Помидор сатуу. Архивдик сүрөт

Жаңы бышкан жашылча-жемиштерди кайдан сатып алса болот. Карта

113
(жаңыланган 10:50 05.07.2017)
Соода жайлар Ленин районунун аймагында жайгашып, жергиликтүү аймактык башкармаларга бөлүнгөн.

БИШКЕК, 5-июл. — Sputnik. Борбор калаанын Ленин районунда жаңы бышкан жашылча-жемиштердин жарманкеси башталат. Бул тууралуу мэриянын маалымат кызматы кабарлады.

Андан жаңы бышкан жашылча-жемиштердин түрлөрүн арзан баада алса болот.

Шаардыктар жана калаа коноктору жаңы бышкан жашылча-жемиштерди төмөнкү даректерден ала алышат:

№1 жергиликтүү аймактык башкарма:

  • Дэн Сяопин проспектисинен Алыкулов, Абакан (түштүк тарабы) көчөлөрүнө чейин;
  • Алыкулов менен Астрахань көчөлөрүнүн кесилиши (кичи базар);
  • Дэн Сяопин проспектисинде жайгашкан "Боорукер" кичи базары (шлагбаум);
  • Кулиев көчөсүнөн Москва көчөсүнүн темир жол чийинине чейин;

№2 жергиликтүү аймактык башкарма:

  • Гагарин жана Некрасов көчөлөрүнүн кесилиши ("Жумушчу" кичи базарынын жанында);
  • Гагарин — Тимур Фрунзе (түндүк батыш тарабы);
  • Гагарин — Фергана (түндүк тарабы);
  • Гагарин — Репин (түндүк тарабы);
  • Айни — Муромск (түндүк тарабы);
  • Лев Толстой — Термечиков ("Пишпек" базарынын жанында);
  • Бакаев — Айни (түндүк тарабы);

№3 жергиликтүү аймактык башкарма;

  • Ашар — Өмүракунов (түндүк-чыгыш тарабы);
  • Ашар — Ахунбаев (түштүк-батыш тарабы);
  • Ай-Бике — Ала-Тоо (түндүк-батыш тарабы);
  • Тагай-Бий – Ак-Болпон (түштүк-чыгыш тарабы).

№4 жергиликтүү аймактык башкаруу. Көчөлөр:

  • Тыналиев — Жайыл Баатыр;
  • Тыналиев — Абдрахманов;
  • Шералиев — Жайыл Баатыр;
  • Чортеков — Жайыл Баатыр;
  • Чортеков — Күйүков;
  • Муромская — Чортеков;
  • Садырбаев — Миң-Куш.

№5 жергиликтүү аймактык башкаруу. Көчөлөр:

  • "Жал" кичи району 29 (Масалиев —Тыналиев, Масалиев —Курчатов, Ахунбаев — Безымянная);
  • Айни — Севастополь;
  • Бакаев — Айни;
  • Бакаев — Алтымышев;
  • Токтогул — Уметалиев;
  • Гагарин — Севастополь;
  • "Чоң-Арык" жергиликтүү аймактык башкаруу;
  • Садырбаев — Северный;
  • Кожобергенов — Северная (№ 200, 202-үйдүн жанында);

Мэрия кошумчалап кеткендей Ленин районунун аймагында жайгашкан бардык жарманкелер санитардык нормаларга жооп берип, сатуучулар соода ишмердүүлүгүн жүргүзүүгө тийиштүү уруксат алышкан. Ошондой эле сапаттуу продукцияларды сатышмакчы.

Бишкектин базарларындагы жана супермаркеттериндеги азык-түлүктүн баасы ар жума сайын чыккан "Канчадан" рубрикасынан окуңуздар>>

113
Белгилер:
жарманке, жашылча-жемиш, Бишкек
Тема боюнча
Индиялыктар бир жума беш бармакты тамшана жеп, мантыга суктанышты
Орто-Сай базарынын айланасынан мыйзамсыз объектилер алынды
Коронавируска тест жасап жаткан медицина кызматкери

Ааламда коронавирус жуктургандардын саны 6 миллиондон ашты

3
(жаңыланган 12:10 31.05.2020)
Пандемия башталгандан бери жер жүзүндө 369,1 миң адам көз жумду. Коронавирус жуктурган жана каза тапкан мамлекеттердин сап башында Америка турат.

БИШКЕК, 31-май — Sputnik. Дүйнө жүзүндө коронавирус инфекциясын жуктурган адамдардын саны 6 миллиондон ашты. Бул тууралуу Жон Хопкинс университетинин сайтында жазылган.

Акыркы маалыматтар боюнча, жалпы жонунан вируска кабылгандардын саны 6 миллион 60 миң кишиге жетти. Пандемия башталгандан бери 369,1 миң адам көз жумду.

Дүйнө жүзү боюнча АКШда инфекциянын эң көп учуру аныкталды, ал жакта ооругандардын саны 1,7 миллиондон ашат. Экинчи орунда Бразилия турат, жуктургандарды саны 498 миңден көп. Үчүнчү сапта Россия, ал мамлекетте вирустун 396,5 миң учуру катталган.

Коронавирустан каза тапкандар боюнча дагы Америка алдыга чыкты. Өлкөдө 103,781 адам көз жумган.

3
Белгилер:
өлүм, жуктуруу, коронавирус, Дүйнө
Тема:
Кытайдагы жаңы типтеги коронавирус
Тема боюнча
Москвада чектөөлөр коронавирустун вакцинасы чыкканга чейин улантылат
Гүл кармап турган адам. Архив

Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды

6
Баатыр Жалиевдин чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

БИШКЕК, 31-май — Sputnik. 85 жаш курагында живописчи, график, КР эл сүрөтчүсү Баатыр Жалиев дүйнө салды. Бул тууралуу мамлекет башчынын маалымат кызматы билдирип, ага жазылган некрологду жарыялады.

Жалиевдин чыгармачылыгы өнөр жай жана айыл чарба темасына арналган. Ал өлкөдөгү эпкиндүү курулуштарды, элет жерлериндеги өзгөрүүлөрдү көркөм чагылдырып, мезгилдин кеңири полотносун жараткан. Сүрөтчүнүн "Өнөр жайлуу Ош" (1966), "Ош курулуп жатат" (1972), "Хайдаркан комбинаты", (1974) аттуу чыгармалары түштүк жергесиндеги кубаттуу ишканаларда иштеп жаткан жумушчуларды, алардын эмгегин, көркөм образын жаратып, кыргыз жумушчуларынын эсте каларлык галереясын түзгөн. Жанрлуу-портреттүү "Тогуз коргоол" (1974) чыгармасы Баатыр Жалиевдин чыгармачылык чоң жетишкендиги болуп эсептелет.

Баатыр Жалиевдин көркөм сүрөттөрү республикалык, бүткүл союздук жана эл аралык көргөзмөлөргө катышып, байгелүү орундарга арзыган. Сүрөтчүнүн чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

Сүрөтчү көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Жалиев графика жаатында мыкты картиналардын циклин жаратты. Сүрөтчүнүн дүйнө таанымы, көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Сүрөтчүнүн көп жылдык изденүүсү аркылуу улуттук сүрөт маданиятында "Сизизм" көркөм формасы жана агымы жаралган. Бул агымдын негиз салуучусу катары улуттук сүрөт өнөрүнө жаңы дем кошуп, өзүнүн сүрөтчүлүк "мектебин" жараткан. Сүрөтчүнүн эмгектери учурда өзүнүн үй-музейинен орун алган. Баатыр Жалиевдин өз демилгеси менен негиздеген үй-музейи 2012-жылдан бери иштеп келет.

Баатыр Жалиевдин сүрөтчүлүк таланты жогору бааланып, "Эмгектеги артыкчылык" медалы, Кыргыз ССР Жогорку Советинин Ардак грамоталары менен сыйланган. Ага КР эл сүрөтчүсү ардактуу наамы ыйгарылган.

Баатыр Жалиевдин тажиясы 2020-жылдын 31-майында Ош шаарында өтөт.

6
Белгилер:
Баатыр Жалиев, чыгармачылык, өмүр баян, өлүм, сүрөтчү
Тема боюнча
Таланттуу опера ырчысы Сагибжамал Ходжибекова көз жумду. Некролог