Өз кыздарын зордуктап жүргөн киши өмүр бою эркинен ажыратылды

© Sputnik / Табылды КадырбековСот бөлмөсүндөгү шектүү. Архив
Сот бөлмөсүндөгү шектүү. Архив - Sputnik Кыргызстан
Жазылуу
Жабыркаган кыздардын апасы менен чоң энеси милицияга бир жыл мурун кайрылышкан. Сот кечээ күнү өкүм чыгарды.

БИШКЕК, 8-июн. — Sputnik. Жашы жете элек кыздарын үч жыл бою  зордуктап жүргөн Кемин районунун тургуну өмүр бою эркинен ажыратылды.

Кыздардын таламын талашып келген жактоочу Айжан Кадырованын айтымында, айыпкер өз күнөөсүн мойнуна алган эмес. Өкүм чыгаар алдында ал сөз сураган.

Өспүрүм. Архив - Sputnik Кыргызстан
Жашоодон запкы тарткан бөбөктөр. Кыргызстанда балдарды эмнеден коргоо керек
"Кылмышкер өзүнүн сөзүн дептерге жазып аябай даярданыптыр. Кыздары ага жалаа жаап жатканын, буга мурдагы аялынын айтуусу менен барып жатышканын айтып, эч кандай күнөөсү жок экенин айтты", — деди Кадырова.

Былтыр кыздардын чоң энеси уулунун үстүнөн жазылган арыз менен милицияга кайрылган. Тергөө иштеринин натыйжасында кыздар үч жылдан бери кордук көрүп жүргөнү, бул фактыны мындан төрт жыл мурда каза болгон чоң атасы да билгени аныкталган.

Ушу тапта 13 жана 8 жашка чыккан кыздар зордуктоо фактысын тастыктап беришкен, улуусунан экспертиза маалында дене мүчөсүнүн жабыркаганы ачыкка чыккан. Кыздардын энеси алардын тарбиялоого дээрлик катышкан эмес.

"Жашы жете элек баланы тарбялоодо милдеттерин аткарбоо" беренесинин негизинде эки жылга шарттуу кесилген аял сотко күбө катары мажбурланып алып келинген", — деди адвокат.

Кадырованын айтымында, учурда кыздардын улуусу чоң энеси менен үйдө болсо, кичүүсү Бишкектеги атайылаштырылган борбордо реабилитациядан өтүп жатат.

Жаңылыктар түрмөгү
0