БИШКЕК, 25-июн. — Sputnik. Ысык-Көл облусундагы Ананьево айылында демилгелүү жаштар акча чогултуп, колунда жокторго азык-түлүк алып берген. Бул тууралуу муфтияттан билдиришти.
Маалыматта чогултулган 33 миң сомго азык-түлүк алынып, муктаж болгон 31 үй-бүлөгө таратылганы айтылат.
"Орозо айынын урматына аз камсыз болгон жана жашоо шарты оор бүлөлөргө демөөрчүлөр тарабынан жардамдар көрсөтүлдү. Айыл жаштары турмуш шарты оор инсандарга өздөрү демилге көтөрүшүп жардам беришкени кубандырат", — деген айылдын имамы Максат Сейталиев.
Ал мындай иш-чаралар дагы да улантылаарын кошумчалаган.
