Кары апалар. Архив

Улууга урмат! Жашы улууларга карата 8 "болбойт"

1608
(жаңыланган 15:45 26.07.2017)
Элибиздин эзелтен келе жаткан каада-салты, үрп-адаты боюнча жазылбаган мыйзамдарын азыркыга чейин колдонуп келебиз. Ал эми аны унутта калтырбай улап кетүү жаш муундун колунда.

Бирок барган сайын салт-санаа унуткарылып, адамдардын бири-бирине болгон мамилесинин да маани-маңызы кетип бараткандай. Анын ичинде улууларга болгон сый-урмат. Буга байланыштуу Sputnik Кыргызстан агенттиги этнограф Октябрь Капалбаевдин жардамы менен жашы улуу адамдарга кичүүлөр тарабынан жасалбашы керек болгон нерселерди тизмектеди.

Улуу адамдын алдынан кыя өтпөйт. Бул сөз көпчүлүк учурда кыз-келиндерге карата айтылган. Анткени кокустан аял кишинин алдынан жашы улуу адам чыгып калса, аларга ийменип саламдашуу милдет болгон. Ошондой эле алар жашы өткөн эркек адам менен катарлаш басып же алдынан кесип өтүү уят иш деп саналган.

Саламдашпай сөз баштабайт. Кыз-эркегине карабай саламды алгач кичүү адам айтып, андан соң гана улуусу алик алган. Эркектер салам бергенде да алгач кичүүлөр эки колдоп кол сунган. 

Төр талашпайт. Ар бир адам төрдүн баасын, баркын билип жүрүшү керек. Азыр айрымдар "отура бер, мен ушул жерге эле отурайын" деп кичүүлөрдөн ылдый улага тарапка отуруп алат. Бул туура эмес, анткени илгертен кыргызда аксакал төрдө отуруп, калгандары жаш курагына карата ылдый отурган. "Өз ордуңду билчи" деген сөз да ошого байланыштуу айтылып калган. Ошондой эле үйгө киргенде да, чыкканда да жашы улуу адам биринчи кирип, биринчи чыккан.

Каяша айтпайт. Улуулар кандай сөз айтса да ага тибиреңдеп жооп кайтарбаш керек. "Айтылган сөздөн айтылбаганы күчтүү" деген кыргызда жакшы макал бар. Дайыма эле айтылган жооп туура боло бербейт. Андыктан улуу адамдар бир нерсе айтып жатканда ага эки эсе кылып жооп бербей "макул" деген таризде баш ийкеп коюу адамдын күчтүү, тарбия көргөнүн көрсөтөт.

Улуулардын сөзүнө кийлигишпейт. Жашы улуу адамдар сүйлөшүп жатканда алардын оозунан сөз талашып, кебине кийлигишкен туура эмес. Муну менен ал адам өзүнүн адепсиздигин көрсөтөт. Качан гана ага сөз берилгенде өз оюн айтуусу керек.

Обу жок тамашалашпайт. Кээ бир жаш балдар атасындай болгон адамдар менен калжалаңдап тамашалашып сүйлөшөт. Бул да өтө одоно нерсе. Ал тургай мурда жогору кызматты ээлеп, жашы эмес, орду жогору адамдар деле өзүнөн улуу адам менен тамашалашып сүйлөшкөндөн ийменип турушу шарт.

Улуулардан мурда туруп кетпейт. Тамактанып бүткөн соң, же тамактанып жаткан учурда жаштары каалаган учурда ордунан туруп кеткен эмес. Алар качан гана улуу адам бата бергенден кийин гана ордунан турган.

Улуулар турганда кичүүсү бата бербейт. Мейли той-аш болобу, же үй-бүлө менен тамактанып бүткөн учур болобу, эч качан улуу адам турганда андан жашыраагы бата берген эмес. Тойлордо да батаны жөн киши эмес, кадыр-барктуу, көптү көргөн аксакал бериши кажет.

1608
Белгилер:
улуу адам, каада-салт, Кыргызстан
Тема:
"Болбойт" рубрикасы (83)
Тема боюнча
Чет элдик туристтерди тосуудагы сегиз "болбойт"
Мейманчылыкка байланыштуу 7 "болбойт"
UFC чемпиону Петр Ян. Архивдик сүрөт

UFC чемпиону Петр Ян кыргызстандык мушкер Рафаэль Физиевге алкыш айтты

9
(жаңыланган 09:22 14.07.2020)
Петр Ян чемпиондук кур үчүн Жозе Альдо менен болгон беттешке Рафаэль Физиев машыктыруучулук кылган Tiger Muay Thai залында даярданган.

БИШКЕК, 14-июл. — Sputnik. UFC уюмунун жеңил салмактагы чемпиону, россиялык мушкер Петр Ян кыргызстандык Рафаэль Физиевге (Атаман) жана анын командасына ыраазычылык айтты. Бул тууралуу чемпион өзүнүн Instagram баракчасына жазды.

Посмотреть эту публикацию в Instagram

Публикация от Петр "No Mercy" Ян (@petr_yan)

Ян чемпиондук кур үчүн Жозе Альдо менен болгон беттешке Tiger Muay Thai залында машыккан. Бул спорттук жайда кыргызстандык мушкер кикбоксинг боюнча машыктыруучу болуп эмгектенет.

UFC: бирин-бири аябай... Жарым жеңил салмактагы дивизиончулар беттешкен видео

Петр Ян машыгууда жардам көрсөткөндөрдүн сүрөттөрүн жарыялап, алкыш айткан.

"Бул балдарга чоң рахмат айткым келет. Алар пандемияга карабай, менин беттешке даярдануума жардам көрсөтүштү", — деп жазган ал.

27 жаштагы россиялык мушкер чемпиондук кур үчүн беттештин бешинчи раундунда атаандашын техникалык нокаут менен утуп алган.

Эскерте кетсек, кыргызстандык мушкер "Атаман" каймана аты бар Рафаэль Физиев да 18-июлда Абу-Дабиде өтүүчү UFC уюмунун турниринде англиялык Марк Диакези менен беттешке чыгат.

9
Белгилер:
Instagram, ыраазычылык, Рафаэль Физиев, Петр Ян, UFC
Тема боюнча
Россиялык дагы бир мушкер UFC чемпиону аталды. Видео
UFC: бирин-бири аябай... Жарым жеңил салмактагы дивизиончулар беттешкен видео
Башка, бетке, чыкыйга тээп... UFC беттешиндеги эсте калчу учурлардын видеосу
Лифт колдонгон киши. Архивдик сүрөт

Кытай: аял 70тен ашуун кишиге коронавирус жуктурган. Чоо-жайы

65
(жаңыланган 09:05 14.07.2020)
Коронавирус менен жабыркагандардын чөйрөсүн таап чыгыш үчүн адистер эпидемиологиялык иликтөө жүргүзгөн.

БИШКЕК, 14-июл. — Sputnik. Кытайдын жашоочусу лифтти колдонгону үчүн 70тен ашуун адамга коронавирус жуктурган. Бул туурасында Daily Star басылмасы жазды. 

Алар маалыматты Оорулардын алдын алуу жана көзөмөлдөө боюнча америкалык борбордон алган.

Окуя Кытайдын Хэйлунцзян провинциясында болгон. Эпидемия басаңдап калды деген маалда адистер оорунун капыстан эле кайрадан чыгып кеткенин изилдей баштаган. Инфекцияны ким таратканын табуу милдети турган.

Кытайдын алдыңкы эпидемиологу COVID пандемиясы качан бүтөрүн божомолдоду

2-апрелде коронавирустан улам инсультка кабылган кишини ооруканага алып келишкен. Ал тесттин жыйынтыгын күтүп отуруп, палатадагы 20 кишиге, ага чейин үч баласына жуктурган. Алар дагы 28 кишинин ооруп калышына себепкер болушкан. Булардын арасына медициналык жайдын беш кызматкери да кошулуп калган.

Ал арада ооруканага дал ошондой диагноз менен дагы бир эркек кишини алып келишкен. Дарыгерлер ким менен байланышта болгондугун тактап, аларды текшере келгенде баарынан COVID чыккан. Мындан сырткары, ооруп калган кишилердин кошуна экени анык болгон.

Бул жагдайдан кийин адистер көп кабаттуу үйдүн жашоочуларынан кайсы жерде ооругандар жашарын сурап чыгууну чечкен. Көп өтпөй алардын арасында жакында эле АКШдан келген аял жашары аныкталган. Андан сурай келгенде COVID-19дун эч кандай симптомдору болгон эмес, ал инфекцияны алып жүргөн адам болуп калгандыгынан шек санаган да эмес. А бирок текшергенде анализи вирустун бар экендигин тастыктаган.

АКШнын башкы инфекционисти COVID пандемиясынын күчөй турганын болжоду

Адистер ооруп калган ар бир кишинин кайда барганын, кайда турганын кылдат изилдеп баштаган. Акырында АКШдан келген аялдын 71 кишини коронавирус менен ооруканага "жөнөткөнү" белгилүү болгон. Анткен менен ал бир дагы кошунасына жолуккан да, сүйлөшкөн да эмес. Баарын иликтеп, тактап чыккан эпидемиологдор вирус үйдө орнотулган лифтке түшкөндө жашоочуларга жуккан деген бүтүмгө келген.

65
Белгилер:
дарыгер, адистер, оору, аял, лифт, коронавирус, АКШ, Кытай
Тема:
Дүйнөгө жайылган коронавирус
Тема боюнча
Коронавирус тараткан! Бийликтин миңдеген жарганатты өрттөгөн видеосу
Россия коронавируска каршы дагы бир дары чыгарды. Мүнөздөмөсү