Элечекчен энелер. Архивдик сүрөт

Сулайман тоонун этегинде ак элечекчен эки миң эне тилек айтат

Иш-чара КР Маданият министрлигинин жана Ош шаардык мэриясынын колдоосунда өтөт.

БИШКЕК, 9-май. — Sputnik. 14-май күнү Ош шаарындагы Сулайман тоонун этегинде эки миң ак элечекчен апалар тилек айтышат. Бул тууралуу иш-чаранын уюштуруучуларынын бири Элнура Кулуева Sputnik Кыргызстан агенттигине билдирди.

Демилгечилердин айтымында, иш-чара КР Маданият министрлиги менен Ош шаардык мэриясынын колдоосунда өтөт.

"Иш-чаранын бир нече максаты бар. Биринчиси — элекчекти жайылтуу. Экинчиси — араб элинин улуттук кийими болгон хиджапты массалык түрдө кийүүнү адатка айлантып бара жаткан түштүк регионунун аялдарына элечектин маани-маңызын жеткирүү. Үчүнчүдөн — акыркы убактарда болуп кеткен табигый кырсыктарга карата, апаларга кудайга сыйынуу иретинде ыйык тоонун этегинде тилек айттыруу", — деди Кулуева.

Бул күнү Ош шаарына Баткенден, Өзгөндөн, Алайдан, Лейлектен жана Бишкек шаарынан апалар барышат.

Ошондой эле бул иш-чаранын алкагында "Кийиз дүйнө" коомдук фондунун өкүлдөрү Ош шаарынын окуу жайларынын студенттерине элечек тууралуу бир жума бою лекцияларды окушат.

Тема:
Кыргыздын улуттук кийими (15)
Тема боюнча
Элечекчен энелер. Бишкектеги иш-чарага аймактардан келген 1000 аял катышат
Башкы прокуратуранын имараты. Архив

Прокуратура: Таластагы жайыт, Нарындагы жер тилке мамлекетке кайтарылды

Эки факты тең Жазык кодексинин "Кызмат абалынан кыянаттык менен пайдалануу" беренесинин негизинде каттоого алынып, сотко чейинки иштер жүрүүдө.

БИШКЕК, 23-апр. — Sputnik. Талас менен Нарында менчикке берилип кеткен жер тилкелери мамлекетке кайтарылды. Бул тууралуу Башкы прокуратуранын маалымат кызматы кабарлады.

Ага ылайык, Таластын Чолпонбай айыл өкмөтүнүн кызматкерлери мындан бир нече жыл мурун мамлекеттин менчиги болуп эсептелген жайыт жерлеринин 16 гектарын А.Э. аттуу жаранга мыйзамсыз менчикке берип салышкан.

Ошондой эле Нарын шаардык прокуратурасы мыйзамсыз түрдө жеке жактарга турак жай куруу үчүн 800 чарчы метр жер тилкесинин менчикке берилип кеткендигин аныктаган. Жер тилкенин баасы жарым миллионго бааланат.

Эки факты тең Жазык кодексинин 320-беренесинин ("Кызмат абалынан кыянаттык менен пайдалануу") негизинде каттоого алынып, сотко чейинки иштер жүрүүдө. Жер тилкелери мамлекетке жана муниципалдык менчикке кайтарылды.

Белгилер:
кайтаруу, мамлекет, жер тилкеси, жайыт, Башкы прокуратура, Нарын, Талас
Тема боюнча
Баткен: мамлекеттик 30 батир, жер тилкелери жеке тараптарга берилип кеткен
Электромобиль долбоорунун түзүүчүсү жана жетекчиси Дастан Чаргынов

Чаргынов: электромобилдин чыгымы жөнөкөй унаадан 70 эсе аз болот

"Электромобиль" долбоорунун түзүүчүсү жана жетекчиси Дастан Чаргынов аталган унаалардын пайдалуу жактарын атап берди.

Электромобилдердин чыгымы кадимки унаалардан 50-70 пайызга аз. Тактап айтканда, бензинге кетирген акчанын ушунча көлөмүн үнөмдөп калууга болот. Бул тууралуу Дастан Чаргынов Sputnik Кыргызстан радиосуна маек куруп жатып билдирди.

Чаргынов: электромобилдин чыгымы жөнөкөй унаадан 70 эсе аз болот

Анын айтымында, учурда Бишкек шаарында 200дөй электромобиль айдоочулары бар.

"Электромобилдер шаар ичинде айдоого абдан ыңгайлуу. Биринчиден, экологиялык жактан таза жана күйүүчү майга болгон чыгымды үнөмдөйт. Мисалы, автоунааны 100 чакырымга айдап баруу үчүн 500-700 сом каражат жумшалат. Ал эми электромобиль менен ушул эле аралыкка 10-11 сом коротуп, жетип алууга мүмкүн. Мен өзүм аталган унаанын айдоочусумун. Бизде көпчүлүк адамдар алыс жолго чыга албай калабыз деп кооптонушат. Бирок мен бир жолу кубаттап алып, электр унаам менен Балыкчыга чейин жетип алам", — деди Чаргынов.

Ал ошондой эле электромобилдер коопсуздук жагынан кадимки автоунаалардан кем калбай тургандыгын кошумчалады.

Белгилер:
экология, шаар, каражат, электромобиль
Тема боюнча
Кыргызстанда автоунаа импортунун көлөмү эки эсеге азайды