Ооруканадагы бейтаптар. Архив

Эркекте гана кездешкен гемофилия. Токтобой аккан кан, тукум кууган дарт

1166
(жаңыланган 15:56 15.06.2017)
Гемофилия — тукум кууй турчу кан оорусу. Гемофилияда кандын уюшу кыйынга турат дагы, токтобой ага берип, адам өмүрүнө коркунуч жаратат. Генди аялдар алып жүрөт, бирок дарт эркек кишилерде гана кездешет. Кыргызстан боюнча бул оору менен 300гө чукул адам жабыркайт.

Журналист Гүлдана Талантбекова Кыргыз улуттук гематология борборунуна баш багып, врач-гематолог Мэри Эралиевадан гемофилия оорусу тууралуу суроо берип, жооп алды.

Адатта бейтапканаларда палатанын ичи толо оорулуу, сыртта күткөн жакындары, чуркаган дарыгерлер кадыресе көрүнүш эле. Бирок мен барган гемофилия бөлүмүнөн 18 жаштагы Данил Штукинден башка эч кимди кезиктирген жокмун. Себеби, гемофилия амбулатордук оору болгондуктан, бейтаптар келип-кетип дарыланат. Ачык-айрым, ооруга моюн сунбаган Данил бур илдет андан бир жашында эле аныкталганын айтып берди.

Пациент в кыргызском национальном центре гематологии Данил Штукин
© Sputnik / Гульдана Талантбекова
Кыргыз улуттук гематология борборунундагы бейтап Данил Штукин

"Күтүүсүздөн кан агып кеткен учурлар көп болот. Өзгөчө күн ысыганда, катуу нерселерге капысынан урунуп алганда. Мен ага көнгөм. Мезгили менен кан факторунун жетишсиздигин толуктап, туура тамактанып, сууга сүзүп турсам кан анчейин акпайт. Гемофилиянын кесепетинен оң тизем гемартроз болуп төрт жолу операция жасалган. Оору тукум кууйт деп айтылат. Бирок ата-энем, алыс-жакын туугандардын баарын сураштырып чыксам эч ким оорубаптыр. Балким ата-тегимде болгондур. Айтор, биз үчүн да бул табышмак", — деди Штукин.

Врач-гематолог Мэри Эралиеванын айтымында, гемофилия кандын уюй турган функциясынын бузулушуна алып келүүчү оору жана тукум кууй турчу касиетке ээ. Гемофилия А жана В деп эки түргө бөлүнөт. А гемофилиясы VIII фактордун жетишсиздигинен (кандын уюшу үчүн керектүү белоктун аздыгынан же таптакыр жоктугунан) келип чыгат. В гемофилиясы IХ фактордун жетишсиздигинен (кандын уюу процессинин бузулушунан) келип чыгат.

Адамда Х жана У хромосомалар бар. ХХ аялдыкы, ХУ эркектики болуп эсептелинет. Оору Х хромосомундагы бир гендин мутацияланып кетишинен келип чыгат. Тактап айтканда, оору эркек адамдын кыздарына өтөт, бирок эркек балдары оорубайт. Ооруну алып жүрүүчү касиетке кыздар ээ, илдеттин хромосомасы анын төрөлгөн эркек балдарына өтөт.

Врач-гематолог в кыргызском национальном центре гематологии Мэри Эралиева
© Sputnik / Гульдана Талантбекова
Врач-гематолог Мэри Эралиева: гемофилия оорусунун генин аялдар гана алып жүрүшөт. Өздөрү оорушпайт, бирок, бул дартка эркектер тушугат. Оорунун генин алып жүрүүчү аялдан төрөлгөн уул балдар гемофилия менен оорушу мүмкүн

"Гемофилия кандын уюшунун бузулушуна алып келүүчү оору. Гемофилия оорусунун генин аялдар гана алып жүрүшөт. Өздөрү оорушпайт, бирок, бул дартка эркектер тушугат. Оорунун генин алып жүрүүчү аялдан төрөлгөн уул балдар гемофилия менен оорушу мүмкүн. Ошондой эле андан төрөлгөн кыздар оорунун генин алып жүрүүчү болуп саналат", — деди Эралиева.

Дарыгердин айтымында, оорулууга диагноз коюу кыйынчылык деле жаратпайт. Оорулуунун тууган-уругу териштирилет, канды текшерүү аркылуу аныкталат же тесттен өткөрүшөт. Гемофилия деңгээлине жараша оор, жеңил, орточо болуп каралат. Кандын суюлуп, токтобой ага бериши бул дарттын алгачкы белгиси болуп саналат. Оор түрүндө баланын киндигин кескен маалда кан көп кетет, жөрмөлөй баштаган кезде капысынан урунуп-согунуп алган баланын мурду-башынан токтобой кан агат, тиштери чыгып баштаганда денесинде жайылган көгала тактар пайда болот. Айрым оорулууларда бөйрөк, ичеги, ашказан, баштан кан кетет.

"Мындай бейтаптар жаштайынан эле майыптыкка чыгарылат. Булардын муундарына кан куюла берген сайын бир орунда уюп калат. Анан муунду оорутпаш үчүн бир орунда кармаганга аракет кылышат. Акырындап муундун түзүлүшү бузулуп, деформацияга алып келет. Күчөп кетсе муун иштен чыгып, баспай калышат", — деди адис.

Өлкө боюнча гемофилия менен ооругандардын саны 300гө чукул. Үчтөн бир бөлүгүн балдар, калганын чоңдор түзөт. 16 жашка чейинки оорулуу балдар Бишкектеги Эне жана баланын саламаттыгын сактоо улуттук борборунда дарыланышат. 16 жаштан жогоркулар ооруган убакта Кыргыз улуттук илимий гематологиялык борборуна кайрылышат.

"Бейтаптарды дарылоодо терапия аркылуу канга жетишпеген факторду беребиз. Мындай жол менен кан агууну азайта алабыз. Экинчи ыкмасы — оорулуулар кан аккан кезде келип дарыланып турушат. Физиотерапия аркылуу муундарды, булчуңдарды чыңдайбыз. Муун иштен чыккан учурда ортопедиялык операция жасоого туура келет. Өнүккөн өлкөлөрдө гемофилия менен жабыркагандар майыптыкка чейин жеткен эмес. Аларга төрөлгөн күндөн тарта алдын алуу иштери жүргүзүлөт", — деди дарыгер.

Гемофилия менен жабыркагандарга Саламаттык сактоо министрлиги тарабынан жардам көрсөтүлүп келет. Кыргызстан 2008-жылы гемофилиянын бүткүл дүйнөлүк федерациясына мүчөлүккө алынып, гуманитардык жардам алып турат.

1166
Белгилер:
гемофилия, кан, оору, ден соолук, Бишкек
Тема боюнча
Баласына бөйрөгүн берем деген эне операция үчүн бир жыл кайыр сурады
Кан борборунун жетекчи орун басары: кандын төрт эмес, сегиз тобу бар
Президент Сооронбай Жээнбеков Чолпон-Ата шаарындагы Ысык-Көл райондук аймактык ооруканасында

"Колдоо керек". Чолпонаталык дарыгерлер Жээнбековго даттанды. Сүрөт

82
(жаңыланган 17:04 04.08.2020)
Дарыгерлер президент менен жолугушууда кадрлардын жетишсиздигин, жаңы кызматкерлерди материалдык жана моралдык жактан колдобой туруп аларды саламаттык сактоо тутумунда кармап калуу мүмкүн эместигин айтышты.

БИШКЕК, 4-авг. — Sputnik. Көмүскө экономикадан мыйзамдаштырылган каражаттар дарыгерлердин эмгек акысын жогорулатууга багытталат. Бул тууралуу президент Сооронбай Жээнбеков бүгүн Чолпон-Ата шаарындагы Ысык-Көл райондук аймактык ооруканасын оңдоп-түзөө иштерин көрүп жатканда айтты.

  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Көмүскө экономикадан мыйзамдаштырылган каражаттар дарыгерлердин эмгек акысын жогорулатууга багытталат
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Бул тууралуу президент Сооронбай Жээнбеков бүгүн, Чолпон-Ата шаарындагы Ысык-Көл райондук аймактык ооруканасынын оңдоп-түзөө иштерин көрүп жатканда айтты
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Жээнбеков медицина кызматкерлери менен баарлашып, коронавирус инфекциясына каршы күрөшүүдөгү көйгөйлөр гана эмес, саламаттык сактоо тутумундагы көйгөйлөрдү дагы кеңири талкуулады
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Чолпон-Ата шаарындагы Ысык-Көл райондук аймактык ооруканасынын реанимация бөлүмүнүн башчысы Сарбагыш Иманалиевдин каза болгондугуна байланыштуу көңүл айтты
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Медиктер өлкө жетекчилигинин ооруканаларды куруу боюнча демилгесин колдоого алып, ошол эле маалда кадрлардын жетишсиздигин, жаңы кызматкерлерди материалдык жана моралдык жактан колдобой туруп, аларды саламаттык сактоо тутумунда кармап калуу мүмкүн эместигин баса белгилешти
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Мамлекет башчы дарыгерлердин пикирине кошулуп, коронавирус инфекциясы көп жылдан берки начар башкаруунун жыйынтыгын, бардык көйгөйлүү жерлерин ачыкка чыгарганын кошумчалады
    © Пресс-служба президента КР / Султан Досалиев
  • Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
    Өкмөттүн Ысык-Көл облусу боюнча ыйгарым укуктуу өкүлү Балбак Түлөбаев аймакта эпидемиологиялык кырдаал турукташып баратканын, коронавирус жуктуруп алгандардын саны азайып жатканын билдирди
    © Пресс-служба президента КР / Султан Досалиев
1 / 7
© Пресс-служба президента КР / Султан Досалиев
Көмүскө экономикадан мыйзамдаштырылган каражаттар дарыгерлердин эмгек акысын жогорулатууга багытталат
"Аталган оорукана 1986-жылы курулгандан тартып жугуштуу оорулар бөлүмүнүн имаратына капиталдык реконструкция жүргүзүлгөн эмес. Буга байланыштуу бүгүнкү күндө имараттын 15 орундуу бир канаты гана иштейт. Оңдолгондон кийин 100 орунга чейин кеңейтилет", — деп айтылат билдирүүдө.

Жээнбеков медицина кызматкерлери менен баарлашып, коронавирус инфекциясына каршы күрөшүүдөгү көйгөйлөр гана эмес, саламаттык сактоо тутумундагы көйгөйлөрдү дагы кеңири талкуулады. Чолпон-Ата шаарындагы Ысык-Көл райондук аймактык ооруканасынын реанимация бөлүмүнүн башчысы Сарбагыш Иманалиевдин каза болгондугуна байланыштуу көңүл айтты.

Боронов россиялык дарыгерлер менен сүйлөштү. Алар өкмөткө кандай сунуш айтты

Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
© Пресс-служба президента КР / Султан Досалиев
Чолпон-Ата шаарындагы Ысык-Көл райондук аймактык ооруканасынын жугуштуу оорулар бөлүмүн капиталдык реконструкциялоонун жүрүшү

Медиктер өлкө жетекчилигинин ооруканаларды куруу боюнча демилгесин колдоого алып, ошол эле маалда кадрлардын жетишсиздигин, жаңы кызматкерлерди материалдык жана моралдык жактан колдобой туруп аларды саламаттык сактоо тутумунда кармап калуу мүмкүн эместигин баса белгилешти.

Президент Кыргызской Республики Сооронбай Жээнбеков сегодня, 4 августа, осмотрел ход капитальной реконструкции инфекционного отделения Иссык-Кульской территориальной районной больницы, расположенной в г. Чолпон-Ата.
© Пресс-служба президента КР / Султан Досалиев
Чолпон-Ата шаарындагы Ысык-Көл райондук аймактык ооруканасы медицина кызматкерлери

Мамлекет башчы дарыгерлердин пикирине кошулуп, коронавирус инфекциясы көп жылдан берки начар башкаруунун жыйынтыгын, бардык көйгөйлүү жерлерин ачыкка чыгарганын кошумчалады.

Министрлик: Ысык-Көлгө эл агылган сайын вирус күч алууда

Жээнбеков өлкөнүн бардык тармактарын жапырт санариптештирүү көмүскө экономикадагы каражаттарды мыйзамдаштырууга өбөлгө болорун айтты.

"Бул каражаттар биринчи кезекте медицина кызматкерлеринин, мугалимдердин эмгек акыларын көтөрүүгө багытталат. Өткөн жылы айлык акылар көтөрүлдү, бирок түшүнүп турам, бул аз. 5 миң сом алган дарыгерлерден эмнени талап кыла алабыз? Бул көйгөй ар дайым менин оюмда", — деди президент.

Өкмөттүн Ысык-Көл облусу боюнча ыйгарым укуктуу өкүлү Балбак Түлөбаев аймакта эпидемиологиялык кырдаал турукташып баратканын, коронавирус жуктуруп алгандардын саны азайып жатканын билдирди.

Анын айтымында, медициналык аппараттар менен дары-дармектер жетиштүү.

82
Белгилер:
айлык-акы, оорукана, дарыгер, медицина, Сооронбай Жээнбеков, Ысык-Көл
Тема:
Коронавируска байланыштуу Кыргызстандагы кырдаал
Тема боюнча
Көлдө көбүрөөк. Өткөн суткада 25 медиктен COVID табылды
Медициналык кызматкерлер. Архив

Медиктерге июль айында 396 млн сом компенсация бөлүнгөн. Облус боюнча тизме

29
(жаңыланган 16:17 04.08.2020)
Өткөн айда ак халатчандарга компенсация катары бөлүнгөн каражаттын көп бөлүгүн Бишкек менен Ош облусунун кызматкерлери алышкан.

БИШКЕК, 4-авг. — Sputnik. Милдеттүү медициналык камсыздандыруу фонду июль айында коронавируска каршы турган медиктерге компенсация катары 396 миллион 060 миң сом бөлгөн. Бул тууралуу Республикалык штаб кабарлады.

Компенсация облустар боюнча төмөнкүдөй бөлүштүрүлгөн:

  • Бишкектеги 3 469 медкызматкерге 103 миллион 5835 сом; 
  • Таластагы 11 саламаттык сактоо мекемесинин 889 кызматкерине 15 миллион 274  сом;
  • Ош шаары менен Ош облусундагы 31 медикке 72 миллион 451 миң  881 сом;
  • Нарындагы 12 саламаттык сактоо мекемесинин кызматкерлерине 20 миллион сом;
  • Ысык-Көлдө 28 саламаттык сактоо мекемесинин кызматкерлерине 36 миллион 505 миң 397 сом;
  • Баткендеги 16 саламаттык сактоо мекемесинин кызматкерлерине 15 миллион 496 миң сом; 

Нарында медиктердин акысы толук берилбей калдыбы? Штабдын жообу

  • Чүй облусундагы 24 саламаттык сактоо мекемесинин кызматкерлерине 38 миллион 915 миң 700 сом; 
  • Жалал-Абад облусундагы 31 саламаттык сактоо мекемесинин кызматкерлерине 36 миллион 080 миң сом;

Төлөмдөрдү берүү дагы улантылып жатканы айтылды.

29
Белгилер:
медик, компенсация, төлөм, фонд, милдеттүү медициналык камсыздандыруу, штаб
Тема:
Коронавируска байланыштуу Кыргызстандагы кырдаал
Тема боюнча
Боронов россиялык дарыгерлер менен сүйлөштү. Алар өкмөткө кандай сунуш айтты
Ош облусунда уурулукка шектелип кармалган жараныдн үйүнөн табылган алтын буюмдар

1,5 млн. сомдук сөйкөлөр. Оштогу шектүүнүн жер төлөсүнөн уурдалган алтындар табылды

0
(жаңыланган 17:10 04.08.2020)
Учурда кармалган шектүүнүн мындан башка да кылмыш иштерине тиешеси бар же жоктугун милиция иликтеп жатат.

ОШ, 4-авг. – Sputnik. Ош облусунун аймагында алтын буюмдарды уурдоого шектүү киши кармалып, үйүнүн жер төлөсүнөн 1.5 миллион сомдук сөйкө, шакек, чынжырчалар – зер буюмдар табылды. Бул тууралуу Ош облустук ички иштер башкармалыгынын маалымат кызматынын өкүлү Багида Кармышакова билдирди.

  • Краденные золотые изделия с примерной стоимостью в 1,5 миллиона сомов
    Ош облусунун аймагында алтын буюмдарды уурдоого шектүү киши кармалып, үйүнүн жер төлөсүнөн 1.5 миллион сомдук сөйкө, шакек, чынжырчалар – зер буюмдар табылды
    © Фото / пресс-служба УВД Ошской области
  • Краденные золотые изделия с примерной стоимостью в 1,5 миллиона сомов
    Азыркы учурда далил катары алынган алтын буюмдардын наркы такталып, сотко чейинки өндүрүш иши уланууда.
    © Фото / пресс-служба УВД Ошской области
1 / 2
© Фото / пресс-служба УВД Ошской области
Ош облусунун аймагында алтын буюмдарды уурдоого шектүү киши кармалып, үйүнүн жер төлөсүнөн 1.5 миллион сомдук сөйкө, шакек, чынжырчалар – зер буюмдар табылды

Маалыматка ылайык, 2020-жылдын 17-июлунда Ноокат РИИБге Ош шаарынын 29 жаштагы тургуну арыз менен кайрылган. Ал Ноокат шаарында жайгашкан зер буюмдар дүкөнүнө белгисиз адамдар мыйзамсыз кирип, 150 000 сом акчасын жана алтындарын уурдап кеткенин билдирген.

Кудум кинодогудай! 20 секундада дүкөндөгү банкоматты уурдап кеткен видео

Жабырлануучунун арызы боюнча Жазык кодексинин 200-беренесинде (Уурдоо) каралган кылмыштын белгилери боюнча сотко чейинки өндүрүш иши башталган.

Ыкчам иликтөө иштеринин жыйынтыгында шектүү катары Кара-Суу районунун Шарк айыл аймагынын 53 жаштагы тургуну, мурда соттолгон М.А. аттуу киши кармалган. Ал райондук милициянын убактылуу кармоочу жайына киргизилди.

31-июль күнү М.А.нын Шарк айыл аймагындагы турак үйүнө тинтүү жүргүзүү учурунда короосундагы жыйналып турган кыштардын арасынан Кыргызстандын сегиз жаранынын паспорту, эки даана айдоочулук күбөлүк, жети даана банк карты табылган. Ал эми үйүнүн жер төлөсүндөгү көмүлгөн банкадан болжол менен 1 млн. 500 миӊ сомдук алтын буюмдар табылып, алынган.

Мирбек Атабековдун апасынын үйүн тоноду деген киши кармалды

Азыркы учурда далил катары алынган алтын буюмдардын наркы такталып, сотко чейинки өндүрүш иши уланууда.

Шектүүнүн мындан башка да кылмыш иштерине катыштыгы бар же жоктугу текшерилип жатат.

0
Белгилер:
уурулук, милиция, жер төлө, буюм, алтын, Ноокат
Тема боюнча
Телевизор уурдагандардын кылыгы соцтармакты күлкүгө салды. Видео
Жалал-Абадда 37 тонна мунай уурдоого шектелген эки киши үй камагына чыгарылды