Соцтармак кызыктары: юбкачан эркектер, Цукербергге кошуна кыргыз жигит

© AP Photo / Jeff ChiuFacebook социалдык тармаганын негиздөөчүсү Марк Цукерберг жубайы менен. Архив
Facebook социалдык тармаганын негиздөөчүсү Марк Цукерберг жубайы менен. Архив - Sputnik Кыргызстан
Жазылуу
Социалдык тармактарда бир да жума кызыксыз болбойт. Колдонуучулардын бири эч кимге көрсөткүс сүрөтүн иле койсо, дагы башкасы "лайк" алуу үчүн ойго келбеген видеолоду тартууга даяр.

БИШКЕК, 7-авг. — Sputnik. Эки жума мурун Despacito ырын комузга салган келин эми музыкалык аспабы менен "Анжиян полькасын" ийге келтирип койду.

Sputnik Кыргызстан агенттиги артта калган аптада социалдык тармактарда чуу жараткан жана көңүл көкөлөткөн окуялар топтомун сунуштайт.

Мекенге сүйүү! Бишкектин кичинкей тургуну ити менен сейилдөөгө чыгып, мекенге болгон сүйүүсүн айтып турган сүрөт интернет колдонуучулардын жүрөгүн жылытты.

Юбкачан жигиттер. Шым кийген кыздардан эмне мынча көңүлү калганын ким билсин? Айтор, шымчан кыз-келиндерди "түрү суук" эркектерге салыштырыптыр.

Despacito шаңы менен. Эки жума мурун Despacito ырын комузга салган келин өткөн аптада "Анжиян полькасын" аспапты сыздата чертип койду. Ал эми интернет колдонуучулардын бири бул чыгарма "Оштук жигиттердин бийи" деген ат менен "патенттелгенин" айтып чыкты.

Цукерберг менен туздашып… АКШда жашаган кыргыз жигит баарыбыздын башыбызды бир соцтармакка жыйнаган Марк Цукерберг менен кошуна экенин жазды эле, кыргызстандыктар Facebook кожоюнуна салам айттырып жатып калышты.

Үлпөт тойдогу тик учак. Силер көрүп турган видео Шымкент шаарында тартылганын айтып жатышат. Күркүрөгөн күз келе жатат, эми муну биздикилер көрбөсүн.

Кош-Көлдөгү эс алуу. Ырчы Сыймык Бейшекеев жөн гана жакшы ырдабастан, суу алдында дагы мыкты сүзөрүн көрсөтүптүр.

Жыргализм. Манастан Чубак кем бекен деген сүрөт. Элдин баары Ысык-Көлдө жыргап жүрсө, булар карап отурабы ысыкта. Негизгиси фантазия! 

Жаңылыктар түрмөгү
0