Кыргызстандын президенти Алмазбек Атамбаевдин архивдик сүрөтү

Атамбаев туңгуч альбомун Россиядан чыгарып, сатыкка койду

479
(жаңыланган 14:59 22.06.2017)
Альбомдо мамлекет башчынын орус тилиндеги 10 чыгармасы кирген

БИШКЕК, 22-июн. — Sputnik. Кыргызстандын президенти Алмазбек Атамбаевдин "Судьбе назло" аталышындагы музыкалык альбому расмий түрдө сатыкка чыкты. Бул туурасында кабар россиялык "Мелодия" фирмасынын сайтына жарыяланды.

Дискте Атамбаевдин орус тилиндеги 10 чыгармасы камтылган. Альбомдун аталышы алгачкы чыккан ырынын атынан "Судьбе назло" деп коюлган. Ырлар жыйнагынын баасы 300 рубль.

24.kg агенттиги Атамбаев туңгуч альбому чыккандыгын өзү Москвада мекендештери менен жолукканда айтканын жазган.

Өлкө башчынын чыгармалары Кыргызстанда эле эмес, Россияда дагы кызуу талкууга алынган. "Россия 24" телеканалынын жаңылыктар берүүсүндө да эфирге чыгып талкуу жараткан.

Кыргызстандын президенти өткөн жылы кыргыз тилинде дагы "Кыргызстаным" жана 21-майда энелер күнүнө карата "Энекем" атуу ырларын чыгарган.

479
Белгилер:
альбом, ырдоо, Алмазбек Атамбаев
Тема боюнча
Алмазбек Атамбаев энелер күнүнө карата "Энекем" ырын ырдады
Президент Атамбаев кезектеги ырын кыргыз тилинде аткарды
Бал. Архивдик сүрөт

Ченемин билгиле. Диетолог балдын зыян жактарын айтып берди

14
(жаңыланган 08:31 15.08.2020)
Биохимиялык индекс боюнча, бал кумшекерге тете болгондуктан айрым оорулууларга такыр жегенге болбойт. Кээ бирлери чеги менен колдонушу шарт.

БИШКЕК, 15-авг. — Sputnik. Балды ченемден тыш колдонуу бир катар көйгөйгө алып келерин "Известия" дарыгер-диетолог, эксперт Дарья Русаковага шилтеме берип жазды. 

Адистин айтымында, кант диабети менен жабыркаган адамдар балдан таптакыр баш тартканы оң. Анткени таттуу азык кандагы глюкозаны көтөрөт. Ошондой эле балда углевод көп болгондуктан ден соолугу чың адамдар дагы ченеп жеши керек.

"Бир күндө 1-2 кашык колдонсо болот. Бирок күндүз жегенге аракет кылгыла, углеводдорду коротконго жардам берет. Биохимиялык индекс боюнча, бал кумшекерге тете болуп калат. Ошондуктан балды көп жеген ашыкча салмакка алып келет", — деген диетолог.

Уйку канат. Дарыгер кумшекерден баш тартуунун пайдасын айтты

Ал кошумчалагандай, балды дайыма колдонгудай анда пайдалуу делген микроэлементтер, витаминдер жана заттар аз.

Ошондой эле тамак-аш адиси балдын жаңысын дүкөндөрдөн алууну сунуштаган. Себеби колдон-колго өтүп сатылгандар анын каякта чогултулуп сакталганына жана алып келингенине жооптуу эмес.

14
Белгилер:
салмак, бал, азык, диетолог
Тема боюнча
Дарыгер салмак коштурчу суусундуктарды тизмектеп берди
Жайлоодо мал кайтарып жүргөн киши. Архивдик сүрөт

Ишембиге карата аба ырайы

77
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

77
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды