Ананьеводогу газ баллондун жарылышынан каза болгондор ата-бала болуп чыкты

Жазылуу
Кырсыктан сегиз адам жаракат алып, жетөө ооруканага жаткырылган.

БИШКЕК, 20-июн. — Sputnik. Ысык-Көлдүн Ананьево айылындагы газ баллондун жарылышынан каза болгондор атасы менен баласы экенин ӨКМ билдирди.

Эске сала кетсек, кечээ күнү саат 17:22 чамасында 101 кызматына Ананьево айылынын Совет көчөсүндө жайгашкан газ толтуруучу жайдын күйүп жатканы тууралуу маалымат түшкөн. Өрт саат 18:31де чектөөгө алынып, 21:15те толук өчүрүлгөн.

Кырсыктан сегиз адам ар кандай күйүк жаракаттарды алып, жетөө Чолпон-Ата шаардык ооруканага жактырылган. Ал эми бир адамга жеринен жардам көрсөтүлүп үйүнө жөнөтүлгөн.

"Жаракат алгандарын экөөнүн денесинин 45 пайызы, калган бешөөнүн 60-90 пайызы күйгөн", — деп жазылат маалыматта.

Пожар в центре скалолазания RockTown в Санкт-Петербурге - Sputnik Кыргызстан
Түндө Бишкекте көп кабаттуу үйдөгү батирден өрт чыгып толугу менен күйүп кетти
Мындан сырткары 52 жаштагы киши менен 10 жаштагы баласы экөө каза болгон.

Өрттүн кесепетинен 30 тонналык жана 10 тонналык бочкаларда жаракалар пайда болуп, ал жерден газ чыккан. Өрттүн жайылышынын алдын алуу максатында жеринде өздүк курамдан нөөмөт уюштурулган.

Кырсыктан 30 тонна цистернасы менен ДАФ унаасы, РЕНО унаасынын бир бөлүгү, ГАЗ-53 цистернасы менен оор жүк ташуучу унаа, Газель унаасы цистернасы менен, бир женил унаа күйгөн.

Жаңылыктар түрмөгү
0