Вена шаары. Архив

Венада жашаган Айсулуу: тойдо устукан тартсак австриялыктар таң калды

2287
(жаңыланган 18:47 03.05.2017)
Айсулуу Мусуралиеванын Европага кеткенине 10 жылдын жүзү болду. Ал эми Австриянын борбору Вена шаарын байырлаганына 9 жыл толгон. Учурда 1,5 жаштагы баласын тарбиялап үйдө экенин маек учурунда белгилеп өттү.

Бишкек шаарында төрөлүп өскөн Айсулуу алгач Германияга атайын программа менен кетип, учурда IT тармагы боюнча билимин тереңдетип жатат. Жолдошу менен Австриянын борбору Вена шаарында Нооруз майрамын белгилөө учурунда таанышкан. Айсулуунун айтымында, күйөөсү менен Бишкек шаарындагы бир эле мектепте окуп, жигит мектепти эрте бүтүп кеткен. Үй ээси Венадагы кондитердик фирмалардын биринде иштейт. Ортосундагы эки баланын улуусу алты жашта, кийинки жылы мектепке барат.

Кыргызстанка, живущая в Вене, Айсулуу Мусуралиева
© Фото / из семейного архива Айсулуу Мусуралиевой
Айсулуу Мусуралиева Европада 10 жылдан бери жашап келет

— Азыр кыргыздар байырлабаган жер аз. Андан да майрамдарды, той-топурларды өзүбүздүн каада менен өткөрүп, жергиликтүүлөрдү таң калтырганын интернеттен байма-бай окуп калабыз. Сиздерде деле ушундай көрүнүшпү?

— Вена шаарында жашаган кыргыздар Кыргызстанда белгиленчү бардык күндөрдү майрамдайбыз. Ноорузду сөзсүз белгилейбиз, анан 31-август — Кыргызстандын эгемендүүлүк күнүн, Орозо айт, Курман айттарды да чогуу тособуз. Чынында Нооруз майрамын абдан күтөбүз. 2014-жылы Нооруз майрамына карата жеке концерти менен Ырыскелди Осмонкулов келген. Ошол жылдан тартып кыргызстандык артисттер келип, биздин көңүлүбүздү ачып, майрамдык маанай тартуулап кетишет. Негизинен 21-мартты Австриядагы кыргызстандыктар менен чогуу белгилегенге аракет кылабыз. Бул жакта миңге жакын мекендешибиз бар. Oшондой майрамдын биринде мен болочок жолдошум, эки уулумдун атасы менен таанышкам. Андыктан Hоорузду белгилөө мен үчүн абдан маанилүү күндөрдүн бири.

— Эгемендүүлүк күнүнчү?

— Биз 31-авгуcт Эгемендүүлүк күнүн адатта дем алыш күнү сейил бакка чыгып, пикник жасап тособуз. Ал күнү кыргыздын жоолук таштамай, шакек салмай, ак терек көк терек, беш таш оюндарын ойноп, ыр-кесе уюштурулат. Андан сырткары, улуттук аспапта кол ойнотуп, күү дагы чертишет.

— Ал жакта дагы үйлөнүү той, бешикке салуу дегендей салттарды сактаганга аракет кыласыздарбы?

— Албетте. Жолдошум экөөбүз бир топ үйлөнүү, жентек тойлорго күбө болуп келебиз. Курбумдун үйлөнүү тоюнда австриялык музыканттар кыргыз ырларын ырдап баарыбызды таң калдырып, маанайыбызды көтөргөн. Бир жолку Эгемендүүлүк күнүн белгилөө учурунда кичине наристенин тушоосун да кесүүгө үлгүргөнбүз. Чет жакта болсок дагы элибиздин салт-санаасын сыймык менен сактап келебиз.

  • Австриядагы бешик той
    Австриядагы бешик той
    © Фото / Айсулуу Мусуралиева
  • Тойго келгендерге жайылган дасторкон
    Тойго келгендерге жайылган дасторкон
    © Фото / Айсулуу Мусуралиева
1 / 2
© Фото / Айсулуу Мусуралиева
Австриядагы бешик той

— Австриялыктар таң калган учурлар болду беле?

— Уулубуздун бешик тоюнда ошондой учур болгон. Кыргыздарда сыйлуу конокторго устукан тартып, бешбармак берилет да. Эт тартылганда австриялык коноктор таң калышып, устукандарын алып кетпей калтырышкан. Алар ошол жерден кыргыздын салты менен таанышты. Баланы бешикке салуу биздин чет элдик коноктоpго гана эмес, Австрияда төрөлгөн кыргыз балдарга да өзгөчө сезим калтырган.

— Австрия менен Кыргызстандагы жашоонун кандай окшош жактары жана айырмачылыктары бар экен?

— Негизинен аба ырайы, тоолору жана жаратылышы окшош. Ошол эле учурда айырмачылыктары да өтө көп. Бир сөз менен айтканда бул жактын тургундары ишине так, чынчыл жана тыкан болушат экен. Элди социалдык жактан коргоо дагы жогорку деңгээлде, ошондой эле коомдук жайларда тартип күчтүү.

Кыргызстанка, живущая в Вене, Айсулуу Мусуралиева с семьей
© Фото / из семейного архива Айсулуу Мусуралиевой
Айсулуу Мусуралиева үй-бүлөсү менен

— Австрияга келгениңизге канча болду?

— Мен Вена шаарына келип, жашап калганыма быйыл 9 жыл болду, ал эми Европага келгениме 10 жыл толуптур. Биз чет жакта жүрүп, анча көп болбосок да ынтымактуу, биримдиктүү болууга, өзүбүздүн каада-салтты унутпай кийинки муунга тапшырууга умтулабыз. Кайсы жерде болбойлу — Кыргызстан ар дайым жүрөгүбүздө.

2287
Белгилер:
каада-салт, Айсулуу Мусуралиева, Вена, Австрия
Тема боюнча
Физик Алмазбек Иманалиев: Францияда атомдордун кванттык касиетин изилдедим
Дубайда стюардесса болуп иштеген Наргиза: азыр жашоомду учаксыз элестете албайм
Чехияда окуган Айгерим: 1000 евро стипендия алып, бай чехтердин катарындамын
Карта ойноп жаткан адам. Архив

Инимди кумар оюндарынан кантип чыгарам. Бир тууганы санаага салган аялдын каты

22
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бир тууган инисинин жүрүм-турумуна нааразы болгон аял кайрылган.

Сиздерге психологдун кеңешин алуу үчүн кайрылып жатам. Менин да 35 жаштагы бир тууган иниме байланыштуу көйгөй жаралууда. Иним шаар жеринде турат. Үй-бүлөлүү, эки баланын атасы болсо да жаман адаттын артынан түшүп алып, аялын эле эмес бизди да түйшүккө салууда. Мындан жети жыл мурун үйлөнгөндө бир туугандар чогулуп, борбордон мейманкана тибиндеги бөлмө алып бергенбиз. Азыр ошондо турушат. Андан бери эч ирденбей койду. Келинибиз тигүүчү болуп иштеп, балдарынын окуусуна, тамак-ашына, күнүмдүк жашоого акча таап жүрөт. Кийим-кечектерине биз жардам беребиз. Аялы кетип калбаса экен деп сарсанаабыз. Анткени бир тууганыбыз үйдүн кожоюну катары жумушта иштеп акча таппайт. Тактап айтканда, акыркы 3-4 жылдан бери такыр эле бекерчиликке көнүп алды. Мурда мектепте иштечү, кийин таксист болуп жүрүп кырсыкка кабылып машинасын сатты. Ошондон бери эле өзгөрдү. Кумар оюндарына кандайча, ким аркылуу кызыгып кеткени белгисиз. Айланасы ошондой болуп жатабы, айтор, жоро-жолдоштору менен үйлөргө барып мелдешип карта ойнойт экен. Футболду да акчага мелдешип ойношорун уктум. Өзүнөн сурасак ачылып айтпайт. Жакшыраак жумуш издеп жатканын айтып кутулат. Мектептен жумуш таап берсек, айлыгы аз деп көңүлдөнбөйт. Жок дегенде кароолчу болуп бир жерге орношуп алса деле жакшы болот эле. Эмне ойлоп жүргөнү белгисиз.

Баары бүткөнсүп, эми компьютердик клубдарга да барып турарын келин айтып даттанууда. Ал да тажадым дейт. Бир күнү жашап жаткан бөлмөсүн сатып салса эмне болот деп да кабатырланабыз. Ушундай жагдайда психологго жекече кайрылууга болобу? Же жыйынтык болбойбу...

Гүлнара Жасоолова, психолог:

— Каттагы жигиттин эжесинин "жубайлар ажырашып, балдар атасыз калбасын" деген бир туугандык тынчсыздануусун түшүнүп жатам. Эгер адам жеке жүрүм-турумун, кылган ишин өзү көзөмөлгө алуу менен туура эмес жолдо баратканын сын көз менен карай алса жакшы. Анда кеңеш алуу үчүн психологго кайрылууга болот. Иниңиз үй-бүлөсүнө кайсы бир деңгээлде зыян алып келип жатканын же балдарына толук кандуу ата боло албай жүргөнүн алгач түшүнүшү керек. Антпесе психологго кайрылгандан пайда чыкпайт. Муну менен катар адамдын жеке каалоосу да болушу шарт.

Негизинен жашоодо көп нерсе тарбияга байланыштуу. Баланы кичинесинен эле өтө камкордукка алып, "тигини кий, биякка бас, сабагыңа бар" деп карай берсе ошого көнүп алат. Үйлөнткөндөн кийин "жашашсын" деп бөлмө да алып бергениңерди жазыпсыздар. Адам жакындарынын жетегине, алардын жардамына, жөлөп-таяганына ыңгайлашып алса, ар нерсеге башын оорутпай жүрө берет. Силер азыр санаа тартып тынчсызданып жатасыздар, бирок иниңизге азыркы жүрүм-туруму нормалдуу эле сезилиши мүмкүн. Анткени башкалар ал үчүн камкордук жасап, көйгөйүн чечип бергенге көнгөн. Үй-бүлө курганда да кожоюн катары жоопкерчиликти сезе албай калганынын себеби ошол. Бул жигитке жардам берүү үчүн алгач өзүнүн демилгеси, өзгөрүүгө каалоосу болушу зарыл. Андан кийин гана психолог жардам бере алат.

22
Белгилер:
жигит, кумаркана, Гүлнара Жасоолова, психолог
Тема:
Психолог менен баарлашуу
Тема боюнча
Күйөөм экөөбүздүн ортобуздагы мамиле сууп кетти... Келиндин даты
Кызым күйөөдөн чыга берип тажатты... Санаага баткан эненин каты
Кыргызстандын жаранынын паспорттору. Архив

Интерпол кыргызстандыктарга жоголгон паспорттор боюнча эскертүү берди

81
(жаңыланган 13:23 16.01.2021)
ИИМ билдиргендей, Мамлекеттик каттоо кызматы бул же тигил документтин жоголгондугу тууралуу Эл аралык жазык полициясы уюмуна (Интерпол) кирген бардык өлкөлөргө кабарлайт.

БИШКЕК, 16-янв. — Sputnik. Интерполдун Кыргызстандагы улуттук борбору жарандарга чет өлкөлөрдө жараксыз паспортторду колдонуунун негативдүү кесепеттери болорун эскертти.

Кеп мурда жоголуп кеткен документтер тууралуу болуп жатат.

"Жалпы жарандык паспорт же ID-картаңыз жоголуп кетип, бул тууралуу укук коргоо органдарына билдирдиңиз дейли. Бирок аны кийин кайра таап алган күндө дагы чет өлкөгө чыкканда колдонбошуңуз керек", — деп айтылат билдирүүдө.

ИИМдин маалымат кызматынан билдиришкендей, Мамлекеттик каттоо кызматы бул же тигил документтин жоголгондугу тууралуу Эл аралык жазык полициясы уюмуна (Интерпол) кирген бардык өлкөлөргө кабарлайт. Кийин ал өлкөлөрдүн бирине жоголгон документти пайдаланып кирүүгө аракет кылган адам кармалышы мүмкүн.

81
Белгилер:
паспорт, Интерпол, ИИМ, Кыргызстан
Тема боюнча
Төрт жылдан бери издөөдө жүргөн россиялык жаран Нарындан кармалды
Кыргызстандын желегин жамынган мушкер. Архив

Солк этпей... BRAVE CF мелдешине чыкчу КР мушкери көз караштар таймашында

7
(жаңыланган 15:04 16.01.2021)
Мелдеш Сочи шаарында өтөт. Кыргызстандык эки мушкердин тең беттеши турнирдин жогорку кардына коюлган.

БИШКЕК, 16-янв. — Sputnik. Кыргызстандык ММА мушкерлери Кубаныч Абдисалам уулу (жеңил салмак) жана Жыргал Чомонов (оор салмак) бүгүн BRAVE CF & KREPOST промоушендеринин биргелешкен мелдешинде беттешке чыгышат. Алардын атаандаштары менен көз караштар таймашын промоушен өзүнүн Instagram баракчасына чыгарды.

Посмотреть эту публикацию в Instagram

Публикация от BRAVE Combat Federation (@bravemmaf)

Посмотреть эту публикацию в Instagram

Публикация от BRAVE Combat Federation (@bravemmaf)

Кубаныч Абдисалам уулу тажикстандык  Жагонгир Саиджамалов менен кармашат. Кыргызстандык бир катар спорттук пабликтер мушкерлердин көз караштар таймашына чыккан видеосун жарыялашты. 

Посмотреть эту публикацию в Instagram

Публикация от MMA KYRGYZ (@mma_kyrgyz)

Ал эми оор салмакта Жыргал Чомонов россиялык Константин Ерохин менен беттешет.

Мелдеш Сочи шаарында өтөт. Кыргызстандык эки мушкердин тең беттеши турнирдин жогорку кардына коюлган.

Эске салсак, учурда UFC уюмунун "2020-жылдын ачылышы" наамына татыган мушкер Хамзам Чимаев да дал ушул BRAVE CF промоушенинен чыккан.

7
Белгилер:
таймаш, мушкер
Тема боюнча
Макгрегордун Нурмагомедов менен кармашканга чейинки жана андан кийинки видеосу