Төөлөр. Архив

Кытайда төөлөрдү сактап калуу үчүн 145 кен иштетүү жайлары жабылат

101
Учурда 130 кен иштетүүчү жай толугу менен ишин токтотсо, 15и лицензиясынын убактысы бүтөөрү менен жумушун аягына чыгарат.

БИШКЕК, 12-авг. — Sputnik. Кытайда эки өркөчтүү төөлөрдүн саны кыскарып бара жаткандыктан Синьцзян-уйгур автономдуу облусундагы 145 алтын жана темир кендери жабылат. Бул тууралуу РИА Новости China Daily басылмасына таянып кабарлады.

Учурда 130 кен иштетүүчү жай толугу менен ишин токтотсо, 15и лицензиясынын убактысы бүтөөрү менен жумушун аягына чыгарат.

Кытай бийлиги 2020-жылга чейин сейрек кездешкен жаныбарлар жашаган Лобнор жаратылыш багынын жанындагы бардык кен казуучу жайлардын ишмердүүлүгүн токтотуу боюнча чечим чыгарган.

Лобнор жаратылыш багы 1986-жылы түзүлүп, анын жалпы аянты 60 миң чарчы метрди түзөт. Бул жерде 600 чукул жапайы төө жашайт.

Окумуштуулар аталган аймакта кен казуучу жайлардын тынбай иштөөсүнөн улам жаратылыш багы экологиялык кыйын кырдаалга кабылганын билдиришкен.

101
Белгилер:
төө, кен, тыюу салуу, Кытай
Тема боюнча
Аркардын козусунан тишин көрсөткөн суурга чейин. Ысык-Көлдүн жапайы жаныбарлары
Жолдо алсырап жаткан чаарчыкты баткендик жаран багып алды
Бал. Архивдик сүрөт

Ченемин билгиле. Диетолог балдын зыян жактарын айтып берди

15
(жаңыланган 08:31 15.08.2020)
Биохимиялык индекс боюнча, бал кумшекерге тете болгондуктан айрым оорулууларга такыр жегенге болбойт. Кээ бирлери чеги менен колдонушу шарт.

БИШКЕК, 15-авг. — Sputnik. Балды ченемден тыш колдонуу бир катар көйгөйгө алып келерин "Известия" дарыгер-диетолог, эксперт Дарья Русаковага шилтеме берип жазды. 

Адистин айтымында, кант диабети менен жабыркаган адамдар балдан таптакыр баш тартканы оң. Анткени таттуу азык кандагы глюкозаны көтөрөт. Ошондой эле балда углевод көп болгондуктан ден соолугу чың адамдар дагы ченеп жеши керек.

"Бир күндө 1-2 кашык колдонсо болот. Бирок күндүз жегенге аракет кылгыла, углеводдорду коротконго жардам берет. Биохимиялык индекс боюнча, бал кумшекерге тете болуп калат. Ошондуктан балды көп жеген ашыкча салмакка алып келет", — деген диетолог.

Уйку канат. Дарыгер кумшекерден баш тартуунун пайдасын айтты

Ал кошумчалагандай, балды дайыма колдонгудай анда пайдалуу делген микроэлементтер, витаминдер жана заттар аз.

Ошондой эле тамак-аш адиси балдын жаңысын дүкөндөрдөн алууну сунуштаган. Себеби колдон-колго өтүп сатылгандар анын каякта чогултулуп сакталганына жана алып келингенине жооптуу эмес.

15
Белгилер:
салмак, бал, азык, диетолог
Тема боюнча
Дарыгер салмак коштурчу суусундуктарды тизмектеп берди
Жайлоодо мал кайтарып жүргөн киши. Архивдик сүрөт

Ишембиге карата аба ырайы

77
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

77
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды