Тойдогу бийчи. Архив

Тойдо шаң, ырчыга нан болгон хит ырлар

8711
(жаңыланган 10:22 25.07.2017)
Кыргыздардын жашоосун тойсуз элестетүү мүмкүн эмес. Ар бир эле кыргыз бүлөсү элден бата алып той бергиси келет. Тойдун арты менен бир канча адамдар кызмат көрсөтүп, киреше табышат. Алардын бири — ырчылар.

Акыркы мезгилдерде тойду киреше булагына айланткан ырчылардын ар биринин репертуарынан той тууралуу ырды укса болот. Бирок баары эле атак алып келбейт. Анда тойдо элдин маанайын көтөрүп, ырчылардын капчыгын калыңдатып жаткан ырларды тизмектейбиз.

Орозонун бүтүшү менен араң эле тургандар күргүштөтүп той берип, мааракеде Съездбек Искеналиевдин "Мына минтип" ыры байма-бай жаңырып жатат. Быйыл ушул ырдын арты менен ырчы чакыруулар эки эсе көбөйгөнүн маек куруп жатып айтканы бар эле. 

Таланттуу жигиттер Азамат Исмаилов менен Азимхан Рахатовдун "Келин келгенский" ыры чыкканда бешиктеги балага чейин ушул ыр менен ооруп, тойлор бул ырсыз өтпөй калган. 

Учурда жылдызы жанып, ити чөп жеп жаткан Нурлан Насиптин "Эки жаш" ыры да көпчүлүктүн сүймөнчүлүгүнө татыды. 

Лейлектик кызды ырга салып атагын арттырган Гүлжигит Сатыбеков кайрадан той тууралуу ыр жаратып, эл кызматында. 

Ал эми Самара Каримова элден өзгөчөлөнүп кыз узатуу тууралуу ыр жараткан. 

Ал эми КРдин эл артисти Гүлнур Сатылганова дагы элден калбай "Жар-жар" ырын жаздырган. 

Ал эми Санжар Кошбай уулунун жеңелерге арнаган ыры али күнчө тойлордун көркүн ачып келет. 

"Биз" тобунун той ырына бийлебей коюу мүмкүн эмес. 

Султан Садыралиев белгилүү ырчы Кубик Калыковдун "Той ырын" жаңылап иштеп чыгып, тойдун көркү болууда.

Ирлан Таалайбеков болсо бир гана тамадалык менен чектелбей, Ильич Касымбеков аткарган "Тойго келгиле" ырын жаңылап иштеп чыккан.

8711
Белгилер:
той, хит, ырчы, Кыргызстан
Тема боюнча
Съездбек Искеналиев: "Мына минтип" бир айда 5 миң доллар табат деп күткөн эмесмин
Борченов: Бишкекте той алып баруучуларынын алгачкы форуму өтөт
Кыргыздын аш-тойлорун айырмалай аласызбы? Тест
Ысык-Көл. Архив

Ишембиге карата аба ырайы

14
(жаңыланган 21:07 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта ишембиде күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Беткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

14
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

15
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

15
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт