Ала-тоо аянтындагы майрамдык иш чаранын коноктору. Архив

Ичкениңиз ирим, жегениңиз желимби? Стресс менен депрессиядан арылуунун жолдору

3460
(жаңыланган 16:54 12.06.2017)
Көңүл чөгүп, жан дүйнө буулугуп, өзүңө батпай, кежигең тырышып, сиркең суу көтөрбөй калса, демек, кайгы-капанын сазында жүргөн болосуң.

Журналист Гүлдана Талантбекова стресс жана депрессиянын себептери, кесепети жана андан чыгуунун жолдору тууралуу кеп кылат.

Психолог центра укрепления семьи Данакер Чынара Термечикова во время интервью Sputnik Кыргызстан
© Sputnik / Табылды Кадырбеков
Психолог Чынара Термечикова: депрессия болгон адамдын маанайы бузулулат, адамдар менен сүйлөшкөндү каалабайт, уйкунун качышы же тескерисинче, уктай берүү байкалат, кыжырданат, тынчсызданат, чарчайт, арыктайт же толуп кетет

"Данакер" үй-бүлөнү бекемдөө борборунун психологу Чынара Термечикованын айтымында, стресс — жагымсыз окуялардын тийгизген таасири, ошондон улам киши тушуккан абал. Адам кыска мөөнөткө өзүн жоготуп, кудум эле асман түшүп кеткендей сезет. Стресс өрчүү деңгээлине жараша чоң жана кичине деп бөлүнөт. Кичине стресс майда-барат нерседен келип чыгат. Бир жагынан организмди анда-санда майда стресстер менен чочутуп туруу пайдалуу экен. Антпесе адам чоң стресске туруштук бере албай калат. Ал эми стресстин жыйындысы депрессия деп аталат.

"Депрессия болгон адамдын маанайы бузулулат, адамдар менен сүйлөшкөндү каалабайт, уйкунун качышы же тескерисинче, уктай берүү байкалат, кыжырданат, тынчсызданат, чарчайт, арыктайт же толуп кетет. Ыйлаак болуп калат, чечим кабыл алуу жөндөмдүүлүгү азаят. Башкача айтканда, "чын жүрөктөн баары бир" деген кишиге айланат. Депрессияга көңүл бурбай, анын менен күрөшпөсө, ал адамды жан кечтиликке жетелеши мүмкүн", — деди психолог.

Термечикованын айтмында, ар бир адам стресс менен депрессияны жеке кулк-мүнөзүнө, жүрүм-турумуна, темпераментине жараша кабыл алат. Кыйын күндө белди бекем бууган, ошондой эле болор-болбоско асан кайгылана бергендер да бар.

"Маселен, эшикте шамал болуп жатса сизге жагымдуу туюлганы менен мен үчүн ыңгайсыз сезилиши мүмкүн. Баланын кичинекей кезинен тарта социалдык жөндөмдүүлүктөрүн өстүрсө, мамиле курганды үйрөтсө, айланадагы процессти, жаратылыштагы өзгөрүүлөрдү түшүнүү менен кабыл ала алса стресске туруктуу болуп чоңоет", — деди Чынара айым.

Кайгы-капанын капканында калбаш үчүн эмне кылуу керек?

Ошондой эле стресстен чыгууга спорт менен машыгуу, сүйгөн ишиң менен алектенүү, жакын адамдарың менен баарлашуу, сүйгөн тамагыңды жасоо, дүкөн кыдыруу сыяктуу күнүмдүк нерселер жардам берет.

Психолог центра укрепления семьи Данакер Чынара Термечикова во время интервью Sputnik Кыргызстан
© Sputnik / Табылды Кадырбеков
Психолог Чынара Термечикова: невроз оорулары — социалдык дарт. Күнүмдүк жашоодо үй-бүлө, бир тууган, кесиптештер менен болгон мамиледеги пикир келишпестиктердин жыйындысы. Иш кылганда булчуңдар чарчаса, нерв түрдүү маалыматтардан чарчайт

Психологдун айтымында, эгер стресстен арылуунун жолун таппай кыйналган учурда адиске кайрылуу зарыл. Адам болуп өткөн нерселерди унуттум дегени менен дене бардыгын сактап калат. Денедеги ачуу кайгы-капаны чыгарууга психотерапевт жардам берет. Анткени, эртеби-кечпи, ар бир адам стресс менен депрессияга дуушар болот.

Дарыгер-невролог Темирбек Бекбоевдин айтмында, стресс медициналык тил менен айтканда — нервдин чыңалуусу, депрессия — көңүлдүн чөгүшү. Стресс менен депрессиянын кесепети невроз ооруларына алып келет. Невроз оорулары үч топко бөлүнөт. Неврастениялык невроз, долу неврозу (истерия — ред.), жабышма невроз. Неврастения — нервдин табигый чарчашы. Буга көбүнчө эркек кишилер кабылат. Эркек аялдарга салыштырмалуу жоопкерчиликтин чоңдугунан жабыр тартат. Экинчиси — долу неврозу деп аталат. Буга көбүнчө аял киши кабылат. Аялдар эркектер сыяктуу эле күчтүү, бирок эмоцияга бат алдырат. Оорудан көзү көрбөй, кулагы укпай, калтырап-титиреп келишет. Жабышма невроздо адамга терс ойлор келет. Кекчил болуп, ар кандай фобияларды ойлоп таап алат.

"Невроз оорулары — социалдык дарт. Күнүмдүк жашоодо үй-бүлө, бир тууган, кесиптештер менен болгон мамиледеги пикир келишпестиктердин жыйындысы. Иш кылганда булчуңдар чарчаса, нерв түрдүү маалыматтардан чарчайт", — деди Бекбоев.

Сиз бул төртөөнүн кайсы түрүнө киресиз, биле жүрүңүз

Дарыгер стресс менен депрессия адамдын кулк-мүнөзүнөн да көз каранды экенин белгиледи. Атам замандан бери мүнөздөр төрт түргө бөлүнүп келет.

Пневматиктер — териси калың адамдар. Алар жөнөкөй нерсеге жооп кайтарбайт, чыдамкай келишет. Бирок ошол абалдан чыгып кетсе өтө коркунучтуу. Жан дүйнөсү талкаланса, көп убакытта калыбына келет.

Холериктер — териси жука адамдар. Маалыматты бат кабыл алып, ага реакция жасап ийишет дагы кайра тез чыгарып салат.

Сангвиниктер — маалыматты орточо кабыл алышат.

Меланхоликтер кыргызча айтканда "асан кайгылар". Болор-болбоско эле кайгырып, маанайын чөктүрө беришет.

Дарыгер белгилеп кеткендей ар бир адам уникалдуу. Неврологиялык ооруларды дарылоодо адис менен кеңешүү зарыл.

3460
Белгилер:
психология, стресс, депрессия, Чынара Термечикова
Тема боюнча
Дары аралашмасынан рахат алган өспүрүмдөр. Активисттер коңгуроо кагууда
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

12
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

12
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды
Шамалга учкан чатыр. Архивдик сүрөт

Бакты омкоруп, чатырды кагаздай учуруп... Екатеринбургдагы шамалдын видеосу

152
(жаңыланган 22:09 25.05.2020)
РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.

БИШКЕК, 25-май — Sputnik. Урал жана анын борбору Екатеринбург шаарында (Россия) дүйшөмбү күнү кечинде катуу бороон-чапкын болду. Ал учурда тартылган видеолорду интернет колдонуучулар социалдык тармактарга жүктөдү.


Кадрларда көрүнүп тургандай, шамал темир такталарды, курулуш таштандыларын асманга сапырып жатат.

Башка видеодо жерге түшүп калган темир чатырдын үстүндө турган кишини шамал алып ыргытып, темирди кагаздай желбиретип учуруп кеткенин көрүүгө болот.

РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.
Материалдык чыгым эсептелип жатат.

152
Белгилер:
Россия, Екатеринбург, шамал, кырсык, аба ырайы
Тема боюнча
Автобусту алып бараткан катуу шамалдын видеосу. Индиядагы окуя
Суу каптаганы аз келгенсип, эми куюн кууратты. Казакстандагы окуянын видеосу