Стюардесса. Архивдик сүрөт

Биз жеңил ойлуу эмеспиз! Стюардессалардын көңүлүн айныткан кардарлар

2268
(жаңыланган 13:43 16.07.2017)
Асман, учак, эртең менен Москва, кечинде Дубай... Бир караган кишиге борт коштоочулардын жашоосу жомоктогудай сезилиши мүмкүн.

Бирок, айрым учурда жүргүнчүнү карап жылмайган стюардессанын жини кайнап атышы ыктымал. Анткени эң оор басырыктуу деген борт коштоочуну дагы өзүнөн чыгарып ийчүдөй кылык-жоруктары бар кардарлар жок эмес.

Sputnik Кыргызстан агенттигине ата мекендик авиакомпаниялардын биринде иштеген стюардесса көздөгөн жерге аман-эсен жетип алуу үчүн жүргүнчү кандай аракеттерди кылбашы керектигин айтып берди.

Туристтер. Архивдик сүрөт
© Sputnik / Табылды Кадырбеков
Көздөгөн жерине жетип алыш үчүн дегеним, кээде мас же соо деле абалда чатак чыгарган кардарлар үчүн учакты мажбурлап кондурууга туура келет.

Ичип алгандар. Эң кооптуу жүргүнчүлөрдүн тизме башында ичимдикти сүйгөн адамдар турат. Кыргызстандын ичинде аткарылган каттамдарда учуу мөөнөтү аз болгондуктан, алардын чырына чыдаса болот. Ал эми эл аралык каттамдарда айрым учактар жакын жердеги аэропортко конууга мажбур болушат. Бул убакта учактагы башка адамдардын убактысы гана текке кетпестеп, авиакомпания дагы материалдык чыгым тартат.

Жинин чыгаргандар. Учакка киргенге чейин башка нерсеге жинденип келгендер, калганын борт коштоочудан чыгарууга аракет кылат. Буларга жадакалса биз сунуштаган чайдын даамы дагы жакпайт.

Өзүн жашоонун кожоюну сезгендер. Саякаттап, ары-бери көп каттагандыктан, учакта көп жүрүшөт. Ошол себептүү өздөрүнө катуу ишенип алып, коопсуздук курун тартыныңыз деген суранычка "быш" этип койбойт. Мындай учурда чоң эле кишилерге 3-класстын окуучусундай мамиле кылып, бир нече ирет кайталап айтууга туура келет.

Басанактар. Учак жерден көтөрүлөрү менен ордунан туруп, арткы катардагы таанышына чуркап же дааратканага кезекке тургандар тажатат. Бул кылганыңар тамак-аш, суусундук салынган арабаны сүйрөп өткөн стюардессаларга абдан тоскоол болот.

Оройлор. Учакка билет алса эле анын каалоо-тилеги 100 пайыз аткарыларына ишенип алышат. Авиакомпаниянын милдети — сизди барар жериңизге аман-эсен жеткирип коюу. Ал эми чөгүңкү маанайды көтөрүүгө көңүл ачуучу иш-чаралар, жарым жылдан бери ооруп жүргөн далыңызды укалатууга атайын массажисттер бар.

Стюардессаны жеңил ойлуу деп элестеткендер. Мындай адамдар стюардессалар тууралуу сериалдарды көрүп алып, так ошондой сценарийди турмуш жүзүнө ашырууну каалашат. Айрым учурда коопсуздук курун бекитип берүүнү суранганы аз келгенсип, стюардессаны кармалап ийишет. Аял кишиге ушул нерсе жагат деп ойлойсуңарбы? Же бул жоругуңар үчүн жерде жооп берүүгө туура келерине ишенбийсиңерби?

2268
Белгилер:
стюардесса, мамиле, жүргүнчү, учак
Тема боюнча
Стюардесса: учак кулап баратканда кыйналбай өлсөм экен деп тиледим
Араб Эмирлигинде стюардессаны өөп жиберген кишини түрмөгө отургузушту
Ак-Кула ипподрому. Архивдик сүрөт

Ишембиге карата аба ырайы

7
(жаңыланган 21:01 25.09.2020)
Синоптиктер ишембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 25-сен. — Sputnik. Ишемби күнү, 26-сентябрда, күндүз Баткен, Ысык-Көл өрөөндөрүнүн кээ бир райондорунда, өлкөнүн тоо этектеринде жамгыр, тоолуу райондорунда кар жаайт. Башка облустардын дыйканчылык аймактарында жамгыр жаабайт. Бул тууралуу Кыргызгидромет билдирди.

Жер планетасына дагы бир астероид жакындап келе жатат

Абанын температурасы Чүй менен Ысык-Көлдө +16...+21, Талас аймагында +14...+19, Ош, Жалал-Абад, Баткен облустарында +20...+25, Нарын жергесинде +17...+22 градус болот.

Күндүн табы борбор калаа Бишкекте +18...+20, Ош шаарында +22...+24 градуска жетет.

7
Тема боюнча
Кыштын илеби жакындап... Октябрь айына карата аба ырайы
Москвадагы ЖОЖго тапшыргандар. Архивдик сүрөт

Россияда билим алууга квота бөлүү: система реформаланат, орун көп болот

24
(жаңыланган 20:08 25.09.2020)
Россиянын жогорку окуу жайларында жакынкы чет өлкөлөр менен Балтика боюндагы республикалардын абитуриенттеринин бекер билим алуу системасын реформалоо керектигин Россотрудничество агенттигинин жетекчиси Евгений Примаков билдирди.

Алексей Стефанов

РФтин Мамлекеттик думасынын депутаты Евгений Примаков быйылкы жылдын июнь айында Россотрудничество агенттигинин жетекчилигине дайындалган. Ал дароо эле россиялык бул агенттикте олуттуу өзгөрүүлөр болорун убада кылган. Жаңы жетекчи аталган уюмдун талылуу темаларынын бири – чет элдик жарандардын россиялык ЖОЖдорго квота бөлүү системасы экендигин айтты. 

Депутат Государственной Думы РФ Евгений Примаков на пленарном заседании Государственной Думы РФ.
© Sputnik / Владимир Федоренко
РФтин Мамлекеттик думасынын депутаты Евгений Примаков
"Квотанын саны көбөйөт, президент (РФ президенти Владимир Путин – ред.) алардын арбый тургандыгын айтты. 2023-жылга карата эки ирет көбөйөт. Бирок биз Россиянын Жогорку билим берүү жана илим министрлигиндеги, Мамлекеттик Думадагы кесиптештерибиз менен квота тарыхы майнаптуу болбой келгенин талкуулап жатабыз", — деп айтып берди Россотрудничество уюмунун жетекчиси Евгений Примаков Sputnik агенттигине.

ЖОЖдорго көп орун бөлгөн Беларусту мисал катары келтирип, бирок Россиянын "ал тургай Польша менен теңтайлашканы оор" экендигин билдирди.

Россиянын окуу жайлары кыргызстандык студенттерге кандай жеңилдик берет

"Поляктар билим алууга гана мүмкүнчүлүк бербестен, студенттер үчүн гранттарды, стипендияларды чектейт. Биз атаандаша албайбыз. Биз болгону студенттерге келип, окуганды гана сунуштай алабыз. Квоталардын жок дегенде бир бөлүгүндө стипендия менен гранттар пайда болгондой системаны өркүндөтүшүбүз керек. Келип, окугула гана дебестен, учуп кеткенге билетиң мына, а бул — жатакана же баш калкалай турган жайга мүмкүнчүлүк беришибиз керек", — деди Примаков.

Россотрудничество Россияга билим алам деп келген чет элдик студенттер окуган тармагында мыкты адис болуп чыгышына кызыкдар экендигин айтты. Окуудан кийин алар мекенине кайтып, маанилүү деген позицияны ээлеп, жакшы ишке орношуусу керек. Бирок азыркы системада бул пландар ишке ашпай жатат.

"Россияга келип, кыйын кырдаалга тушуккан балдар бар, алар короо шыпырып же такси айдап иштеп кетип жатышат. Биздин бюджеттик акчаны ал студенттердин окуусуна чыгымдаган учурду эске алганда да такыр туура эмес көрүнүш", — деп түшүндүрдү Россотрудничество жетекчиси.

Азырынча квота бөлүү системасын реформалоо боюнча так пландар болбогонун, аталган жааттагы көйгөй учурда талкуулануу стадиясында экендигин кошумчалады. Примаков анткен менен реформасыз мындан аркы кадамдар болбой турганын белгиледи.

"Росскызматташтыктын" деңгээлин көтөрүү керек. Жаңы жетекчи Примаковдун пикири

Чет элдик студенттер үчүн бюджеттик орундарга бөлүнгөн квотаны 15 миңден 30 миңге чейин көбөйтүү Мамлекеттик Думада 2020-жылдын башында бир топ талкууланган. Анда Думанын КМШ иштери, Евразия интеграциясы жана мекендештер менен байланыш боюнча комитетинин төрагасы Леонид Калашников 15 000 орун Россиянын гуманитардык күчүнө жана эл аралык ролуна туура келбей тургандыгын айткан. Беларусь жарандары үчүн 10 миң бюджеттик орун бөлгөн Польшаны мисал келтирип, Румыния жыл сайын Молдованын 5000 атуулун бекер окутуп жаткандыгын кабарлаган. Ал учурда Россияда билим алууну ниетинде арыз берген чет элдиктердин саны 100 миңге чукулдап барган. Жыйынтыгында Россиянын Жогорку билим берүү жана илим министрлигинин планында чет элдик студенттерге каралган квотаны 30 миң орунга көбөйтүү планы коюлду.

24
Белгилер:
квота, билим берүү, ЖОЖ, Кыргызстан, Евгений Примаков, Россия
Тема боюнча
Бир маалым кат жетиштүү. Кыргызстандык студенттер Россиядан кантип иш таба алат
Жол кырсыкка кабылган унаа. Архивдик сүрөт

Катуу соккудан автоунаа тегеренип кеткен. Бишкектеги жол кырсыктын видеосу

0
(жаңыланган 21:12 25.09.2020)
Жол кырсыгы 20-сентябрда болуп, андан үч адам жабыркаганы айтылды. Окуянын видеосун материалдан көрүңүздөр.

БИШКЕК, 25-сен. — Sputnik. Бишкекте Күйүкова менен Шералиев көчөлөрүнүн кесилишинде эки автоунаа кагышып, кырсык болгон учур кадрга түшүп калган.

Видео "Короче" Telegram-каналына жарыяланды.

Маалымдалгандай, кырсык 20-сентябрда болуп, анда Volkswagen менен Mazda үлгүсүндөгү автоунаалар кагышкан. Видеодо көрүнүп тургандай, биринчи автоунаа солго бурулайын деп жатканда артында келе жаткан машина аны катуу сүзгөн. Жыйынтыгында бурулайын деген автоунаа тегеренип кеткен.

Бишкекте багаждан коляска чыгарып жаткан кишини унаа коюп кетип көз жумду

Тез жардам медициналык борбору кабарлагандай, кырсыктан үч адам жабыркаган.

0
Белгилер:
автоунаа, видео, жол кырсык, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Оштогу жол кырсыгында өрт чыгып, беш киши жабыркады. Сүрөттөр
Жол кырсыгы болгон жерге эмнеге инспектор чакыруудан качышат? Эреже, кеңештер