Праздничное мероприятия Тысяча женщин в ак-элечеке — 2017 в Бишкеке

Бата берүүгө байланыштуу 6 "болбойт"

3719
(жаңыланган 16:42 09.08.2017)
Бата менен эл көгөрөт, жамгыр менен жер көгөрөт дегендей, кыргыз эли байыртадан батага өзгөчө маани берип, анын күчүнө, касиетине ишенип келишкен. "Бата алган адамдын тилеги орундалып, жерде калбайт" деп улуу муун ар дайым аксакал карыялардын батасын алып, түбүн ичкенге ашыккан.

Азыр да бул салт күчүн жогото элек. Бирок анын баркы бир аз өзгөрүп, түшүп баратканын этнографтар айтып жүрөт. Буга байланыштуу Sputnik Кыргызстан агенттиги этнограф Октябрь Капалбаевдин жардамы менен бата берүүдөгү болбой турган учурларды санап көрдү.

Кур аякка бата жүрбөйт. Кыргыздар бата алыш үчүн сөзсүз алгач дасторкон жайып, кан чыгарып, адамдардын курсагын тойгузган. Соңунда гана бата алган.

Себеби жок бата сурабайт. Негизи той-ашты элдин батасын алуу үчүн өткөрөт. Үйлөнүү тойдо "алганың менен тең кары" же келинге карата "көшөгөң көгөрсүн" сыяктуу сөздөр батага барабар болгон. Ошондой эле алыс сапарга кетип жатканда, кырсык чалганда да элдин батасын алыш үчүн түлөө өткөргөн. Элибиз эч качан себеби жок элди батага чакырган эмес.

Жөн киши бата бербейт. Батаны сөзсүз айылдын аксакалы, көптү көрүп-билген, акылман, улуу адамдар берген. Элге, эл ичинде той же түлөө берип жаткан адамга Жараткандан жакшылык, токчулук, аманчылык сурайт. Ошондой эле бата берген адам аны супсак кылбай, маанилүү кылып өтүп жаткан тойго ылайыктап туруп айтуусу керек.

Жаш бала бата бербейт. Кыргызда эч качан жаш бала бата берген эмес. Азыркы учурда тойлордо айрым жаш тамадалар бата беришет. Аны батанын "шаблону" деп да коюшат. Жаш бала бата сурайт, бирок аны улуу адам берет.

Алакан жайбай бата бербейт. Бата айтылып жатканда сөзсүз ошол жердеги адамдын баары алакан жайышы керек. Канчалык алакан жайган адам көп болсо, бата ошончолук кабыл болот деп айтып коюшат.

Бата берилмейин эл тарабайт. Той же түлөө болобу, сөзсүз бата тиленгенден кийин гана эл үйүнө тараган. Ошондой эле үйдө болсо да бата кылынмайынча дасторкон четинен туруп кетүү уят деп эсептелет.

3719
Белгилер:
той, улуу адам, бата, Кыргызстан
Тема:
"Болбойт" рубрикасы (83)
Тема боюнча
Өкүл ата, өкүл эне эмне себептен, качан, кантип тандалат
Макалдатып сүйлөгөн колуңуздан келеби? Тест менен текшерип көрүңүз
UFC чемпиону Петр Ян. Архивдик сүрөт

UFC чемпиону Петр Ян кыргызстандык мушкер Рафаэль Физиевге алкыш айтты

35
(жаңыланган 09:22 14.07.2020)
Петр Ян чемпиондук кур үчүн Жозе Альдо менен болгон беттешке Рафаэль Физиев машыктыруучулук кылган Tiger Muay Thai залында даярданган.

БИШКЕК, 14-июл. — Sputnik. UFC уюмунун жеңил салмактагы чемпиону, россиялык мушкер Петр Ян кыргызстандык Рафаэль Физиевге (Атаман) жана анын командасына ыраазычылык айтты. Бул тууралуу чемпион өзүнүн Instagram баракчасына жазды.

Посмотреть эту публикацию в Instagram

Публикация от Петр "No Mercy" Ян (@petr_yan)

Ян чемпиондук кур үчүн Жозе Альдо менен болгон беттешке Tiger Muay Thai залында машыккан. Бул спорттук жайда кыргызстандык мушкер кикбоксинг боюнча машыктыруучу болуп эмгектенет.

UFC: бирин-бири аябай... Жарым жеңил салмактагы дивизиончулар беттешкен видео

Петр Ян машыгууда жардам көрсөткөндөрдүн сүрөттөрүн жарыялап, алкыш айткан.

"Бул балдарга чоң рахмат айткым келет. Алар пандемияга карабай, менин беттешке даярдануума жардам көрсөтүштү", — деп жазган ал.

27 жаштагы россиялык мушкер чемпиондук кур үчүн беттештин бешинчи раундунда атаандашын техникалык нокаут менен утуп алган.

Эскерте кетсек, кыргызстандык мушкер "Атаман" каймана аты бар Рафаэль Физиев да 18-июлда Абу-Дабиде өтүүчү UFC уюмунун турниринде англиялык Марк Диакези менен беттешке чыгат.

35
Белгилер:
Instagram, ыраазычылык, Рафаэль Физиев, Петр Ян, UFC
Тема боюнча
Россиялык дагы бир мушкер UFC чемпиону аталды. Видео
UFC: бирин-бири аябай... Жарым жеңил салмактагы дивизиончулар беттешкен видео
Башка, бетке, чыкыйга тээп... UFC беттешиндеги эсте калчу учурлардын видеосу
Лифт колдонгон киши. Архивдик сүрөт

Кытай: аял 70тен ашуун кишиге коронавирус жуктурган. Чоо-жайы

83
(жаңыланган 09:05 14.07.2020)
Коронавирус менен жабыркагандардын чөйрөсүн таап чыгыш үчүн адистер эпидемиологиялык иликтөө жүргүзгөн.

БИШКЕК, 14-июл. — Sputnik. Кытайдын жашоочусу лифтти колдонгону үчүн 70тен ашуун адамга коронавирус жуктурган. Бул туурасында Daily Star басылмасы жазды. 

Алар маалыматты Оорулардын алдын алуу жана көзөмөлдөө боюнча америкалык борбордон алган.

Окуя Кытайдын Хэйлунцзян провинциясында болгон. Эпидемия басаңдап калды деген маалда адистер оорунун капыстан эле кайрадан чыгып кеткенин изилдей баштаган. Инфекцияны ким таратканын табуу милдети турган.

Кытайдын алдыңкы эпидемиологу COVID пандемиясы качан бүтөрүн божомолдоду

2-апрелде коронавирустан улам инсультка кабылган кишини ооруканага алып келишкен. Ал тесттин жыйынтыгын күтүп отуруп, палатадагы 20 кишиге, ага чейин үч баласына жуктурган. Алар дагы 28 кишинин ооруп калышына себепкер болушкан. Булардын арасына медициналык жайдын беш кызматкери да кошулуп калган.

Ал арада ооруканага дал ошондой диагноз менен дагы бир эркек кишини алып келишкен. Дарыгерлер ким менен байланышта болгондугун тактап, аларды текшере келгенде баарынан COVID чыккан. Мындан сырткары, ооруп калган кишилердин кошуна экени анык болгон.

Бул жагдайдан кийин адистер көп кабаттуу үйдүн жашоочуларынан кайсы жерде ооругандар жашарын сурап чыгууну чечкен. Көп өтпөй алардын арасында жакында эле АКШдан келген аял жашары аныкталган. Андан сурай келгенде COVID-19дун эч кандай симптомдору болгон эмес, ал инфекцияны алып жүргөн адам болуп калгандыгынан шек санаган да эмес. А бирок текшергенде анализи вирустун бар экендигин тастыктаган.

АКШнын башкы инфекционисти COVID пандемиясынын күчөй турганын болжоду

Адистер ооруп калган ар бир кишинин кайда барганын, кайда турганын кылдат изилдеп баштаган. Акырында АКШдан келген аялдын 71 кишини коронавирус менен ооруканага "жөнөткөнү" белгилүү болгон. Анткен менен ал бир дагы кошунасына жолуккан да, сүйлөшкөн да эмес. Баарын иликтеп, тактап чыккан эпидемиологдор вирус үйдө орнотулган лифтке түшкөндө жашоочуларга жуккан деген бүтүмгө келген.

83
Белгилер:
дарыгер, адистер, оору, аял, лифт, коронавирус, АКШ, Кытай
Тема:
Дүйнөгө жайылган коронавирус
Тема боюнча
Коронавирус тараткан! Бийликтин миңдеген жарганатты өрттөгөн видеосу
Россия коронавируска каршы дагы бир дары чыгарды. Мүнөздөмөсү