Медицина факультетинин окуучулары. Архивдик сүрөт

Медициналык окуу жайдын бүтүрүүчүлөрү ишке эми жеңил орношо алат

911
(жаңыланган 11:33 05.06.2017)
Саламаттык сактоо министрлиги медициналык борборлордун лицензиясынын бар-жогун текшерет. Андан сырткары, бүтүрүүчүлөрдүн ишке орношуу шарттарын жеңилдетет.

БИШКЕК, 5-июн. — Sputnik. Медициналык жеке борборлордун адистери үчүн саламаттык сактоо боюнча мамлекеттик органдардагыдай иштөө үчүн беш жылдык эмгек тажрыйбасы болушу шарт деген талап алып салынды. Бул туурасында аталган ведомствонун маалымат кызматы билдирди.

Бул туурасында жакында эле тиешелүү токтом чыккандыгын Саламаттык сактоо министрлигинин өкүлү Бурул Арзыкулова кабарлаган.

Медициналык жогорку жана орто окуу жайлардын бүтүрүүчүлөрү эми медициналык жеке клиникаларга жеңил орношо алат. Бул жаш адистердин жаңы иш орун табуусуна шарт түзүп, тажрыйбалуу адистердин сыртка агылып кетишине аралжы болот.

Мамлекеттик кепилдик программасынын алкагында медициналык кызмат көрсөткөн ири жана чакан клиникалар Медициалык аккердитациялык комиссиядан өтүүгө даярданып жатат.

Саламаттык сактоо министрлиги лицензиясыз жана деңгээли начар кызмат көрсөткөн жеке клиникалардын арбып жаткандыгын белгилейт. Анын кесепетинен адам өмүрү кыйылып жана майыптыкка кабылып жаткан учурлар кездешүүдө. Министрлик бул багытта лицензия боюнча текшерүүлөрдү жүргүзүп турууга мүмкүнчүлүк берген мыйзам долбоорун иштеп чыкты.

911
Белгилер:
суроо-талап, клиника, бүтүрүүчү, КР Саламаттык сактоо министрлиги
Тема боюнча
Сабырбек Жумабеков: жигитине жагыш үчүн боюн узарткан кыздар бар
Пластикалык хирург: сурма чыгарам деп көзүн ийне менен тытып алган кыздар толтура
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

40
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

40
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

70
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

70
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео