Ошто эң даамдуу палоо баскан эки ашпозчу тандалды
(жаңыланган 13:13 21.08.2017)
Фестивалга Кыргызстан, Россия, Өзбекстан жана Казакстандан мен-мен деген ашпозчулар келгенБИШКЕК, 20-авг. — Sputnik. Ошто "Азия элинин достугу" аталышында өткөн ашпозчулардын эл аралык фестивалында эң мыкты палоо баскан жеңүүчүлөр аныкталды. Бул тууралуу аймактык кабарчы жеринен билдирди.
Ошто "Азия элинин достугу" аталышында өткөн ашпозчулардын эл аралык фестивалында эң мыкты палоо баскан жеңүүчүлөр аныкталды© Фото / Зульфия Тургунова
Иш-чара бүгүн, 20-августта шаардагы "Сүйүү багында" саат 10.00дө башталган.© Фото / пресс-служба мэрии города Ош
Фестивалдын жыйынтыгында Ош шаарынын тургуну Айбек Ризаматов менен кошуна Анжиян шаарынан келген Хуршид Хасанов жеңүүчү деп табылды© Фото / пресс-служба мэрии города Ош
Аларга баш байге катары Дубайда эс алууга жолдомо тапшырылды© Фото / Зульфия Тургунова
Ал эми 2-3-орунду ээлегендерге баалуу белектер ыйгарылды© Фото / Зульфия Тургунова
Аталган фестивалда Кыргызстан, Россия, Өзбекстан жана Казакстандан келген мен-мен деген ашпозчулар палоо жасап жарышкан.© Фото / Зульфия Тургунова
©
Фото / Зульфия Тургунова
Иш-чара бүгүн, 20-августта шаардагы "Сүйүү багында" саат 10.00дө башталган.
"Фестивалдын жыйынтыгында Ош шаарынын тургуну Айбек Ризаматов менен кошуна Анжиян шаарынан келген Хуршид Хасанов жеңүүчү деп табылды. Аларга баш байге катары Дубайда эс алууга жолдомо тапшырылды. Ал эми 2-3-орунду ээлегендерге баалуу белектер ыйгарылды", — деп кабарчы билдирди.
Аталган фестивалда Кыргызстан, Россия, Өзбекстан жана Казакстандан келген мен-мен деген ашпозчулар палоо жасап жарышкан.
Германия Кыргызстандын карызын кечет, бирок бир шарты бар
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.
Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.
©
Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.
Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.
Белгилер:
Ысык-Көл: медиктерге берилген жолтандабас президенттин иш башкармалыгында жүрөт
(жаңыланган 22:57 26.01.2021)
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.БИШКЕК, 26-янв. — Sputnik. Каракол шаарынын Санитардык эпидемиологиялык көзөмөлдөө кызматы өткөн жылдын сентябрь айында берилген Toyota Land Cruiser Prado үлгүсүндөгү жолтандабасты башка автоунаага КР президентинин иш башкармалыгы менен алмашып алды. Бул тууралуу кызматтын жетекчиси Нуркамел Бектуров билдирди.
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.
Мындан улам Sputnik Кыргызстан агенттигинин кабарчысы Санитардык эпидемиологиялык көзөмөлдөө кызматынын жетекчиси менен байланышты. Ал автоунааны алмашып алышканын тастыктап, жолтандабастын ордуна Volkswagen Polo үлгүсүндөгү машина алышканын билдирди.
©
Sputnik / Александр Кряжев
Эске салсак, өткөн жылдын июль айында өкмөттүн Ысык-Көл облусундагы өкүлчүлүгүнө тиешелүү автоунаага башка автонун номери тагылып жүргөн жерден кармалып, чуу чыккан. Кийин ал авто эл аралык долбоордун негизинде сатып алынганы айтылган. Көп өтпөй автокөлүк Каракол шаарынын Санитардык эпидемиологиялык көзөмөлдөө кызматына белекке берилген.