Ажо Атамбаев 17 ирет кайда жана качан эс алды

© Sputnik / Табылды КадырбековПрезидент Кыргызской Республики Алмазбек Атамбаев
Президент Кыргызской Республики Алмазбек Атамбаев - Sputnik Кыргызстан
Жазылуу
Өлкө башчысы кайсы убакта эмгек өргүүгө чыгып, кайда эс алганына Sputnik Кыргызстан агенттиги баам салып көрдү.

БИШКЕК, 27-июл. — Sputnik. Президент Алмазбек Атамбаев 26-июлда эмгек өргүүсүнө чыкты. Бирок ал канчасында жумушка чыгары так көрсөтүлгөн эмес.

Атамбаев мамлекет башчылык кызматта иштеп жатып, канча жолу эмгек өргүүсүнө чыкканын Sputnik Кыргызстан агенттиги иликтеп көрдү. Бардык маалыматтар президенттин расмий сайтынан алынды.

2012-жыл

Чечен республикасынын президенти Рамзан Кадыровдун архивдик сүрөтү - Sputnik Кыргызстан
Көп балалуу президенттер: Рахмондун 9, Кадыровдун 10, Элбэгдорждун 25 баласы бар
Атамбаев расмий түрдө бийликке 2011-жылдын 1-декабрында киришкен жана алгачкы эмгек өргүүсүн 23-июлда алган.

Кийинки жолу 27-сентябрда эмгек өргүүгө чыгып, Түркияга кеткен. Ал жактан Түркиянын президенти Абдуллах Гүл жана премьер-министр Режеп Тайип Эрдоган менен жолуккан. Атамбаевдин эс алуусу канчага созулганы так айтылган эмес, бирок, 4-октябрда ишке чыгып жыйын өткөргөн.

2013-жыл

Өлкө башчысы 26-июлдан 2-августка чейин эс алган. 

© Пресс-служба президента КР / Султан ДосалиевПрезидент Алмазбек Атамбаев үй-бүлөсү менен
Президент КР Алмазбек Атамбаев с семьей - Sputnik Кыргызстан
Президент Алмазбек Атамбаев үй-бүлөсү менен

2014

Атамбаев 12-февралда отпускага чыгып, аны Москвада өткөргөн. Ал жактан тизесине операция жасалган. 17-февралда Кыргызстанга кайткан.

Лошадь получает ванну после утренней пробежки в Луисвилле, американском штате Кентукки. - Sputnik Кыргызстан
Атамбаев Бердымухамедовго туулган күнүндө тулпар мингизген
Жайдын башында 9-июндан 13-июнга чейин эс алууда болгон. Жайдын ортосунда дагы 21-июлда эмгек өргүүсүнө чыгып, канчасына чейин созулары так айтылган эмес. Бирок, 29-июлда ал жыйындарды өткөрө баштаган.

18-сентябрда Атамбаев Түркияга учуп, канчасына чейин болору так белгиленген эмес. Бир жарым жумадан кийин Түркияда бир катар мамлекеттин президенттери менен жолугушууларды өткөргөн.

2015

Атамбаев 9-февраль күнү эмгек өргүүсүнө чыккан. Анда эс алуунун канчага созулганы айтылбастан, кыска мөөнөттүү экени белгиленген.

Жайдын башталышы менен президент беш күндүк өргүүгө чыгып, анын теңин Түркиядан үй-бүлөсү менен өткөргөн.

Үчүнчү ирет өлкө башчы 17-21-август күндөрү эс алган.

Жыл соңунда, 10-ноябрь күнү кыска мөөнөттүү өргүү алып, аны үй-бүлөсү менен өткөргөн. 

© Пресс-служба президента КР / Султан ДосалиевАлмазбек Атамбаевдин чыгармачылыгы
Творчество президента КР Алмазбека Атамбаева - Sputnik Кыргызстан
Алмазбек Атамбаевдин чыгармачылыгы

2016

Атамбаев 1-февраль күнү мөөнөтү айтылбаган өргүүгө чыккан.

25-май күнү үч күн эс алган.

Кыргызстан президенти Алмазбек Атамбаев жана биринчи айым Раиса Атамбаева. Архив - Sputnik Кыргызстан
Кол кармашкан, колтукташкан эл башчылары жубайлары менен. Тамшанткан ирмемдер
19-сентябрь күнү Бишкектен Нью-Йоркко БУУнун Башкы Ассамблеясынын сессиясына катышуу үчүн учуп кеткен. Бирок Түркиядан саламаттыгы начарлап, жүрөк тушу ооруп жатканын айткан. 20-сентябрдан 1-октябрга чейин эмгек өргүүсүн алып, Москвада дарыланган. Медиктер президенттин жүрөк аритмиясы менен жабыркап, кызыл өңгөчү ооруй турганын аныкташкан.

Бул жылдагы төртүнчү өргүүсүнө Атамбаев 5-декабрда чыккан. Анын мөөнөтү айтылган эмес.

2017

Жыл башында президент иш сапары менен Кытайга барып, ошол жакта 9-14-январга чейин үй-бүлөсү менен болгон.

Акыркы ирет эс алууга 26-июль күнү чыкты.

Жаңылыктар түрмөгү
0