Залкар хирург, эмгек сиңирген дарыгер, Кыргыз Эл баатыры Эрнст Акрамовдун архивдик сүрөтү

Алтын колдуу Эрнст Акрамов 81 жашта! Дарыгер тууралуу 7 чындык

1695
(жаңыланган 15:46 24.06.2017)
Залкар хирург, эмгек сиңирген дарыгер, медицина илимдеринин доктору, профессор, СССРдин Эл депутаты жана Жогорку Кеңештин 4-чакырылышынын депутаты, Кыргыз Эл баатыры Эрнст Акрамов 81 жашта.

Чыгаан дарыгер тууралуу журналист Гүлдана Талантбекова 7 фактыны сунуштайт.

Орто Азия элинин канынан жаралган инсан

Бул инсан 1936-жылы 24-июнда Фрунзе шаарында төрөлгөн. Акрамовдо Орто Азия элдеринин каны чогулган. Атасында өзбек, тажиктин каны болсо, апасында өзбек, кыргыздын каны бар. Ата-энеси карапайым адамдар болгон. Үч бир туугандын экинчиси, эжеси жана иниси бар. Кыргыз, өзбек, орус, уйгур, англис тилдерин билет.

Выдающий хирург, герой Кыргызстана Эрнст Акрамов на работе
© Фото / Александр Федоров
Эрнст Акрамов республикананын спорттук гимнастика боюнча бир нече жолку чемпиону. Кыргыз ССРдин гимнастика боюнча курама командасында мүчө болгон

Билими, эмгек жолу

— Фрунзедеги №10 орто мектебин аяктаган. Алгач жөн гана медициналык институтка тапшырып, 6-курста хирургия адистигин тандап кеткен. 1960-жылы Кыргыз мамлекеттик медициналык академиясын аяктаган. Эмгек жолун №2 шаардык клиникалык бейтапканада дарыгер-хирург болуп эмгектенген.

— 1964-1967-жылдары ошол эле институттун операциялык хирургия кафедрасынын аспиранты катары иштеген.

— 1967-1971-жылдары Республикалык клиникалык бейтапкананын хирургия бөлүмүндө ордитатор болуп эмгектенген.

— 1971-1975-жылдары №2 шаардык бейтапкананын хирургиялык бөлүмүнүн башчылыгын аркалаган.

— 1975-1980-жылдары Кыргыз медициналык институтунун госпиталдык хирургия кафедрасынын ассистенти, доценти.

— 1981-1992-жылдары Республикалык клиникалык бейтапкананын жалпы хирургия бөлүмүн жетектеген.

— 1992-жылдан тарта Чүй облустук бейтапкананын жалпы хирургия бөлүмүнүн башчысы болгон.

Спортчу дарыгер

— Республикананын спорттук гимнастика боюнча бир нече жолку чемпиону. Кыргыз ССРдин гимнастика боюнча курама командасында мүчө болгон. 34 жашында чоң спорттон кеткен.

Выдающий хирург, герой Кыргызстана Эрнст Акрамов с альпинистом и оператором В. Александровым
© Фото / Александр Федоров
Акрамов 1989-1992-жылдары СССРдин Эл депутаты болгон

Саясий жана коомдук ишмердүүлүгү

— 1989-1992-жылдары СССРдин Эл депутаты.

— 1998-жылы тарапташтары менен "Менин өлкөм" партиясын түзгөн. 2000-жылы парламенттик шайлоодо партиясы утуп чыккан, бирок тарапташтарынын пайдасы үчүн дарыгер-хирург мандаттан баш тарткан.

— 2007-жылы 15-октябрда "Ак жол" партиясынын мүчөсү катары Жогорку Кеңештин IV чакырылыштагы депутаты болуп шайланган. Анткени менен дарыгерлик ишин унутта калтырган эмес.

"Акрамовдун кечтери" аталыштагы маданий-кайрымдуулук долбоордун автору. Бул концерттер бишкектиктер жана шаардын коноктору үчүн руханий азык тартуулап келет.

Выдающий хирург, герой Кыргызстана Эрнст Акрамов во время интервью
© Фото / Александр Федоров
Дарыгер 350дөн ашык илимий иштин, 16 монографиянын, 23 ойлоп табуунунун автору. Медицина илимдеринин 20га чукул докторлору менен кандидаттарын даярдаган

Илимий ишмердүүлүгү

— 1967-жылы кандидаттык диссертациясын жактаган. 350дөн ашык илимий иштин, 16 монографиянын, 23 ойлоп табуунунун автору. Дүйнөдө чанда кездешкен уникалдуу операцияларды жасаган. Медицина илимдеринин 20га чукул докторлору менен кандидаттарын даярдаган. Эл аралык деңгээлдеги конференция жана симпозиумдардын уюштуруучусу, катышуучусу.

Мен бирөөнүн кызын бир гана сүйүү менен бактылуу кыла албайм!

—Жеке жашоосу тууралуу айта бербейт. Анткени бир дагы жолу үйлөнгөн эмес, балдары да жок. Ал бул тууралуу "Үй-бүлө куруу үчүн бир гана сүйүү жетишсиз. Ар бир ата-эне кызын жетиштүү турмушту өмүр сүрүшүн каалайт. Мен бирөөнүн кызына ошол нерсени тартуулай аламбы? Жок! Мамлекеттин мага берген биртке тыйыны менен бул нерсе мүмкүн эмес", — деп айтканы бар.

Журналисттердин "сиз жашооңузда кимдир бирөөнү сүйдүңүз беле?" деген суроосуна, "Сүйүүнүн жаш курагы болбойт. Мен көп жана ар кандай айымдарды кезиктирдим. Бирок, чындап бир айымды сүйдүм, дагы деле сүйөм. Өкүнүчтүүсү, азыр ал бул дүйнөдө жок", — деп жооп берген.

Мен үчүн күн батып, түн кирип баратат…

— Учурда мен кыялдана турчу нерсе деле жок. Жашоо күн менен түндүн аралыгы сыяктуу. Менин курагымда күн батып, түн кирип баратат. Мени азыр жумушумдан башка эч нерсе кызыктырбайт, ырахат тартуулаган да ошол. Эс алуу, эмгек өргүүсү дегендерди билбейм. Мен өмүрүмдө Ысык-Көлдө эки гана жолу болгом. 15 жылдан бери бейтапканада жашап, иштейм.

1695
Белгилер:
Эрнст Акрамов, медицина, дарыгер, факты, өмүр
Тема:
Кыргыздын көркөм өнөрү, белгилүү инсандары жөнүндө фактылар (408)
Тема боюнча
Белгилүү хирург Эрнст Акрамов жүрөгү кармап ооруканага жаткырылды
Хирург Акрамовго арналган тасмага эми франциялыктар да күбө болот
Президент Садыр Жапаров. Архивдик сүрөт

Жапаров Тажикстандан түз эле Ошко келди

38
(жаңыланган 18:47 17.09.2021)
Мамлекет жетекчисинин коңшу өлкөгө сапары эки күнгө созулду. Анда ЖККУ жана ШКУ саммити өттү.

БИШКЕК, 17-сен. — Sputnik. Тажикстанга барган президент Садыр Жапаровдун сапары жыйынтыкталып, Ош шаарына келгенин өлкө башчынын маалымат кызматы кабарлады.

Эскерте кетсек, мамлекет жетекчиси Душанбе шаарында 16-17-сентябрь күндөрү өткөн Жамааттык коопсуздук келишими уюмунун (ЖККУ) жамааттык коопсуздук кеңешинин сессиясына жана Шанхай кызматташтык уюмунун (ШКУ) мамлекет башчыларынын кеңешинин отурумуна катышты. Жыйын жыйынтыктары менен декларациялар кабыл алынып, бир катар документтерге кол коюлган.

"Иш сапары аяктаган соң президент Садыр Жапаров бүгүн, 17-сентябрда, "Өзгөн-Мунара-2021" этно-фольклордук фестивалына катышуу үчүн Ош шаарына келди", — деп айтылат маалыматта.

Өзгөн шаарында өтө турган иш-чара саат 20.25те башталмакчы.

38
Белгилер:
Садыр Жапаров, Тажикстан, Ош, иш сапар, фестиваль
Тема боюнча
Жапаров эмненин негизинде Калиев менен Авазовго ырайым берди? Расмий жооп
Жапаров ШКУ саммитине катышуу үчүн "Кохи Навруз" комплексине келди
Улуттук энергохолдингдин экс-жетекчиси Айбек Калиев. Архивдик сүрөт

Жапаров эмненин негизинде Калиев менен Авазовго ырайым берди? Расмий жооп