Дары-дармектер. Архив

Дары аралашмасынан рахат алган өспүрүмдөр. Активисттер коңгуроо кагууда

1338
(жаңыланган 14:18 31.05.2017)
Акыркы учурда Бишкектеги ооруканаларга, реабилитациялык борборлорго башы айланып, өзүн көзөмөлдөй албай калган абалга жеткен өспүрүм балдар-кыздар көбөйө баштаганын айтып, активисттер тынчсызданууда.

Жакында эле "Сезим" кризистик борборуна Бишкектеги мектептердин биринде 10-класста окуган кыздын апасы кайрылып, акыркы учурда кызынын жүрүм-туруму такыр эле өзгөрүп кеткенин айткан. Мунун себебин ата-энеси кызынын артынан аңдып жүрүп курбулары менен бирге дарылардан адамдын психологиясын өзгөрткөн аралашма жасап, аны колдонуп, рахат алып жүрүшкөнүн байкаган.

Бул маселе учурда Билим берүү, Саламаттык сактоо министрликтеринде да орчундуу болуп, активисттер коңгуроо кага башташты. Буга байланыштуу Sputnik Кыргызстан атайын маалымат жыйын өткөрүп, адистердин пикирине назар салды.

"Сезим" кризистик борборунун жетекчиси Бүбүсара Рыскулованын айтымында, аларга кайрылган аялдын кызы 10-классты аяктаптыр. Айгүл (аты-жөнү өзгөртүлдү) курбулары менен эки жылдан бери дары-дармек аралашмасын колдонуп жүргөн.

"Айгүлдүн апасы бизге келип татынакай кызынын жүрүм-туруму баш айланткан дарылардын аралашмасынын айынан тез эле жаман жакка өзгөрүп кеткенин айтып, эмне кыларын билбей жатканын айтып кайрылды. Башында өткөөл курак болсо керек деп көп көңүл бурбаптыр, кийинчерээк жакшылап байкап жатып, үйүнөн ар түрдүү дарылардын сыртын таап, аны менен кызы ырахат алып жүргөнүн байкаптыр. Кызы менен бирге мындай жорукту эки-үч кыз да жасап, бирөөсүнүн боюнда болуп калган экен. Бул аралашмаларды колдонгондо адам өзүн-өзү башкарып, көзөмөлдөй албай калат экен. Коомубузда мындай көрүнүштү көмүскөдө калтырып салбай, баарылап күрөшүшүбүз керек", — деди Рыскулова.

Ал эми Саламаттык сактоо министрилигинин алдындагы өспүрүмдөр үчүн психикалык-реаблитациялык борбордун дарыгер-наркологу Мелис Исаков Айгүлдүкүндөй кырдаалга кабылып, учурда 20 бала каттоодо турганын билдирди.

"Бул сан өлкөдө 20 эле бала ушундай жагдайга кабылган дегенди түшүндүрбөйт, бул жаман адат менен алектенип жүргөн окуучу, студенттер толтура. Болгону алар же ата-энелер дарыгерге кайрылгандан коркот. Өспүрүмдөр баш айлантып, өзүн-өзү көзөмөлдөй албай калган аралашмаларды атайын интернет сайттардан көрүп алып жасашат. Ал тургай жөнөкөй эле жөтөлгө каршы сироп да бул аралашманын курамына кириши ыктымал", — деди дарыгер-нарколог.

Саламаттык сактоо министрлигинин алдындагы консультант Бермет Барктабасова мындай дарылар чет өлкөлөрдө тыкыр көзөмөлгө алынганын айтып, аларды дарыканаларда сатууга тыюу салынганын кошумчалады.

Консультант Министерства здравоохранения по доказательной медицине Бермет Барыктабасова во время пресс-конференции в мультимедийном пресс-центре Sputnik Кыргызстан
© Sputnik / Табылды Кадырбеков
Саламаттык сактоо министрлигинин алдындагы консультант Бермет Барктабасова

"Ал эми Кыргызстанда мындай дарылардын жеңил сатылбашы керектигин милиция кызматкерлери, ал тургай дарыканадагы сатуучулар өздөрү да билишпейт. Айрым рецепт менен гана берилчү дарылар деле текшерүүсүз сатылып кетип жатат. Ал үчүн тизмени кайра жаңылап, аны бажы кызматкерлеринен тарта мугалимдерге чейин колдоруна карматыш керек. Бул боюнча бизде да атайын документ топтолуп, Билим берүү министрлигине жөнөтүп жатабыз", — деди Барктабасова.

Маалымат жыйын учурунда Бишкек мэриясынын билим берүү башкармалыгынын башчысы Сауле Мейрманова окуучулар, студенттер арасында бул маселе боюнча түшүндүрүү иштери жүрүп жатканын, бирок аны чечүүдө ата-энелердин да ролу чоң экенин билдирди.

Начальник Управления образования мэрии Бишкека Сауле Мейрманова во время пресс-конференции в мультимедийном пресс-центре Sputnik Кыргызстан
© Sputnik / Табылды Кадырбеков
Бишкек мэриясынын билим берүү башкармалыгынын башчысы Сауле Мейрманова

"Азыр көпчүлүк ата-энелер эртеден кечке жумушта, баласы эмне менен алектенип жүргөнүн билбейт. Айтаарым, балдарды көбүрөөк театр, ар түрдүү акцияларга, жакшы маанай тартуулай турган иш-чараларга алып барса, мындай көрүнүш балким азыраак болмок. Бул жагынан ата-энелердин да салымы чоң болот. Өз кезегинде биз да колубуздан келген иш-аракеттерди көрүп жатабыз", — деди Мейрманова.

Белгилүү болгондой, акыркы учурда Тез жардам кызматынан тарта ооруканаларга да ушундай белгилер менен өспүрүмдөр көп түшө баштаган. Андыктан активисттер ар бир ата-энеге баласына байкоо салып, кокустан алардын жүрүм-турумунан башкача кыймыл-аракеттерди байкаса сөзсүз психолог же дарыгерге көрсөтүүнү сунушташты.

1338
Белгилер:
дарыкана, дары-дармек, окуучулар, өспүрүм, Бишкек
Тема боюнча
Дары-дармектин таңгагына салынган баңги зат Кыргызстандын чек арасынан кармалды
Министрлик балдардын массалык өлүмү боюнча түшүндүрмө берди
Саргарган дарактар. Архив

Бейшембиге карата аба ырайы

38
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

38
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

263
(жаңыланган 23:47 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда, Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

263
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот