Ильяз Талант уулу экологияны коргоо багытында долбоор даярдап барып алтын медалга ээ болгон

АКШдан "Гений" болуп кайткан окуучуларды мекенинде өзгөчө шаң менен тосуп алышты

863
(жаңыланган 20:42 25.06.2017)
АКШнын Нью-Йорк штатында өткөн "Генийлер" олимпиадасынан Кыргызстандын "Сапат" билим берүү мекемесинин окуучулары 16 медаль уткан.

БИШКЕК, 25-июн. — Sputnik. Эл аралык "Генийлер" олимпиадасынан беш медаль уткан "Сейтек" толук эмес жалпы билим берүү мектебинин окуучулары бүгүн мекенине кайтып келишти. Аларды ата-энелери жана мектеп жамааты сый-урмат менен тосуп алышты.

Призеры олимпиады Гение в Нью-Йорке
© Фото / Жанболот Жанболот
Эл аралык "Генийлер" олимпиадасынан беш медаль уткан "Сейтек" толук эмес жалпы билим берүү мектебинин окуучулары бүгүн мекенине кайтып келишти

Белгилей кетсек, 12-17-июнь күндөрү АКШнын Нью-Йорк штатында өткөн "Генийлер" олимпиадасынан Кыргызстандын "Сапат" билим берүү мекемесинин окуучулары ("Айчүрөк", "Сейтек", Чыңгыз Айтматов атындагы лицей ж.б.) 71 өлкөдөн жана Америка мамлекетинин 39 штатынан келген 1100 окуучу менен 5 категория боюнча ат салышып, 5 алтын, 6 күмүш, 5 коло жана 17 кызыктыруучу сыйлыктарга ээ болушкан.

Алардын бири Ильяз Талант уулу экологияны коргоо багытында долбоор даярдап барып алтын медалга ээ болгон.

"Ал жакка жеңем деген максат менен барып, бирок сахнага чыгууга аз калганда катуу толкунданып апама чалдым. Ал мага кеңешин айтып дем-күч бергенден кийин ийгиликтүү жактадым. Кийин сыйлык тапшыруу учурунда үчүнчү, экинчи орундарды айтып жатышты. Менин атым чыкпагандыктан өтпөй калдым окшойт деп коркуп кеттим. Анан эле биринчи орун деп чакырып калышты. Сынактан кийин ар кайсы шаарларга экскурцияга чыктык. Кения, Австралия, Чили жана белоруссиялык балдар менен достоштум. Жеңишиме себепчи болгон мугалимдерим Гүлзира Миңбаевага, Жумагүл Токуровага, директорубузга жана апама чоң ыраазычылык билдирем", — деп олимпиада чемпиону кубанычы менен бөлүштү.

Апасы Инаят Жээналиева Ильяз келечекте шаар тазалыгына кам көргөн мэр болууга максат койгонун айтат. Анткени быйылкы жаңы-жылда "Ала-Тоо" аянтында чар-жайыт ыргытылган таштандыларды көрүп маанайы чөгүп кайткан экен.

Победитель олимпиады Гение в Нью-Йорке Ильяз Талант уулу
© Sputnik / Эламан Карымшаков
Ильяз Талант уулу экологияны коргоо багытында долбоор даярдап барып алтын медалга ээ болгон

Эл аралык "Генийлер" олимпиадасына дүйнөдөгү 12ден 18 жашка чейинки окуучулар учурдун глобалдуу көйгөйлөрүн чечүү жолдорун көрсөткөн долбоорлорду даярдап барып күч сынашат.

Олимпиаданын расмий сайтында 2017-жылдагы фактылар жарыяланган. Анда Кыргызстан эң көп долбоор менен катышып жаткан өлкө катары сап башында турганын көрүүгө болот. Сынакка жиберилген долбоорлордун саны 1187ни түзсө, анын 81ин кыргызстандык окуучулар алып барган. Бишкектеги "Айчүрөк" кыздар лицейи 32 долбоор менен катышып алдыңкы сапка чыккан. Андан кийин 26 долбоор менен АКШ, 25 долбоор менен Танзаниянын мектеби турат.

863
Белгилер:
олимпиада, окуучулар, лицей
Тема боюнча
Кыргыз окуучулары АКШда дүйнөлүк "Генийлер" менен таймашып беш медаль утту
Жаш комузчулар Сочидеги эл аралык сынакта баш байгени багындырды
Шире. Архив

Адамды өлүмгө кептеген эртең мененки терс адаттар

33
(жаңыланган 12:45 03.08.2021)
Тамактануу жаатындагы адистер ден соолукка зыян келтирип албаш үчүн эртең менен кайсы тамактардан баш тартуу керектигин санап берди.

БИШКЕК, 3-авг. – Sputnik. Эртең мененки тамактанууга байланыштуу кайсы адаттар адамдын ден соолугуна чоң залака келтирерин адистердин пикирине таянып "Московский комсомолец" басылмасы жазды.

Таңкы азыктардан баш тартуу

Эртең мененки тамак — саламаттык үчүн өтө маанилүү процесс. Күн бою адам кандай маанайды жүрөрү дал ушул тамактанууга байланыштуу болот. Ошондой эле эртең менен наар албаган адамдарда ашыкча салмак пайда болушу толук ыктымал.

Анткени эртең менен тамактанган организм калорийлерди бат сарптайт, глюкозанын деңгээли төмөнүрөөк болот. Ошондой эле күндүн алгачкы азыктарынан баш тарткан кишилерде жүрөк-кан тамыр оорулары пайда болушу мүмкүн.

Колбаса

Колбасаны көпчүлүк диетологдор зыяндуу тамак деп эсептейт. Эртең менен гана эмес, башка учурларда деле күнүнө 25 граммдан ашык колбаса жеген адамда жоон ичеги рагына кабылуу тобокелдиги жогорулай турганы айтылат.

Тамакка чейинки кофе

Британиялык окумуштуулардын айтымында, тура калып кофе ичүү кандагы глюкозаны көбөйтүп жиберет. Андыктан ач карын кофе ичүү сунушталбайт.

Шире

Жер-жемиштин жаңы же кант кошулган ширесин таң атпай ичүү кант диабетинин пайда болуу тобокелдигин 16 пайызга жогорулатат. Андыктан эртең менен клетчаткага бай жемиштердин өзүн жегенден өтөрү жок.

33
Белгилер:
тамак-аш, ден соолук, азык-түлүк, зыян, пайда
Тема боюнча
Дарыгер бөйрөктөгү ташты пайда кылчу азыктарды атады
Бүгүн борбор калаанын Ала-Тоо аянтында Олимпиаданын байгелүү орундарына ат салышып жаткан балбандардын күрөшү түз эфирде көрсөтүлөт

Айсулуу менен Акжолдун күрөшү "Ала-Тоо" аянтында чоң экрандан көрсөтүлөт