
Иран менен Түркия согушка даярдыгын көрсөтүүдө: Азербайжандын эмне тиешеси бар?