Улуу Жеңиш күнүнө карата Бишкекте өтчү иш-чаралардын планы

Жазылуу
Быйыл Улуу Жеңиштин 72 жылдыгы белгиленип жатат.

БИШКЕК, 3-май. — Sputnik. Жеңиш күнүнө карата Бишкекте унаа жарыш, митинг-реквием, "Өлбөс полктун" жүрүшү өтүп, кечки салют атылат. Бул тууралуу мэриянын маалымат кызматынан кабарлашты.

Улуу Ата Мекендик согуштагы жеңиштин 72 жылдыгына карата 4-май күнү саат 10.00дө Биринчи Май акимиаты боордоштор мүрзөсүндө митинг-реквием өткөрөт. Ага Россия, Белоруссия жана Украинадан келген ардагерлер дагы катышат. Ал эми 12.00дөн 16.00гө чейин Дайыр Асанов атындагы Жеңиш багында митинг-реквием жана майрамдык иш-чаралар өткөрүлөт.

5-майда саат 16.00дө Жеңиш аянтынан Бишкек — Каракол маршруту боюнча авто жарыш старт алат.

6-майда саат 8.00дө Жаш Гвардия проспектисиндеги эстеликтин алдында Улуу Ата Мекендик согушта курман болгондор эскерилет. Саат 10.00дө Талгат Бегелдиновдун эстелигинин алдында дагы митинг-реквием болот.

Sputnik Кыргызстан к Дню Победы запустил акцию #ОднаНаВсех - Sputnik Кыргызстан
Sputnik Кыргызстан Жеңиш күнүнө карата "Баарыбызга таандык" акциясын баштады
9-майда эртең менен саат 9.00дө Түштүк магистралда "Өлбөс полктун" жүрүшү башталат. Жөө жүрүш Байтик баатыр көчөсү менен Жеңиш паркына чейин келип, иш-чара митинг-реквием менен уланат. Саат 10.00дө Өчпөс отко гүл коюлат. Ал эми 10.45де конокторго аскер тамагы берилет. Ушул эле учурда Шопоков көчөсүндө концерттик программа башталат.

10.00дөн 16.00гө чейин шаардыктар менен авто сүйүүчүлөр унаа жарыш уюштурушат. 50гө жакын машина "Бишкек" эркин экономикалык аймагы — Чыңгыз Айтматов проспектиси — Жибек Жолу проспектиси — Курманжан датка көчөсү — Шабдан баатыр — Түштүк магистраль — Абдрахманов көчөсү — Абай көчөсүндөгү карылар үйү маршруту боюнча жүрөт.

21.00дө шаар тургундары менен коноктор эски аянт менен Мамлекеттик тарых музейиндеги фейерверкке күбө боло алышат.

Бүгүнкү күндө Бишкектин социалдык коргоо органдарынын эсебинде 1499 ардагер каттоодо турат. Алардын 162си — согушка катышкандар, 21и — концлагердин туткундары, 14ү — Ленинград блокадасын башынан кечиргендер, 112си — тылда иштегендер (майыптыгы барлар), 411и — тылда иштегендер (майыптыгы жоктор), согушта каза болгон 16 үй-бүлө, 212 майып жана 513 жесир аялдар.

Жаңылыктар түрмөгү
0