БИШКЕК, 28-июн. — Sputnik. Борбор калаада бүгүндөн тарта туруксуз аба ырайы күтүлөт. Жамгыр жаап, чагылган чартылдап, шамалдын ылдамдыгы секундасына 20 метрге чейин жете турганын Бишкек мэриясы Кыргызгидрометке таянуу менен билдирди.
Буга байланыштуу мэрия табигый кырсыктардын алдын алуу жана жеке мүлктөрдүн зыянга учуроосунун алдын алып, автоунааларды бак-дарактардын алдына койбоого чакырат.
Ушу тапта "Зеленстрой" ишканасы катуу шамалдын кесепетин жоюу иштерин жүргүзүүдө. Бул боюнча 100 арыз түшүп, 88 дарак кыйылып, 6 жеңил унаа, бир жүк ташыган бус зыян тарткан.
Мындан 8 адам жаракат алып, жалпы 53 дарак кулаган. Ошондой эле электр зымдары да үзүлгөн.
