БИШКЕК, 30-июн. — Sputnik. Чана тээп жаткан балдардын сүрөтүн керебетимдин жанына тартып койгонумда мен беш жаштарда элем. Ой ошондо апамдан тил укканымчы деп жазылган президенттин кызы Алия Шагиеванын Facebook тармагына жазылган кыргыз тилиндеги тунгуч постунда.
Бул сапар Шагиева чыгармачылык, сүрөттөр туурасында жазган.
"Кээде көгүш, а кез-кезде күңүрт көк мейкиндиктин чексиздигинде калган кайыкмын мен. Мени токой дарактарынан жасаган устанын табити да кызык эле. Аны белгилүү майрамдарга да сейрек чакырышчу. Кайсы бир сырдуу кездемеден ал мага айрым сүйүктүү калемдеримди жан дили менен сактаган чөнтөкчө тигип берген. Ал куралдарды мен ырахаттануу менен пайдаланам. Бирок балалык чакта калыптанып калган шарттуулуктарды кээде баштан чыгарып салуу оорго турат. Бактыга жараша, азыр асман ылдыйда, а жер өйдөдө болорун, сегиз манжа, а кулактан отуз экөө чыгарын билем", — деп жазылган постто.
Беш жашында бөлмөнүн дубалына сүрөт тартып салганын жылуу эскерет.
Айтмакчы, ал сүрөт боюнча мастер-класс өтөрүн жазыптыр.
"Бул борбордо йога боюнча сабактар болот, төрөткө даярдануу, психологдун кеңеши сыяктуу кызматтар көрсөтүлөт. Баса, ушул эле борбордо мен сүрөттөр боюнча мастер-класс өтүп тура алам. Ошондой эле вегетарианчылык жөнүндө да жолугушууларды уюштуруп, өзүмдүн байкоолорум жана тажрыйбаларым менен бөлүшө алам. Кыялдар орундалат! Башкысы – аларды туура калыпка салуу кажет", — деп аяктаган Шагиева ойлорун.
Бул сапар аны посттору кыргызча, англисче жана орусча жайгаштырылган.
Алияны кыргыз тилине Нурболот Азаматов "сүйлөткөнү" жазылып турат. Айтмакчы, Шагиева комментарийлердин арасында экинчи котормону да салып койгон.
Буга чейинки постунда Шагиева кыргыз тили тууралуу пикирин жазып, котормочу издеп жаткандыгын билдирген эле.
Президенттин кызы Алия Шагиеванын тууралуу 6 фактыны Sputnik Кыргызстан материалынан окуңуздар>>
