БИШКЕК, 16-май — Sputnik. Арак ичкен адамдын жүрүм-туруму, кылык-жоругу анчейин деле өзгөрбөй турганын психологдор аныкташкан. Окумуштуулар спирт ичимдиктерине жакын кишилерге байкоо салып, ушундай жыйынтыкка келгенин Clinical Psychological Science журналы жазды.
"Бардыгыбыз ичкен адамдын жүрүм-туруму дээрлик өзгөрөт деп келебиз, бирок бул туура эмес. Биздин тажрыйбага катышкандардын көбү аракеттерибиз толугу менен өзгөрдү деп ойлошкон. Бирок аларга сырттан байкоо салгандар болгону сырткы кабылдоосу жана көрүнүшү гана өзгөргөнүн айтышты", — деген пикирин АКШнын Миссури университетинин окумуштуусу Рэйчел Виноград билдирген.
Ал эми аларды байкап тургандар иликтөөгө катышкандар талашып-тартышкан учурда гана өзүнүкүн бербей ажылдап калганын белгилешкен. Андыктан окумуштуулар арак ичкен киши соо кезиндегиден толук түрдө өзгөрбөй турганын белгилешүүдө.
