Казакстандын президенти Нурсултан Назарбаевдин архивдик сүрөтү

Нурсултан Назарбаев Алмазбек Атамбаевге көңүл айтты

161
(жаңыланган 21:28 29.04.2017)
29-апрелде эртең менен саат 6:40тар чамасында Өзгөн районун Зергер айыл аймагындагы Аюу айылында жер көчкү жүрүп, алдын ала маалымат боюнча 24 кишини басып калган.

БИШКЕК, 29-апр. — Sputnik. Казакстандын президенти Нурсултан Назарбаев КР президенти Алмазбек Атамбаевге Өзгөндөгү адам өмүрүн алган жер көчкүгө байланыштуу көңүл айтты. Бул тууралуу КР өлкө башчысынын маалымат кызматы билдирди.

Назарбаев Ош облусунда болгон каргашаны терең кайгыруу менен кабыл алганы телеграммада жазылат. Ошондой эле ал казак элинин жана өзүнүн атынан каза болгондордун жакындарына көңүл айткан.

Белгилей кетсек, 29-апрелде эртең менен саат 6:40тар чамасында Өзгөн районун Зергер айыл аймагындагы Аюу айылында жер көчкү жүрүп, алдын ала маалымат боюнча 24 кишини басып калган. Акыркы маалыматтар боюнча издеп куткаруу иштерине 400дөй киши жана атайын эки техника тартылган. Бүгүн кеч кирип кеткенине байланыштуу издөө иштери убактылуу токтотулган. Ал эртең саат таңкы 5:00дөр чамасында башталат.

Адистердин айтымында, Аюу айылына түшкөн жер көчкөнүн көлөмү 200 миң кубометр.

Кырсык болгон жайда эмне болуп жатканын Sputnik Кыргызстан агенттигинин материалынан окуңуздар>>

161
Белгилер:
көңүл айтуу, Жер көчкү, Алмазбек Атамбаев, Нурсултан Назарбаев, Аюу айылы, Өзгөн, Казакстан
Тема:
Өзгөндүн Аюу айылында 24 киши жер көчкүнүн алдында калды (42)
Тема боюнча
Усенов: президент Өзгөндөгү каза болгондордун үй-бүлөлөрүнө жардам кылууну тапшырды
Премьер Сооронбай Жээнбеков Өзгөнгө барып, элге көңүл айтты
Кайгуул милициянын автоунаасы. Архив

Маршрутка көйгөйү: Милиция аялдамадагы аялдарды, балдарды үйүнө ташыды. Видео

195
(жаңыланган 00:03 19.01.2021)
Милиционерлер маршрутка маселесинен улам аялдамаларда калган бишкектиктерге жардам берип, үйлөрүнө жеткирип жатышты.

БИШКЕК, 19-янв. — Sputnik. Бишкектеги Кайгуул милиция кызматы бүгүн маршрутка көйгөйүнөн улам аялдамаларда калган бишкектиктерди үйлөрүнө жеткирүүдө. Бул туурасында шаардык милициянын маалымат кызматынан кабарлашты.

Кечкурун милиционерлер балдарга, аялдарга жана улгайган адамдарга өз жардамын сунуштап жатканы айтылды. Бул багытта аталган кызматтын атайын автоунаалары иштеген.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Милициядан аялдамаларда топтолгон кишилер аз, шаар ичи тынч деп билдиришти.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда. Себеби жол кире 2012-жылдан бери көтөрүлө элек. Учурда маршрутканын баасы күндүз 10, ал эми кечинде 12 сом.

Эртең менен Бишкек шаарынын мэринин милдетин аткарып жаткан Балбак Түлөбаев каттамга чыкпай койгон маршруткалардын лицензиясы алынып, башкага берилерин эскерткен.

Мэриядан бүгүн калаадагы 1350 микроавтобустардын 400-450сү ишке чыкты деген маалымат берген. Шаардык транспорт башкармалыгынан маршруттук каттамдардын 90 пайызы кадимки калыбында иштеп жатат дешкен. Ал эми кечкурун аялдамаларда эл топтоло баштап, коомдук транспортту күткөндөр көбөйгөндө Мэриянын шаардык транспорт башкармалыгынын жетекчисинин милдетин аткарып жаткан Улан Бейшенбаев маршрутка боюнча кырдаал турукташкандыгын, ал эми жогорудагы көрүнүш автотыгын менен байланыштуу болушу мүмкүн деген жообун айткан.

195
Белгилер:
жардам, милиция, маршрутка, Бишкек, Кыргызстан
Тема боюнча
Каттамга чыкпай койгон маршруткалар. Шаардагы абалды көрсөткөн видео
Дарыгер ымыркайды оорукананын төрөт бөлүмүндө текшерип жатат. Архив

ЖМК: Болгарияда бала COVID-19га туруштук берген артыкчылык менен төрөлдү

126
(жаңыланган 22:08 18.01.2021)
Кош бойлуу аял ооруканага коронавирус менен катуу жабыркап түшкөнү айтылган. Бала жарыкка келгенден кийин дарыгерлер таң калыштуу жагдайга туш болгон.

БИШКЕК, 18-янв. — Sputnik. Болгарияда кош бойлуу келин коронавируска антителосу бар бөбөк төрөдү. Бул туурасында улуттук радионун сайтына маалымат жарыяланды.

Пазарджик шаарынын 28 жаштагы тургуну ооруканага эти катуу ысып, жөтөлүп жана алы кетип түшкөн. Аны бир курс дарылагандан кийин ак халатчандар баланы операция жолу менен жарыкка алып келишкен.

Азыр бөбөктүн абалы жакшы экендиги айтылды. Ал эми антигендик тест бөбөктө коронавируска каршы антитело бар экендигин көрсөткөн. Эне-бала үйүнө чыккандан кийин да дарыгерлердин көзөмөлүндө болууда.

Ымыркайдын салмагы 2,75 килограмм, ал эми бою 46 сантиметр экени айтылды.

126
Белгилер:
коронавирус, антитело, ымыркай, Болгария
Тема:
Дүйнөгө жайылган коронавирус
Тема боюнча
КР калкынын канчасында коронавируска каршы антитело бар? Изилдөөнүн жыйынтыгы
ДССУ: пандемия токтобойт жана вирус жок болуп кетпейт