БИШКЕК, 2-июл. — Sputnik. Аскер кызматкерлери Кыргызстандын эң мыкты медайымын тандагандыгы тууралуу Гереналдык штабдын маалымат кызматынан билдиришти.
Медицина кызматкерлеринин кесиптик майрамына карата Коргонуу иштери боюнча мамлекеттик комитет "Мыкты медайым —2017" сынагын өткөрдү. Ага Чек ара кызматынын, Абадан коргонуу күчтөрүнүн, Жөө аскерлердин, Улуттук Гвардиянын жана Коргонуу комитетинин медайымдары катышты.
"Конкурсанттар саламдашуу, медициналык форма, медициналык билим, алгачкы жардам көрсөтүү жана үй тапшырмасы сынактарынан өтүштү", — деп айтылат билдирүүдө.
Биринчи орунду Гүлназ Мамасалиева (Жөө аскерлер) менен Ольга Чернышева (Коргонуу комитети) алды. Экинчини Гүлбара Аманова (Улуттук Гвардия), үчүнчүнү Динара Болотова (Чек ара кызматы) ээлешти.
Жеңүүчүлөргө ардак грамоталары, белектер жана "Тамга" санаторийине жолдомолор берилди.
