БИШКЕК, 30-май. — Sputnik. Бишкекте жаш ойлоп табуучулардын эмгектери көргөзүлөт. Бул тууралуу Интеллектуалдык менчик жана инновациялар мамлекеттик кызматынан кабарлашты.
Билдирүүгө ылайык, 30-майда борбор калаадагы "Алтын түйүн" республикалык инженердик-техникалык академиясында өтө турган иш-чарага республиканын бардык аймагынан чакырылган. Көргөзмөдө жаш ойлоп табуучулардын жабдуулары, ойлоп табуулары коюлат.
Саамалыкты Кыргызпатент уюштуруп, соңунда жеңүүчүлөрдү аныкташат.
Иш-чара жаштарга жол көрсөтүп, аларга колдоо көрсөтүү максатында уюштурулууда.