Тиш доктур жумуш учурунда. Архив

Жаагыңды тешип салам! Тиш доктурдун жинин кашайткан 5 учур

1943
(жаңыланган 11:14 19.06.2017)
"Кыргызстандыктардын жинин келтирген нерсе" рубрикасы өлкөдөгү тейлөөнүн сапатын жакшыртууга багытталган.

Бишкектеги бейтапканалардын биринде иштеген стоматолог тиш доктурга келген бейтап өзүн кандай алып жүрүшү керектигин, башкача айтканда, кандай болбошу керектигин тизмектеп берди.

Ит жандуу. Бейтаптардын эч кимисин таарынткым келбейт, бирок жан чыдагыс ооруга "дың" дебей отуруп бергендерге жиним келет. Ооруну сездирбей турган каражаттар арбын турса, отурасыз, көзүңүздөн жаш кылгыртып. Жаныңыздын канчалык кыйналып жатканын мен кайдан билмек элем. Андыктан отура бербей, дары сураңыз. Эгер катуу ооруганда кыймылдап кетсеңиз, жаагыңызды тешип салышым толук мүмкүн.

Коркоктор. Бул адамдар адатта 40тын ары жак-бери жагында, жакшы кызматта иштеген кишилер, бирок стоматологдон корккону корккон. Мындан улам тиш доктурга бара турган күндү улам жылдыра берип, таптакыр болбой калганда мойнунан байлаган иттей болуп араң келет. Келгенин келип алып, оозун ачпай убара кылат. Ой, процедуранын баарын ооруну сездирбөөчү дары сайып туруп жасайбыз, кандай адамсыз деги?..

Кокочолор. Тишиң ооруп, жаның көзүңө көрүнүп жатканда ким эле тиш пастасын ойлосун, ошентсе да кээ бир бейтаптар менен иштеп атып "бул бечара гигиена тууралуу укту болду бекен?" деп ойлоп кетесиң. Дарыгер деле адам да, сиздин тишиңизди дарылап жатып кусуп ийсе жакшы болобу? Баса, стоматологго келээрде тамекини деле жөн эле коюңузчу…

Эсепчилер. "Канча?! Тишимди оңдотуп коюп, анан жел соромбу!". Мындай сөз жумасына бир нече жолу жаңырат. Кыргызстанда стоматологиялык кызматтын баасы анчалык деле кымбат эмес, албетте, анда-санда келгендер үчүн. Жөнөкөй мисал: Ош базарынан 300 сомго сатып алынган бут кийимдин көп узабай турганын балакеттей эле билесиз да, шумдук дегенде бир жумага чыдайт. Тиш деле ошондой.

Стоматологдор. Күлбөңүз, дантисттерди жаман көрөм, анткени кесипкөй тиш доктур табуу мен үчүн чоң көйгөй. Өзүмө өзүм пломба кое албайм да. Андан да башка дарыгердин кемчилиги тимеле көзгө сайгандай көрүнө бергенин кантесиң.

1943
Белгилер:
стоматолог, жумуш, кесип, Кыргызстан
Тема боюнча
Кыргызстанда кайсы кесипке суроо-талап күч? Рейтинг
Петербург: дарыгер ага кайрылган аялдын 22 соо тишин жулуп салды
Стриптиз бийлеп бер дешет! Бийчинин жанын кашайткан нерселер
Тоодогу жамгыр. Архивдик сүрөт

Жекшембиге карата аба ырайы

26
Синоптиктер жекшемби күнү Кыргызстанда күн 33 градуска чейин ысый турганын маалымдашты.  Ал эми Чүйдө абанын өзгөрүп турары айтылды.

БИШКЕК, 6-июн. — Sputnik. Жекшемби күнү, 7-июнда, күндүз Чүй облусунун тоолуу райондорунда жамгыр жаап, күн күркүрөшү, бийик тоолуу райондордо кар түшүшү күтүлөт. Бул тууралуу Кыргызгидромет маалымдады.

Абанын температурасы Чүй, Талас аймактарында +23...+28, Ош, Жалал-Абад, Баткен облустарында +28...+33, Ысык-Көлдө +19...+24, ал эми Нарын жергесинде +18...+23 градус болот. 

Күндүн табы борборубуз Бишкекте +26...+28, Ошто +30...+32 градус болору айтылды. 

26
Белгилер:
Кыргызстан, аба ырайы
Тема боюнча
Беш күн катары менен жамгыр жаайт. ӨКМ шашылыш билдирүү таратты
Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.

60 жыл электр жарыгы жетпеген айылга электр мамылары коюлууда

83
(жаңыланган 20:59 06.06.2020)
Жазыкечүүлүктөрдүн сентябрдын башында башка кыргызстандыктар сыяктуу эле электр энергиясын кадимкидей пайдаланып калышары айтылды.

БИШКЕК, 6-июн. — Sputnik. Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду. Бул тууралуу "Жалал-Абад электр" ишканасынын маалымат кызматы билдирди.

1960-жылы уюштурулган Жазы-Кечүү айылында жергиликтүү жашоочулар электр жарыгы жок жашап келген.

  • Проводка электричества в селе Жазы-Кечуу Базар-Коргонского района
    Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.
    © Фото / Зульфия Тургунова
  • Проводка электричества в селе Жазы-Кечуу Базар-Коргонского района
    1960-жылы уюштурулган Жазы-Кечүү айылында жергиликтүү жашоочулар электр жарыгы жок жашап келген.
    © Фото / Зульфия Тургунова
1 / 2
© Фото / Зульфия Тургунова
Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.
"Жалал-Абад электр" ишканасы Сузак районунун Кыз-Көл айылы тараптан Жазы-Кечүү айылына 18 чакырым аралыктан аба чубалгыларын тартуу иштерин баштады. 25 миллион сомдук долбоор аталган мекеменин өз каражатынын эсебинен жүргүзүп жатат", —  деп айтылган маалыматта.

Аталган ишканадан электр мамычаларды орнотуу жана башка иштер август айынын соңунда аяктап, 1-сентябрда айылга жарык берилип каларын билдиришти.

Жазы-Кечүү айылы Базар-Коргон районунун борборунан 110 чакырым алыста жайгашкан. Айылда 140 түтүн, тагыраагы, 600дөй адам жашайт. 100 орундуу мектеп жана ФАП бар.

Кышында кар калың жаап, кыш алты айга созулат. Эң алыскы тоолуу аймакта жайгашкан Жазы-Кечүү айылында 1960-жылдардан бери электр жарыгы жок.

83
Белгилер:
электр жарыгы, Базар-Коргон, Кыргызстан
Тема боюнча
Кар жаткан ашууда электриктер үч күн иштеп, бузулган линияны оңдоду. Сүрөт
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

0
(жаңыланган 23:29 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстандын президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап жатат, сактануу талаптары күчөтүлгөн", — деген Уали.

Ал жалпы казакстандыктарды сактануунун жана карантиндин талаптарын сактоого чакырды.

0
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты