Фонтандын алдына турган кыз. Архивдик сүрөт

Сууга байланыштуу 11 "болбойт"

1574
(жаңыланган 14:34 18.05.2017)
"Суу сыйлаган зор болоор, суу кордогон кор болоор" деген макал бекеринен айтылып калбаса керек. Илгертен ата-бабалар сууга ыйык мамиле жасап, жаактуудан пенде тең келбеген Жеңижок акын анын ыйыктыгын, улуулугун, касиетин күнү-түнү ырга салып бүтө алган эмес.

Жети кабат жер алдынан агып чыгып, Жер жүзүнө, адамзатка жашоо тартуулаган суунун касиети жана ага байланыштуу жасалбай турган нерселерди салттуу илим изилдөөчү Чынара Сейдакматова айтып берди.

Кой союу алданда бата окуу. Архив
© Sputnik / Кирилл Каллиников
Сууга түкүрбөйт. Эч качан адам ичкен сууга да, аккан сууга да түкүргөн эмес. Аккан сууга түкүрмөк тургай, кол чайкоого да болбойт. Алгач арыктан сууну кочуштап алып чыгып, колду сырт жакка жууган.

Суунун көрүнгөн жеринен аттабайт. Каалаган жерден суудан аттоого болбойт. Сууга көпүрө салаарда да ата-бабалар ит, мышык, ат сыяктуу жаныбарлар өткөн жерден көпүрө курат.

Сууга кир кийим-кече чайкабайт. Аккан сууга кир салып чайкоо суу сыйлабагандыкка жатат. Алгач сууну бери жакка алып, анан кийимдерин чайкаган. Ошондой эле аккан сууга идиш-аяк да жууганга болбойт.

Суунун жанында отуруп жаман сөздөрдү айтпайт. Азыр илим изилдөөчүлөр сууну маалымат сактай турган зат экенин айтып жатышат. Сууга айтылган сөздөр ишке ашат деп айтылып жүрөт, андыктан сууга жалаң жакшы ой-тилек айтылышы керек.

Сууну жөнсүз агызып койбойт. Суу сыйлабагандар суунун пири Сулаймандын каргышына калат деген ишеним бар. Сууну жөнү жок ысырап кылып агызып же төксө адам ырыскысынан кемийт деген түшүнүк жашап келет.

Улуттук кийим кийген кыз. Архивдик сүрөт
© Sputnik / Табылды Кадырбеков
Суунун жээгине уктабайт. Эгер адам суунун жээгине уктап калса, адамдын энергиясын суу тартып алышы ыктымал деп айтылат.

Отко суу чачпайт. От менен суунун деми эч качан келишпейт. Андыктан отко суу чачып өчүрүүгө болбойт. Ошондой эле күлгө дагы суу төкпөйт.

Сууга таштанды ыргытпайт. Биринчиден, таштанды төгүлгөн суудан башка бирөө да колдонот.

Суу көтөргөн баканды аттабайт. Апкөчтү аттаган адамдын иши оңолбойт деп коюшат.

Сууга заара кылбайт. Сууга заара кылгандын энесинин эмчегине жара чыгат деп айтылып жүрөт.

Суу куюлган идишти түнкүсүн ачык калтырбайт. Шайтан аралап кетет деген түшүнүк болгон.

1574
Белгилер:
маданий мурас, табият, Суу, ырым
Тема:
"Болбойт" рубрикасы (83)
Тема боюнча
Бой жеткен кыздарга тиешелүү 9 "болбойт"
Кафе-ресторандардагы той-топурга байланыштуу 9 "болбойт"
Мейманчылыкка байланыштуу 7 "болбойт"
Сапарга чыгууга байланыштуу 8 "болбойт"
Медиктер. Архивдик сүрөт

Жүрөк жылытат. Карыяга акча чогулткандар медиктерге да жардам берди

25
(жаңыланган 18:19 12.07.2020)
"Тазалыктын" маалымат катчысы гармонь чертип жан баккан карыянын аспабын уурдап кетишкенин айтып, жаңысын алуу үчүн каражат чогулта баштаган.

БИШКЕК, 12-июл. — Sputnik. Бишкекте кайрымдуу жарандар тарабынан улгайган кишиге гармонь алууга чогулган акча ашыгы менен жыйналды.

"Тазалык" муниципалдык ишканасынын маалымат катчысы Жибек Каракеева бир нече күн мурун калаадагы соода борбордун алдында гармонь чертип, тамак-ашына акча тапкан карыянын музыкалык аспабын уурдап кетишкенин жазган. Активисттер интернет аркылуу 5000 сомго гармонь табышкан. Мындан улам Каракеева акча чогултуп баштаган.

Посмотреть эту публикацию в Instagram

Публикация от Жибек Каракеева (@jibek_karakeeva)

Натыйжада кайдыгер эмес адамдардан каражат ашыгы менен түшүп, жалпы суммасы 41 708 сомду түзгөн.

Ал эми Давлет аттуу шаар тургуну өзүнүн гармонун карыяга белек деп Каракеевага берип кеткен. Мындан улам аспапка кошуп ага 5000 сом накталай, 1527 сомго азык-түлүк алып барып беришкен. Калганын 15 медицина кызматкерине 2000 сомдон берип чыгышкан. Ошону менен бирге күндүзгү стационарларга миңден ашуун асма уколдун штативин жасаган "Тазалыктын" кызматкерлерине пицца алып берген.

Аягында 2 571 сом калган, аны медиктердин телефонуна сүйлөшүү үчүн акча сала турганын айтты.

25
Белгилер:
жардам, медик, акча, МП "Тазалык"
Тема боюнча
Имарат берип, жабдуу таап, медик чогултуп... Эл ооруга каршы бир муштумга түйүлгөндө
Ооруканадагы медик. Архивдик сүрөт

Ысык-Атанын ооруканасында эртеден бери дарыгерлер жокпу? Министрликтин жообу

154
(жаңыланган 17:40 12.07.2020)
Видеонун автору бейтаптар жаткан палаталарды көрсөткөн. Бул учурда бир дагы ак халатчан көзгө урунган эмес.

БИШКЕК, 12-июл. — Sputnik. Социалдык тармактарда Кант шаарында жайгашкан Ысык-Ата аймактык ооруканасында бир суткадан бери дарыгерлер менен медайымдар жок деген видео тарады.

Видеонун автору коридор менен басып бейтаптар жаткан палаталарды көрсөткөн. Бул учурда бир дагы ак халатчан көзгө урунган эмес. Ал коронавирус жана пневмония оорусу менен түшкөндөрдү дарылоо эмнеге токтоп калганын жана медиктер кайда кеткени боюнча эч ким түшүндүрбөй жатканын айткан.

Ал эми Саламаттык сактоо министрлигинин Чүй облусундагы координатору Бактыгүл Мамытова Sputnik Кыргызстанга видео ак халатчандар смен алмашып жаткан учурда тартылганын билдирди.

"Дарыгерлер душка түшүп, даярданып, жеке коргонуу каражаттарын кийгенге чейин убакыт талап кылынат. Ооба, чынында эле дарыгерлер жетишпей жатат. Алар өздөрү ооруп калууда. Бирок биз кошумча дагы медиктерди тартып жатабыз", — деди Мамытова.

Ысык-Атанын ооруканасында жарык өчүп, аппараттагы бейтап көз жумду

Ошондой эле ал Токмок медициналык училищесинен бир дарыгер, эки медайым, Чүй облустук тиш стоматология клиникасынан алты медайымды жөнөтүү пландалып жатканын кошумчалады.

Кыргызстанда коронавирус жугузуп алгандардын саны 10 629 адамга жетти. Анын ичинен 3387си айыгып, 132си каза болду. Мындан сырткары, пневмония менен кайрылгандар көп болууда. Март айынан бери бул оорудан 432 бейтап кайтыш болду. Алардын басымдуу бөлүгү Бишкекте.

154
Белгилер:
оорукана, медик, Ысык-Ата, коронавирус
Тема:
Коронавируска байланыштуу Кыргызстандагы кырдаал
Тема боюнча
№1 шаардык оорукананын медигинин кайрылуусу боюнча башкы дарыгер текшерилет
Апасынан айрылган кыз: "Гансиде" ачылды делген реанимациялык блок иштеген жок
Чүйдүн төрөт үйлөрү иштебей жатат деген маалымат төгүндөлдү