Жалал-Абаддын Ала-Бука районуна караштуу Өрүктү-Сай айылында 10 жылдык жолугушууга келе турган классташтар тарабынан көпүрө салынууда

Ала-Бука: 10 жылдыктын жигиттери айылына көпүрө салып жатышат

845
Классташтар курулуш материалдарына 100 миң сомдон ашык акча чогултушкан.

БИШКЕК, 15-май — Sputnik. Жалал-Абаддын Ала-Бука районуна караштуу Өрүктү-Сай айылында 10 жылдык жолугушууга келе турган классташтар тарабынан көпүрө салынууда. Бул тууралуу Sputnik Кыргызстан агенттигине аталган демилгени ишке ашырып жаткандардын бири Курманбек Ниязбеков билдирди.

  • Жалал-Абаддын Ала-Бука районуна караштуу Өрүктү-Сай айылында 10 жылдык жолугушууга келе турган классташтар тарабынан көпүрө салынууда
    Жалал-Абаддын Ала-Бука районуна караштуу Өрүктү-Сай айылында 10 жылдык жолугушууга келе турган классташтар тарабынан көпүрө салынууда
    © Фото / Курманбек Ниязбеков
  • Көпүрөнү классташтар өзүлөрү салышууда
    Көпүрөнү классташтар өзүлөрү салышууда
    © Фото / Курманбек Ниязбеков
  • Курулуш материалдарына 100 миң сомдон ашык каражат чогулган.
    Курулуш материалдарына 100 миң сомдон ашык каражат чогулган.
    © Фото / Курманбек Ниязбеков
1 / 3
© Фото / Курманбек Ниязбеков
Жалал-Абаддын Ала-Бука районуна караштуу Өрүктү-Сай айылында 10 жылдык жолугушууга келе турган классташтар тарабынан көпүрө салынууда

Анан айтымында, көпүрөнү классташтар өзүлөрү салышууда.

"Агай, эжекелерге белек-бечкек бергенден сырткары, айылга бизден эстелик катары көпүрө салуу чечимине келгенбиз. Демилге классташтар тарабынан көтөрүлүп, өзүбүз эле салып жатабыз", — деди Ниязбеков.

Ал курулуш материалдарына 100 миң сомдон ашык каражат чогулганын кошумчалады.

845
Белгилер:
Ала-Бука, көпүрө, жолугушуу
Тема боюнча
Чиедей үч баласы менен калган жалгыз бой энеге 6 бөлмөлүү үй курулуп жатат
Кочкор: 20 жылдыктын ак пейил жигиттери оорулуу кишинин бүлөсүнө үй куруп берди
Кабул шаары. Архив

ЖМК: талибдер өзбек тилин расмий макамынан ажыратып салды

55
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

55
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы

71
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

71
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби