Туристтер. Архивдик сүрөт

Гиддин итатайын тутулткан алты көрүнүш

938
(жаңыланган 18:04 09.07.2017)
Туризмдин өнүгүшү менен акыркы жылдары Кыргызстанда гид кесибин аркалагандардын саны арбып барат. Ага ылайык Sputnik Кыргызстан агенттигинин кабарчысы бул кесиптин ээлери эмнеден улам кыжырдана турганына кызыгып көрдү.

Гиддердин кызыктуу жумушунда кыжырды келтирген дагы жагдайлар болоорун эки жылдан бери чет элдик туристтер менен иштешип жүргөн гид айым айтып берди.

1. Калп жинди болгондор. Өзүң менен тең рюкзакка палатка, уктоочу мүшөк, каремат салып алып баратканыңды көрүп туруп "Тоого барганда палаткага жатасыңарбы?" деп сурагандар кыжырыңа тиет. Эгер мунун баарын колдонбосок, жүк кылып эмнеге көтөрүп алмак элек?

2. Джентельмендер. Рюкзак көтөрүп алып суудан араң өтүп жатканыңды же дагы башка ушул сыяктуу жагдайларды ары жакта карап туруп, баары бүткөндөн кийин "Жардам керек беле?" деп сурагандар бар. "Жанатан бери эмнени карап турдуң?" деп ичиңден кобуранып кала бересиң.

3. Планды бузгусу келген туристтер. Пландалган маршрут менен кетип баратып эле ары жактан кооз жерди көрүп калса, ошол жакка бара кетели дей берген туристтер маанайды чөктүрөт. Түшүнөм, ушунча келгенден кийин болушунча көбүрөөк жер көрүүгө аракет кылышат. Бирок, планда жок жерлерге баруу биринчиден, убакытты алат. Экинчиден, айрым учурда ага атайын даярдык же уруксат талап кылынышы мүмкүн. Бул жагын дагы түшүнүш керек да.

4. Тоодон түшө элек кыргыздар. Кыргыздар ушул убакка чейин жайлоодо, боз үйдө жашап, мал баккандан башка эч нерсе билбейт деп ойлогон чет элдиктер жиниңди келтирет. "Биз тоодон түшпөй жүрсөк, сен Кыргызстанга кайсы учак менен келдиң?" деп сурай турган киши жок да.

5. Маанисиз суроолорду бере бергендер. "Тоодон ачка каласыңарбы?", "Кантип жуунасыңар?", "Чачыңды кантип кургатасың?" деген сыяктуу болор-болбос суроолорду бергендер толтура. Рюкзактын бир бурчунан тамакка орун табылат. Ысык тамак ичүү үчүн атайын чакан газ, плиталарды алып алабыз. Арык, көлмө, шаркыратмаларды көрсөк, жуунабыз. Анын эмнеси түшүнүксүз?

6. Этектен өйдө ойлонбогондор. Айрым адамдар кыз-келиндер талаага чыкса эле "бир окуяга" кабылат деп ойлошот. "Тоого барганда ким менен жатасың? Туристтер төшөккө сүйрөбөйбү?" деген суроону укканда итатайың тутулат. Туристтерге гиддин саламаттыгы жана жакшы маанайы биринчи орунда турат. Биринчиден, дүйнө кыдырып жүргөн адамдарга көздөгөн жерине аман жетип алуу маанилүү. Экинчиден, кайсы эле адам бөтөн өлкөдө жүрүп, көз ирмемдик дене жыргалы үчүн жергиликтүү жаранга кол салып, өз башына балээ үйгүсү келет? Этектен өйдө ойлонгонду үйрөнөлүчү.

938
Белгилер:
тоо, турист, кесип, Кыргызстан
Тема:
Кыжырды кайнаткандар (57)
Тема боюнча
Фотографтын жанын кашайткан 7 учур
Жаагыңды тешип салам! Тиш доктурдун жинин кашайткан 5 учур
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Бишкек шаары. Архив

Бейшембиге карата аба ырайы

62
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

62
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы