Калпак кийген кыргыздар. Архивдик сүрөт

ТОП-5. Аты-жөнү окшош белгилүү кыргызстандыктар

3688
(жаңыланган 10:00 25.08.2017)
Интернет айдыңында айтылуу төкмө акын Элмирбек Иманалиевдин аты-фамилиясына окшош дагы бир акын Элмирбек Иманалиев пайда болду. Бул, албетте, көпчүлүктүн бүйүрүн кызытты.

Мындан улам Sputnik Кыргызстан маалымат агенттиги аты-жөнү оппокшош, коомго таанымал адамдарды тизмектеп көрдү.

1. Саясатчы жана ырчы Иса Өмүркуловдор

Депутат ЖК 6 созыва от фракции СДПК Иса Омуркулов. Архивное фото
© Sputnik / Табылды Кадырбеков
Саясатчы Иса Өмүркулов
Саясатчы Иса Өмүркулов Бишкек шаарынын мурдагы мэри. 2015-жылы КСДП тизмеси менен Жогорку Кеңештин VI чакырылышынын депутаты болуп шайланган. Ал ырчы Иса Өмүркуловду биринчи жолу тойдо ырдап жатканда көрүп, таанышканын айтты.

Депутат 1957-жылы 12-мартта Чүй облусунун Аламүдүн районуна караштуу Тоолуу Маевка айылында туулган. 

Певец на сцене на площади Ала-Тоо в Бишкеке посвященный ко дню Независимости КР
© Sputnik / Табылды Кадырбеков
Эстрада ырчысы Иса Өмүркулов

Эстрада ырчысы Иса Өмүркулов — кыргыз шоу-бизнесинин жаш мууну. Иса деген ысымды таенеси коомдук ишмер Адахан Мадумаровдун атасы, үй-бүлөлүк катышы бар Кимсанбай ажынын сунушу менен ыйгарган. 2006-жылы ырчы депутат Иса Өмүркулов менен тойдон көрүшүп, бири-биринин үй-бүлөлөрү менен таанышканын айтып берди. Ырчы азыркыга чейин жакшы мамиледе экенин жана кеңеш алып турарын жашырган жок.

Ырчы 1995-жылы 25-июнда Чүй облусунун Сары-Булак айылында төрөлгөн.

2. Журналист жана машыктыруучу Айбек Мусаевдер

Акыркы жылдары Россияда мелдештерге катышып, байгелүү орундарды алып жаткан мушкерлерибиз көбөйдү. Алардын көбү "Жаш-Күч" спорттук клубунун спортчулары. Аталган клубга Айбек Мусаев президент. Анын айтымында, адашы, журналист Айбек Мусаев тууралуу жакында эле интернеттен көрүп, таң калып койгон. 

Тренер клуба Жаш-Куч Айбек Мусаев во время взвешивания спортсменов
© Sputnik / Табылды Кадырбеков
Машыктыруучу Мусаев

Машыктыруучу Мусаев 1983-жылы Баткен облусундагы Кызыл-Кыя шаарында туулган. 

Главный редактор ЭлТР журналист Айбек Мусаев
© Sputnik / предоставлено Айбеком Мусаевым
Журналист Айбек Мусаев

Журналист Айбек Мусаев ЭлТР каналынын башкы директору. Ал адашы, машыктыруучу Мусаев тууралуу буга чейин маалыматы болгон эместигин айтты. Журналист Мусаев 1971-жылы 10-январда Нарын шаарында туулган.

3. Депутат жана журналист Эркин Алымбековдор

Депутат Жогорку Кенеша V созыва от фракции Ата Мекен Эркин Алымбеков во время сессии. Архивное фото
© Фото / пресс-служба ЖК КР / Ашыркул Оморов
Саясатчы Эркин Алымбеков
Саясатчы Эркин Алымбеков 2010-2014-жылдары Жогорку Кеңештин V чакырылышынын депутаты. ЖКнын Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетин жетектеген. Былтыр Ысык-Көлдөгү үйүнөн дүйнө салган. 1961-жылы 5-ноябрда Ысык-Көл облусуна караштуу Ак- Суу районунун Жаңы-Арык айылында төрөлгөн. 
Корреспондент информационного агентства и радио Sputnik Кыргызстан Эркин Алымбеков
© Sputnik / Табылды Кадырбеков
Журналист Эркин Алымбеков

Журналист Эркин Алымбеков бир канча жалпыга маалымдоо каражаттарында эмгектенген. 2015-жылдан тарта Sputnik Кыргызстан маалымат агенттиги жана радиосунун журналисти. Ушул жылдын июль айынан тарта редакциянын шеф-редактору болуп дайындалган.

Ал адашы Эркин Алымбеков менен кантип таанышканын төмөнкүчө айтып берди. "2011-жылы радиодо ди-джей болуп иштеген таанышым Жаныбек Айдаралиев киши колдуу болду. Ал жөн гана таксистке болушайын дегенде балдар сабап өлтүрүп коюшту. Кылмышка шектүү депутаттын жардамчысы болгондуктан, жоопкерчиликтен качабы деп ишти жөн койгум келген жок. Анан Жогорку Кеңештин алдында чакан митинг уюштургам. Жалпыга маалымдоо каражаттары "Эркин Алымбеков кылмышкер аркылуу бийликти өзүнө көңүл бурдурткусу келди" деп жазышкан. Кесиптештериме ошол кездеги депутат Эркин Алымбеков чалып, эч кандай митингге чыкпагандыгын билдирген. Журналисттер кеп башка Эркин Алымбеков тууралуу болуп жатканын айтышканда, мен жөнүндө билиптир. Ошол окуядан кийин ал киши менен жолугуштук. Алымбеков мага интеллигент, билимдүү жана жагымдуу киши туюлду" — деди Алымбеков.

Журналист 1984-жылы Бишкек шаарында туулган.

4. Бири алп, бири кичи төкмө акын Элмирбек Иманалиевдер

Акын Элмирбек Иманалиев во время выступления.
© Фото / из личного архива Элмирбека Иманалиева
Эл артисти, айтылуу ак таңдай акын Элмирбек Иманалиев
КР Эл артисти, айтылуу ак таңдай акын Элмирбек Иманалиев узун элдин учугуна илинген залкар киши. 1993-жылдан тарта төкмө акындардын республикалык, эл аралык конкурстарына, фестивалдарына катышып келет.

Иманалиев 1978-жылы Токтогулдун Өзгөрүш айылында туулган. 

Молодой акын Элмирбек Иманалиев во время интервью на радио Sputnik Кыргызстан
© Sputnik / Жоомарт Ураимов
Төкмө акын Элмирбек Иманалиев

Ал эми кичинекей Элмирбек Иманалиев төкмөлүккө көңүл койгон жаштардын бири. Ата-энеси улуу акын Элмирбек Иманалиевдин талантына таасирленип, атайын Элмирбек деген ысымды коюшкан. Баланын атасынын чоң атасынын аты Иманаалы.

2013-жылы Иманалиевдин "Сахнада 20 жыл" аталышындагы концерти бүткөндөн кийин кичинекей Элмирбекти апасы чоң акынга тааныштырууга алып барган. Акын адашы тууралуу укканда абдан кубанган. Бирок эл гүл берип жатып жакшы тааныша албай калышкан. Кийин апасы интернеттен акын Азамат Болгонбаев аркылуу Иманалиевдин номерин таап уулун жолуктурган.

Учурда кичинекей Элмирбек Иманалиев "Айтыш" коомдук фондуна мүчөлүккө алынып, акындык айтыштарга чыгып келет. 2003-жылы 11-августта Бишкек шаарында төрөлгөн. №68 гимназиянын 8-классынын окуучусу.

5. Спортчу жана саясатчы Каныбек Осмоналиевдер

Депутат Жогорку Кенеша Каныбек Осмоналиев
© Фото / Пресс-служба ЖК КР
Коомдук ишмер Каныбек Осмоналиев
Коомдук ишмер Каныбек Осмоналиев Жогорку Кеңештин V чакырылышынын депутаты болгон. Физика-математика илимдеринин доктору 1956-жылы 21-январда Ош облусундагы Алай районунун Гүлчө айылында туулган.

Ал эми оор атлетика боюнча дүйнө чемпиону Каныбек Осмоналиев кыргыз спортунун өчпөс жылдызы. Ал адашы Осмоналиев менен жолуккандыгы тууралуу "илгери Чүй университетинин ректору Султан Мамбеткалиев сенин аты-жөнүңө окшош таанымал адам бар" деп калды. "Каныбек байке (адашы — ред.) ошол кезде бир окуу жайдын ректору экен. Кийинчерээк жолугушуп, жакшылыктарда чогуу жүрдүк. Мен ал адамдын кичипейилдигин, адамгерчилигин баалайм. Учурда мамилебиз жакшы. Бизди көп учурда адаштырып алышат. Өзгөчө адашым депутат болуп жүргөндө кат, билдирүүлөр мага түшүп калып, жардам сурагандар болгон", — деп айтып берди Осмоналиев. 

Кыргызсткий и советский тяжелоатлет, чемпион Олимпийских игр 1980 года Каныбек Осмоналиев во время интервью Sputnik Кыргызстан
© Sputnik / Данияр Сандыбаев
Оор атлетчи Каныбек Осмоналиев

Каныбек Осмоналиев 1980-жылы Москвада өткөн олимпиаданын алтын медалынын ээси, оор атлетика боюнча дүйнөнүн 4, Европанын 2 жолку чемпиону. 1953-жылы 19-январда Чүй облусундагы Кемин районунда туулган.

3688
Белгилер:
Кыргызстан, ысым, белгилүү, окшош
Тема боюнча
Теңтуштары оромпой тээп жүргөндө саясаттан ордун тапкан 9 адам
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

165
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

165
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду
Тоолуу аймак. Архивдик сүрөт

Дүйшөмбүгө карата аба ырайы